Migratzaileekin trafikatzen zuen taldea desegin dute Bizkaian
Guardia Zibilak migratzaileekin trafikatzen zuen gaizkile taldea desegin du Bizkaian, eta zazpi pertsona atxilotu ditu, horietako bost, Muskizen eta Portugaleten —beste biak Madrilen hartu zituzten atxilo astelehenean—. Gainera, Santurtziko beste bizilagun bat ikerketapean jarri dute. Operazioarekin lotuta, agenteek miaketak egin dituzte Bizkaiko hainbat udalerritan.
Ikerketaren iturriek jakinarazi dutenez, taldeko kideek Espainiara, Frantziara eta Erresuma Batura sartzen laguntzen omen zieten migratzaileei, diruaren truke.
Denis Itxaso Espainiako Gobernuak EAEn duen ordezkariak operazioa baieztatu du kazetariei egindako adierazpenetan —bi atxiloketa baino ez ditu aipatu, Madrilen astelehenean egindakoak—. Zehaztu duenez, gaizkile taldeak Kantauri Itsasoko portuen, tartean Bilboko Portua, eta Erresuma Batuaren artean dabiltzan ferryak erabiltzen zituzten migratzaileekin trafikatzeko.
"Pertsonen trafikoaren kontrako operazio handia izan da", Itxasoren esanetan.
Argitu duenez, "gaizkile taldeak Kantauri Itsasoko portuak erabiltzen zituen migratzaileak Erresuma Batura modu irregularrean, ezkutuan, eramateko".
Zazpi atxiloketa eta ikertutako bat
Operazioa astelehenean jarri zuten martxan, eta bi pertsona atxilotu zituzten Madrilen.
Gaur, berriz, bost lagun atxilotu dituzte Bizkaian; lau, Muskizen eta beste bat, Portugaleten. Gainera, Santurtziko bizilagun bat ikerketapean jarri dute (ez dute atxilotu) sarearekin zuen harremana tarteko.
Atxilotutakoak Salbeko kuartelean (Bilbo) dituzte, epailearen aurrera eramateko aurretiazko izapideak bukatu bitartean.
Guardia Zibilak miaketak egin ditu Bizkaiko bi udalerriotan. Portugaleten, etxebizitza bat arakatu dute, eta Muskizen, lonja bat, auto bat eta etxebizitza bat.
Operazioak zabalik dirau, eta ez da baztertzen atxiloketa eta miaketa gehiago egitea, Guardia Zibilak zehaztu duenez.
Zure interesekoa izan daiteke
Mugikorrak alboratu eta familiaz gozatzeko gonbita, apirilaren 18an, EAEko hiriburuetan
Eusko Jaurlaritzak antolatuta, Familian Mugikorrik Gabeko Eguna ospatuko dute Donostian, Bilbon eta Gasteizen. Familietan teknologiaren erabilera kontzienteagoa sustatzea du helburu egitasmoak. “Ongizate emozionala zaintzeko eta denbora partekatuaren balioa berreskuratzeko keinu txiki” gisa aurkeztu du Nerea Melgosa Ongizate, Gazteria eta Erronka Demografikoko sailburuak.
Bizkaitik Nafarroara droga eramaten zuen gaizkile sare bat desegin dute: lau lagun atxilotu eta 22 kilo speed atzeman dituzte
Ortuellako etxebizitza batetik Nafarroara banatzen zen, eta droga garraiatzeko arduraduna 76 urteko gizon bat zen.
Manifestazioa deitu dute arratsalderako Berrizen, asteleheneko eraso matxista larria salatzeko
48 urteko gizonezkoa emaztea hiltzen saiatu zen Berrizen, eta emakumea helikopteroz eraman zuten Gurutzetako Ospitalera. Atxilotuak polizia-etxean jarraitzen du, epailearen aurrean deklaratzeko zain. Bestalde, Berangoko Udalak deituta, elkarretaratzea egingo dute arratsaldean Amaiaren hilketa salatzeko. Apirilaren 1ean bikotekideak hil omen zuen, Basaurin, baina berangoztarra zen.
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko astelehenak
Ezohiko itxura hartu du Pazko astelehenak. Eguraldi beroak hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.
Gizon bat atxilotu dute, Berrizen, emaztea labankadaz larri zauritzeagatik
Gertatutakoa salatzeko, Berrizko Mugimendu Feministak manifestazio zaratatsua deitu du biharko, arratsaldeko 18:30ean, Udaletxe paretik abiatuta.
Aske geratu dira Gasteizen adingabe bat sastatzea leporatuta atxilotutako zazpi gazteak
Asteburuan epailearen aurretik igaro ostean, guztiak utzi dituzte libre, azken biak igandean, Segurtasun Sailak jakinarazi duenez.
Eusko Jaurlaritzak 'Ttipi Ttapa' gida aurkeztu du, oinez egitea osasun eta kohesio sozialerako tresna bihurtzeko
Osasun Sailak udalerrien eskura jarri du jarduera fisikoa eta harreman sozialak sustatzeko gida praktikoa. Ekimenak ongizate fisiko eta emozionala hobetzea eta komunitateak indartzea du helburu.