Adifek aurkeztutako bideoa onartu du epaileak Alviako istripuaren epaiketan
Angroisen (Galizia) tren istripua gertatu eta 9 urtera, gaur hasi da Santiagon gertaturikoa argitzeko epaiketa. 2013ko uztailaren 23ko ezbeharrean 80 pertsona hil, eta 145 lagun zauritu ziren.
Francisco Garzon makinista eta Andres Cortabitarte Adifeko segurtasun zuzendari ohia eseriko dira akusatuen aulkietan. 80 homizidio delitu, 145 lesio delitu eta beste kalte delitu bat egozten dizkiete arduragabekeria profesional larriagatik. Erantzukizun zibil gisa 57,69 milioi euroko kalte ordaina eskatu diete.
Ahozko epaiketa bera hasi baino lehen aurretiazko arazoak argitzeko eguna izan da gaurkoa. Elena Fernandez epaileak Espainiako Trenbide Azpiegituren Administratzaileak, Adifek aurkeztutako azken bideoa onartzea erabaki du, "alderdi baten froga" gisa. Epaiketako alde gehienak aurka agertu dira.
Francisco Jose Gonzalez Losada akusazioaren abokatuak salatu duenez, bideoaren helburua Andres Cortabitarte errugabetzea eta gertatutakoa makinistari egoztea da. Biktimen Plataformako abokatuaren iritziz, bideoak ez ditu betetzen legezko froga izateko baldintzak. Kritiken aurrean, Estatuaren abokatuak, Adif ordezkatzen duenak, bideoaren balioa defendatu du. Horren esanetan, "azalpen-dokumentu grafiko" bat baino ez da, eta ez istripuaren egunean gertatu zenaren "erreprodukzioa".
Bestalde, epaileak errefusatu egin ditu Estatuko Abokatutzak epaiketan parte hartzeagatik egindako eskaria. Francisco Garzonen abokatuak "interes gatazka" salatu du, besteak beste, Estatuko Abokatutzak Adifekin eta Renferekin hitzarmenak dituelako.
Esther Mateo teknikariaren errekusazioa ere gaitzetsi du epaileak. Orain, Adifeko Segurtasuneko zuzendari nagusia denak epaiketan deklaratuko du.
Aurretiazko arazoak ebatzita, bihar ekingo diote ahozko epaiketari makinistaren deklarazioarekin. Aurreikuspenak betetzen badira, bigarren akusatuak, Adifeko segurtasun zuzendari ohiak, ostiralean deklaratuko du.
Zigor eskariak
Fiskaltzak eta biktima gehienak ordezkatzen dituen plataformak lau urteko kartzela zigorra eskatzen dute makinistarentzat eta Adifeko segurtasun zuzendari ohiarentzat.
Manuel Prieto Defentsa abokatuak, ostera, absoluzioa eskatzen du. Horren arabera, ezbeharra gertatzeko "gakoa" izan zen Ourense eta Santiago arteko linean "arrisku analisirik eta segurtasun neurririk" ez izatea.
Zure interesekoa izan daiteke
Amaia Galindez, portugaletetarra Granadan: "Urduritasuna eta beldurra nagusitu da hemen"
Granadako bizilagunen artean urduritasuna pil-pilean dago lurrikarak direla eta. Horixe kontatu digu Amaia Galindez portugaletetarrak, bertan bidaian dagoenak.
Eusko Jaurlaritzak ez ditu trafiko kontrolak egingo Oiartzunen, Irunek eskatu duen arren
Cristina Laborda Irungo alkateak "salbuespenezko neurriak" eskatu ditu, oporretatik itzuleran auto-ilarak errepikatuko direla aurreikusita. Hala ere, Ertzaintzak uste du kontrolak jartzeak auto-ilara gehiago eragin eta agenteak eta erabiltzaileak arriskuan jarriko lituzkeela.
Portu Zaharreko jaietan gutxienez hiru sexu-eraso salatu direla jakinarazi du Algortako Mugimendu Feministak
Uztailaren amaieran ospatu ziren San Inazio jaietan ere beste eraso bat izan zela gogoratu dute Getxoko feministek ohar batean.
ENBAk plan bat eskatu du baserri guztiak urez hornitu ahal izateko
Xabier Iraola nekazarien sindikatuko bozeramaileak zehaztu duenez, 5.000 baserri inguru daude Araban, Bizkaian eta Gipuzkoan ur-hornidurako sare publikotik kanpo. Udako lehorteen ondorioz, gero eta gehiago pairatzen dute ur-falta.
4,7ko beste lurrikara batek Granada astindu du, hiru zauritu eta Alhambra itxita utzita
Granadan 4,7ko indarreko beste lurrikara bat izan dute, eta hiru pertsona arin zauritu dira, tartean adin txikiko bat. Granadako Gojar herrian egon da epizentroa, baina Andaluziako beste lurraldeetan ere igarri da. Granadako monumentuak itxi egin behar izan dituzte badaezpada, Alhambra bera ere bai.
Epaileak 24 urteko espetxe-zigorra ezarri dio Nelson David Morenori, Bilbon 73 urteko gizon bat hiltzeagatik
Epaileak 22 urteko zigorra ezarri dio hilketa astunduagatik, eta beste bi urtekoa iruzur informatikoagatik. Laugarren kondena du, eta ikertzaileek uste dute 2021eko udazkenean hildako zazpi gizon homosexualen heriotzekin zerikusia duela.
Suhiltzaileak Urzainkin piztutako baso-sutea itzaltzeko lanean ari dira
Baso suteetarako Babes Zibileko Plan Bereziaren bigarren egoera operatiboa aktibatu du Nafarroako Gobernuak, ostiralean piztu zen sutea berpiztu ostean.
Llantenoko sutea egonkortuta dute eta zaintza- eta hozte-lanetan ari dira suhiltzaileak
Egoerak onera egin duen arren, puntu beroak daude oraindik eta lanean jarraitzen dute Gasteizko eta Espejoko suhiltzaileek. Aiarako Udalak herritarrei eskatu die ez gerturatzeko sute-eremura, suhiltzaileen lana ez oztopatzeko.
Eguzki eklipsearen ondoren, beste bat dator: ilargiarena, partziala, hilaren 28an
Joan den abuztuaren 12ko eguzki-eklipse osoaren ondoren, zeruak fenomeno astronomiko berri bat eskainiko du: abuztuaren 28ko gauean ilargiaren eklipse partziala ikusiko da, eta ilargiaren diskoaren % 93 estaliko du, gutxi gorabehera. Begi hutsez ikusi ahal izango da, instrumentazio berezirik gabe.
Jacan oporretan dauden euskaldunak boluntarioen taldeetan antolatu dira sua herrira irits ez dadin
Huescako sutea itzaltzen saiatzeko boluntaro taldeak antolatu dira. Horietako asko, euskaldunak dira. Jakan etxebizitza duten gipuzkoar eta nafarrak. Sugarrak kontrolatzeko bidean dira suhiltzaileak, baina beraiek ere bere aletxoa jarri nahi dute. Sasi, zuhaitz eta adar; sua indartu dezakeen erregaia kentzen.