Emakume batek haurtxo bat bahitu du Basurtuko Ospitalean, eta Ertzaintzak laguntza eskatu du aurkitzeko
Emakume batek haurtxo bat bahitu du bart Basurtuko Ospitalean (Bilbo), eta Ertzaintza eta Bilboko Udaltzaingoa haien bila ari dira. Hori dela eta, herritarrei laguntza eskatu diete.
Egindako lehen ikerketen arabera, egilea 21:00ak aldera sartu zen ospitalera eta, osasun langileen plantan jantzita, ginekologiako solairuko haurtxo bat bahitu, eta handik ihes egin zuen.
Bahitzailea gutxi gorabehera 1,60 metroko altuera duen emakumea da, gorpuzkera gizena eta koleta edo motots batean jasotako ile kizkur luzea duena. Bahiketaren unean, mediku uniforme zuri bat zeraman jantzita, baina, ondoren, mahuka motzeko kamiseta zuri batekin, marrazki geometriko estanpatudun praka estuekin, kirol-zapatilekin eta ilargi erdiko poltsa beltz txiki batekin ikusi dute. Haurra besoetan zeraman, eta baita rafia motako poltsa angeluzuzen bat ere.
Horri buruzko informaziorik eman dezakeen pertsona orok, mesedez, jarri harremanetan Emergentzietako Sos-Deiak 112 telefonoarekin edo bidali mezu elektroniko bat honako helbide honetara: colabora_app@ertzaintza.eus.
Josu Erkoreka Segurtasun sailburuak agerraldia egingo du goizean (09:00etan) datu gehiago emateko.
Beste ohar batean Osasun Sailak azaldu duenez, 22:00etan haurtxo bat falta zela sumatu zuten. Familiaren arabera, osasun langile gisa jantzita zihoan pertsona batek umetxoa eraman zuen proba batzuk egin behar zizkiola esanez. Berehala Ertzaintzari eman zitzaion abisua, eta, aipatu bezala, ikerketa eta bilaketa lanak abiatuta daude.
Gogora ekarri behar da horrelako egoerak saihesteko, 2014an, Osakidetzak protokolo berezia ezarri zuela. Horren arabera, jaioberriei egin beharreko proba guztiak geletan bertan egiten dizkiete, eta posible ez bada, gurasoei eskatzen diete eurekin joateko.
Bi antzeko kasu, duela hamarkada bat
Aurretik ere, izan da haurtxoen bahiketa edo bahiketa saiaketarik Osakidetzaren ospitale sarean. Duela 10 eta 8 urte jazo ziren, biak ala biak Donostia Ospitalean. 2012koa goizaldean gertatu zen, arazo psikiatrikoak zituen emakume batek umetxo bat ebatsi zuen gurasoak lo zeudela baliatuta. Haurtxoa onik aurkitu zuten handik ordu gutxira. Andreak taxi bat hartu zuen, eta taxi gidariak eman zuen abisua.
2014an, saiakeran geratu zen gertakaria. 36 urteko emakumezko bat, osasun langile gisa jantzia, haurtxo bat eramaten saiatu zen, baina handik gertu zegoen erizain laguntzaile bat amarruaz konturatu zen, eta bahitzailea atxiki zuen Ertzaintza heldu arte.
Zure interesekoa izan daiteke
Euskal hiztunen "eguneroko errealitatearen lagin txiki bat": 883 urraketa, 2025ean
Hizkuntza Eskubideen egoerari buruzko txostena aurkeztu du Behatokiak. Ondorio nagusia da "araugintzan errotiko aldaketak" egin ezean, "atzerapausoak emateko arriskua gero eta nabarmenagoa" dela. Azaldu dutenez, zenbait lanpostu publikotan euskararen ezagutza ez izateak sistema osoaren euskaraz funtzionatzeko gaitasuna oztopatzen du.
