Milaka euskaltzalek euskara erein dute Tafallan egin den Nafarroa Oinezen
Festa beteko eguna izan da gaur Tafallan, milaka lagun bildu baititu Nafarroa Oinezek Erdian Erein lelopean. Euskaltzaleek ez dute hutsik egin, eta goraino bete dituzte bi kilometroko ibilbidea eta antolakuntzak atondutako lau guneak: Sustrai, Hazi, Zuhaitz eta Kimu.
Garces de los Fayos Ikastolako zuzendari Paula Arreguik egunaren amaieran adierazi duenez, Tafallan (Nafarroa), "asteburu osoan euskara arnastu da", eta "aurreikuspenak gainditu dira".
Ikastetxeko zuzendariak azaldu duenez, "jende asko hurbildu da Tafallara", horren erakusgarri "izotza amaitu" izana da.
"Giroa oso ona izan da, eta oso pozik gaude Nafarroa Oinez nola garatu den ikusita", azaldu du zuzendariak, eta eskerrak eman dizkie ikastolen festan parte hartu, eta gozatu nahi izan duten guztiei.
Arreguik erronka lehiaketa nabarmendu du, "erabateko arrakasta" izan da; Nafarroako ikastoletako ikasleek parte hartu dute lehiaketa horretan, eta, azkenean, San Fermin ikastolako taldeak irabazi du.
Balorazio xeheagoa datozen egunotan egingo duten arren, antolatzaileek azpimarratu dute oso arrakastatsua izan dela jaia, jendetza gerturatu delako eta erabateko normaltasunez eta jai-giro betean igaro delako eguna.
Egunaren amaieran, Garces de los Fayos ikastolak Nafarroako Ikastolen Federazioaren esku utzi du Nafarroa Oinezen lekukoa, eta horrek Gotzon Perez eta Iñigo Orellari eman die, Etxarri-Aranazko Andra Mari Ikastolaren arduradunei, hain zuzen ere, 2023ko Nafarroa Oinez bertan ospatuko baita.
Gerokoek jaso dezaten erein
Irekiera ekitaldian izan dira Paula Arregi eta Aritz Azcarate ikastolako zuzendaria eta presidentea, eta horiekin batera Elena Zabaleta Nafarroako Ikastolen Federazioko lehendakaria, Jesus Arrizubieta Tafallako alkatea eta Unai Hualde Nafarroako Gobernuko presidenteordea, besteak beste.
Adriana Salvo ikastolako ikasle ohi eta aktoreak, Eva Mediaville zeinu hizkuntzako interpretearekin batera, aurkeztu dute hunkigarria izan den ekitaldia.
Aritz Azcaratek esan du jaia antolatzeko lana "gogorra" izan dela azken urtean, baina "dibertigarria" ere izan dela, eta horrek "ilusioa berritzea" eragin duela. Gogorarazi duenez, "nekazarien lurra da, eta badakigu uzta jaso eta gero berriro erein beharra dagoela. Horrela jarraituko dugu, erdian ereiten, gaurko leloari erreferentzia eginez, Erdian Erein, gure seme-alabek ametsak euskaraz bete ditzaten". Ildo horretan, ikastolen izaeraren ezaugarri diren "kooperatibismoa, autogestioa, partehartzea, elkartasuna eta auzolana" azpimarratu ditu, eta "gure hizkuntzaren, kulturaren eta nortasunaren alde borroka" egiten jarraitzen duten euskaltzaleen lana goraipatu du.
Jose Maria Aierdi Lurralde Antolaketa, Etxebizitza, Paisaia eta Proiektu Estrategikoen kontseilari eta presidenteorde bigarrenak zoriondu egin ditu ikastolak Nafarroa Oinez jaia "bizirik" edukitzeagatik eta euskaltzale guztiek maite duten hitzordu bihurtzeagatik.
Garces de los Fayos ikastola
Laugarrenez ospatu da Nafarroa Oinez Tafallan. Lehena, 1986an egin zen, eta ondoren, 1997an eta 2011n.
