Nafarroan LGTBIfobia delituak hautemateko gida
Astearte honetan, Nafarroako Berdintasuneko Institutuko (NABI) zuzendari gerente Eva Isturizek eta LGTBI+eko alorreko zuzendariorde Julen Enerizek LGTBIfobia delituak hautemateko gida aurkeztu dute. Dokumentu horretan, gorroto delituak zer diren argitzen da, baita horiek nola identifikatu ere. Euskaraz eta gaztelaniaz dagoen dokumentu horretan, gorroto delitu baten biktima nahiz lekuko izatean nola jokatu adierazten da.
Txostenean, LGTBIfobia delitutzat hartzen da biktimaren identitate edota orientazio sexuala oinarri duen norbaiten aurkako eraso, mehatxu zein kalte oro. Julen Enerizek gida hori orokortzeko nahia adierazi du, hiritar guztiek erreferentziatzat izatea nahi du, eta ez soilik LGTBI biktimek.
NABIko zuzendariak Nafarroako gobernuak berdintasunarekiko daukan konpromisoa adierazi du: "sexu- eta genero-identitate eta -orientazio anitzeko politika publikoak bultzatzen jarraitzeko, LGTBI+ pertsona guztiek modu aske, oso eta seguruan bizi ahal izan dezaten. Hezkuntzaren bidez eta aurreiritziak, estereotipoak eta estigmak desagerraraziz soilik eraiki daitezke errespetuan oinarritutako gizarteak".
Gida hori Kattilingune zerbitzuko egoitzetan, Iruñean, Tuteran, Irurtzunen, Tafallan eta Lizarran banatuko da, baita Justizia Jauregiko gorroto delituen biktimen egoitzan eta Iruñeko Harrotu zerbitzuan ere.
Gida Kattilingune zerbitzuan eskaintzen den biktimentzako doako aholkularitza juridiko eta emozionalaren lagungarria da.
Biktima edo lekuko izanez gero nola jokatu
LGTBIfobia delitu baten biktima izatekotan, hori salatzeko eskubidea azpimarratzen du gidak. Ez da beharrezkoa berehala salatzea, baina lehenbailehen poliziari deitzea gomendatzen da. Gainera, kalte fisiko edo lesioren bat jasatekotan, osasun zentro batera gerturatu behar da horren ziurtagiria lortzeko. Garrantzitsua da dokumentu horretan delitua gorrotoagatik gertatu dela argi uztea.
Salaketa ahoz edota idatziz gauzatu daiteke komisaria batean zein auzitegi batean. Lagungarria da delituan jasotako irainak eta egilearen edo egileen deskripzio fisikoak ematea.
Lekuko izatekotan, lege-betebeharra da hori salatzea, zigor kodean adierazten den moduan.
Albiste gehiago gizartea
Adunako prostituzio-etxe bateko arduraduna atxilotu dute, sexu esplotazioa eta sexu eraso baten saiakera leporatuta
Lokaleko langileetako batek tratu umiliagarria jasan zuela eta drogak kontsumitzera behartu zutela salatu zuen, besteak beste.
Elkar argitaletxeak erabaki du Igartza bekarekin ez jarraitzea, CAFek Israelekin duen lotura dela eta
Saioa Alkaiza bertsolari eta idazleak sariari uko egin eta hamar egunera iritsi da Elkarren erabakia. “Palestinar herriaren kontra gauzatzen ari den genozidioan CAFek duen inplikazioa" salatu zuen sortzaile iruindarrak.
Donostian izandako azken sexu erasoa salatzeko bilkura egin dute hiriko udaletxe atarian
45 urteko gizon bat atxilotu dute joan den ostiralean emakume batek jasandako sexu-erasoaren egilea izatea egotzita. Emakumeak ertzain-etxean salatu zuenez, gizonak sexu-erasoa egiteaz gain, zer egiten zuen eta norekin zegoen kontrolatzen zuen, eta lagunak ikustea debekatzen zion.
Euskal Sagardoak 2025eko sagar-uzta aurkeztu du Altzon
Aurtengoa sagar urtea dela ziurtatu dute, eta azken urtean bildutako sagar kopurua bikoiztea espero dute. Iaz ez bezala, aurtengo sagar uztak itxura oso ona du.
Osakidetzak 48 urtera zabalduko du bularreko minbizia detektatzeko baheketa
Osakidetzako Protonterapia Unitate berriaren obrak bisitatu ditu Imanol Pradales lehendakariak, eta bertan egin du iragarpena.
Bilboko hilketagatik atxilotutakoak ez dira indarkeriazko taldeetako kideak, Ertzaintzako buruaren arabera
"Etxerako bidean elkar ezagutzen ez zuten bi gazte taldekoak ziren" hiru atxilotuak eta hildakoa. Dirudienez, elkarri irainka hasi ziren, eta azkenean liskarra gertatu zen. Ertzaintzaren buruak errefusatu du atxilotuek talde edo indarkeriazko taldeekin lotura dutenik.
Urolako eta Goierriko adingabeen odolean konposatu kimikoak daudela baieztatu dute
EHUren azterketa batek ondorioztatu du adin txikikoetan aurkitutako PFAS konposatu kimikoen mailek ez dutela arrisku larririk eragiten osasunerako, baina zaintza indartzeko premia ohartarazi du.
Espainiako Gobernua Gasteizko errefuxiatuen zentroaren edukiera murrizteko proposamenaren "bideragarritasuna" aztertzen ari da
Gobernuak Euskadin duen ordezkaria "bat dator" eta "ulertzen du" baliabide horretako plazak 350etik 200era murrizteko Maider Etxebarria Gasteizko alkateak egindako eskaera.
Bilbon lurreratzekoak ziren zazpi hegazkin beste aireportuetara bideratu behar izan dituzte, lainoagatik
Madriletik, Alacantetik, Basileatik, Bartzelonatik, Vienatik eta Paristik goizeko lehen orduko zetozen hegaldiak Santanderrera bideratu dituzte. Horietako bat Madrilera itzuli behar izan da, eta beste bat Zaragozara bidali dute. Loiuko aireportuan zabaldutako laino mardulagatik gertatu dira gorabeherak.
Sute batek Renfeko aldirietako tren-zirkulazioa etenarazi du Santurtzin, Peñotako geltokian
Bestalde, sutearen ondorioz, Bilbo eta Santurtzi arteko tentsio elektrikoa kaltetu da, eta horrek atzerapenak eragin ditu C1 eta C2 lineetan.