Eusko Jaurlaritzak Trans Memoriaren Eguna izendatu du azaroaren 20a
Dekretua elkarte eta erakunde sozialekin lankidetzan egin da, besteak beste, Naizen, Errespetuz eta Loratuz Lotu elkarteekin. Besteak beste, aukeratutako dataren proposamenean eta adostasunean parte hartu dute.
Akusatutako irakaslearen ikasle ohia: "Guk ere lekuz kanpo zeuden iruzkinak entzun behar izan genituen 11-12 urte genituenean"
Oiartzungo Elizalde ikastetxean irakasle akusatuaren ikasle izan ziren hainbat emakume Gipuzkoako Probintzia Epaitegira hurbildu dira gaur biktimei babesa ematera. Horietako batek azaldu duenez, 11-12 urte zituztenean "iruzkin lizunak" egiten zizkien gizonak, eta epaiketan entzundakoaren aurka, ziurtartatu duenez, gizona bera zen gerturatzen zitzaiena eta "lekuz kanpoko iruzkinak" egiten zizkiena. Ikasgelan bideo pornoak jartzen zizkiela eta hitz-joko lizunak egiten zituela esan dute, eta "nazkagarria" eta "lotsagabea" zela.
Irungo institutu batean diruaren truke ikasleei sexu harremanak proposatzea leporatzen dioten irakasleak akusazioak ukatu ditu, eta lan jazarpena salatu du
Fiskaltzak 22 urteko kartzela zigorra eskatu du irakasle horrentzat, 13 eta 15 urteko hiru adingaberi diruaren zein oparien truke sexu harremanak izateko proposamenak egitea egotzita.
Epaileak Amaya Zabarteren kasua artxibatu du, jaurtigaia nork bota zuen egiaztatu ezin duelako
Donostiako epaileak behin-behinean artxibatu du 2024ko martxoan jasandako lesioagatik irekitako auzia, eta familiak helegitea aurkezteko aukera du orain.
Epailearen arabera, Estatuko administrazioarena zen El Bocaleko pasabidea mantentzearen ardura, eta ikerketapean jarri ditu Trantsizio Ekologikoko bi funtzionario
Epailearen ustez, Estatuko administrazioa da martxoaren 3an Santanderko hondartza horretan istripua izan zen pasabidearen "kontserbazio-egoera eta mantentzea egokia zela bermatzeko arduradun bakarra", eta pasabide horretako eta beste batzuetako lanak "amaitu gabe" daudela. Sei pertsona hil ziren eta bat larri zauritu zen, martxoaren 3an, itsaso ondoko pasabidea behera etorrita.
Alokairuen eskaintza, amilduta: Bilbon eta Donostian % 70 baino gehiago murriztu da
Iruñean alokairuen eskaintza % 47 jaitsi da, eta Gasteizen % 26, Idealistaren arabera. Bilbon, etxebizitza baten bila dabiltzanen lehiak % 864 egin du gora bost urtean.
Ordu aldaketa: Bueltan da udako ordutegia
Martxoaren 28tik (larunbata) 29ra (igandea) bitarteko goizaldean, 02:00etan ordua aldatu egin beharko da, eta 03:00ak izango dira. Atseden hartzeko ordubete gutxiago egongo da. Egungo ordutegi ereduarekin jarraitzeko beharrak eztabaida sortzen du, batez ere bi arrazoi garrantzitsu direla eta: Osasuna eta energia kostua.
Futbol arbitro neska batek salatu du irainak eta mehatxuak bota zizkiotela partida batean, Basaurin
Bizkaiko Futbol Federakundeko lehiaketa batzordea gaur elkartzekoa da gertatutakoa aztertzeko eta balizko neurriak aztertzeko. Basauriko futbol taldeko jokalariak, teknikariak eta zaleak barne, irainka hasi zitzaizkion, talde bisitariak berdinketa (3-3) lortu eta gero.
BI-30 errepidean izandako istripu batek auto-ilarak eragin ditu Txorierrin eta Arrontegin
Ezbeharra goizean goiz gertatu da Erandion, eta errei bat itxi behar izan dute Galdakaorako noranzkoan. Ilara luzeak sortu dira.