Gaur egun, 223 familiak, 35 langilek eta 318 ikaslek osatzen dute Garces de los Fayos ikastola eta Tafallako ikasleak ez ezik, inguruko herrietakoak ere hartzen ditu.
Zure interesekoa izan daiteke
Ikuskizunetako teknikariek abuztuaren 5erako deitutako grebarekin bat egingo dute Gasteizko txosnek
45 ikuskizun izango dira txosnetan, eta, horrez gain, beste hamaika proposamen kolektibo ezberdinen eskutik. Dozenaka kolektibok eta ehunka boluntariok dihardute egunotan auzolanean txosna gunea egokitzen. Testuinguru horretan, ikuskizunetako eta ekitaldietako teknikariek abuztuaren 5erako deitutako greba egunarekin bat egingo dute.
Motor gidari bat hil da Lezon izandako trafiko istripu batean
Istripua GI-3440 errepidean gertatu da, Lezon, 18.00ak aldera. Osasun arloko langileak bertaratu dira, baina ezin izan dute suspertu, eta hil egin da. Istripuaren ondorioz, zirkulazioa eten egin behar izan dute bi noranzkoetan. Gertatutakoaren nondik norakoak ikertzen ari dira.
La Oreja de Van Goghen abestiak ardatz, Donostia ezagutzeko tour turistiko bat sortu dute
Lander Agirreurreta donostiarrarekin batera, pop talde ezagunaren abestietan aipatzen diren txokoak bisitatu ditugu.
Txosnetako kontzertuak bertan behera hiru egunetan: abuztuaren 5ean Gasteizen, 14an Donostian eta 26an Bilbon
Kontzertuak bertan behera geratu dira ikuskizunetako langileek deitutako grebaren ondorioz.
Goizeko auto-ilaren ondoren, normaltasuna berreskuratu du zirkulazioak AP-8an eta A-1ean
Irteera operazioa dela eta, ibilgailu ugari pilatu dira goizean goizetik, Frantziatik penintsularen hegoaldera. Araban, A-1 autobidean, Gasteiz parean eta Madrilerako bidean sortu dira pilaketak.
Gizon bat atxilotu dute Gasteizen, gazte bati lapurreta egiten eta hiltzen saiatzea egotzita
Atxilotua, 27 urtekoa, 21 urteko mutil baten furgonetan lapurreta egiten saiatu da lagun batekin, eta biktimak aurre egin die.
Bi pertsona zauritu dira Saratsan, bi ibilgailuk talka eginda
Istripua 18:00ak aldera jazo da, N-240-A errepidean. Gizonak gerrialdeko min arina izan du, eta emakumeak, berriz, hainbat kolpe jaso ditu, eta haren zaurien pronostikoa erreserbatua da.
Pertsona bat zauritu da A-8an, Muskizen, Bilborako noranzkoan, autoa iraulita
Istripua 17:55 aldera jazo da, eta ibilgailua A-8 autobideko eskuineko eta erdiko erreietan traban geratu da; ondorioz, kilometro bateko ilarak sortu dira inguruetan, Bilbora bidean.
Euskarabenturak Getxon amaitu du bere ibilbidea, 650 kilometro egin ostean
130 gaztek Euskal Herriko zazpi lurraldeak zeharkatu dituzte, euskara ahoan, lagun berriak eginez eta esperientziak bilduz bihotzean gordetzeko. Ostiral goizean erantzi dituzte duela 31 egun Atharratzen jantzi zituzten oinetakoak, baina abenturak utzi dien arrastoa ez dute inoiz ahaztuko.
Gasteizek 1.000 lokal etxebizitza bihurtzeko bidea ireki du
Proiektuak eraldaketatik kanpo utziko ditu Alde Zaharra, Zabalgunea, Arriagako zati handi bat eta Salburuko zein Zabalganeko finkatu gabeko eremuak, eta etxebizitza berriak titularraren ohiko bizileku iraunkor gisa erabili beharko dira.