Bizkaiak neguko bidezaintza plana aktibatuko du, 431 langilerekin eta elurra kentzeko 89 makinarekin
Bizkaiko Foru Aldundiak 2022-2023 neguko bidezaintza plana jarriko du martxan, azaroaren 1etik apirilaren 30era arte. Dispositiboak giza baliabideak eta bitarteko materialak koordinatzen ditu, balizko baldintza txarrei eraginkortasun handiagoz aurre egiteko. 431 langilek, elurra kentzeko 89 makinek eta kontrol zentroei informazio eguneratua eta iraunkorra eskaintzen dieten sareko puntu esanguratsuetan kokatutako sei estazio meteorologikok osatzen dute.
Berritasun moduan, neguko kanpaina honetarako dispositiboak elurra kentzeko lau makina berri eta N-240 errepidean, Barazarren, 900 metro kubikoko edukierako gatza pilatzeko instalazio estali bat ditu. Era berean, bigarren urtez jarraian, Bizkaiko neguko bidezaintza planak datuen analisia txertatu du dispositiboaren kudeaketan, baliabideen erabileran eraginkortasuna handitzeko, kamera sare baten bitartez.
Bizkaimove doako aplikazio berritua erabilgai izango da aurten ere. Azpiegituren arduradunek lurraldeko bide sarea erabiltzen duten pertsonei gomendatu diete bidearen egoerari eta baldintza meteorologikoei buruz uneoro informatuta egotea, eta kontu handiz ibiltzea egoera txarretan gidatu behar badute.
Neguko bidezaintza planak trafikoaren lau baldintza maila jasotzen ditu, galtzadak duen elurraren eta izotzaren arabera. Lau egoera horietako bakoitzean, abiadura mugak, zirkulazio murrizketak edo kate zein pneumatiko bereziekin zirkulatzeko derrigortasuna ezarriko dira.
Era berean, neguko bidezaintza planak hiru lehentasun maila ezartzen ditu galtzada garbitzeko. Hala, 1. mailak etengabeko zerbitzua ezartzen du errepide eta autobide nagusietan, ospitaleetarako sarbideetan eta, adibidez, aireportua edo Bilboko Portua bezalako azpiegituretan zirkulazioa bermatzeko. Maila horretan zirkulazioa bermatuta dagoenean, makinek izotzez edo elurrez garbituko lituzkete lehentasun txikiagokotzat jotako errepideak.
Zure interesekoa izan daiteke
Migrazioa delinkuentziarekin eta zerbitzu-abusuarekin lotzen dutenen kopurua jaitsi da
Ikuspegi Immigrazioaren Euskal Behatokiak egindako azterlan baten arabera, euskal herritarren % 10ek baino gutxiagok aipatzen du immigrazioa herrialdeko arazo nagusietako gisa, eta % 2,7k baino ez dio modu pertsonalean eragiten diola.
Gipuzkoako Auzitegiak absolbitu egin ditu haurra hiltzen saiatzeagatik akusatu zituzten gurasoak
Gipuzkoako Probintzia Auzitegiak absolbitu egin ditu gurasoak, haurra hiltzen saiatzeagatik akusatu ostean; ondorioztatu du ezin izan dela frogatu, neskatoaren lesioek jatorri traumatikoa zutenik edo kolpe baten ondorio zirenik.
3I/ATLAS kometa Lurrera ahalik eta gehien hurbildu da, eta ezustekorik gabe urruntzen ari da
Zientzialari errusiarrek baztertu egin dituzte, berriro ere, estralurtarren ustezko ontzi bat zela zioten teoriak.
Etxebizitzak gero eta gehiago kezkatzen du euskal gizartea, eta Osakidetzarekiko eta Ertzaintzarekiko konfiantza hobetzen ari da
Etxebizitza eskuratzea da euskal gizartearen arazo nagusia, azken Deustobarometroaren arabera; bitartean, osasunaren, segurtasunaren eta migrazioaren inguruko kezkak behera egin du, eta zerbitzu publikoekiko konfiantza berreskuratu da.
Guardia Zibilak erietxera eraman ditu Beloradotik joandakoekin Urduñan bizi ziren mojetako bost, osasun-baldintza kaxkarretan zeudelakoan
Ostegun honetan Santa Klarako monastegitik 87 eta 101 urte arteko bost moja atera dituzte eta Basurtuko erietxera eraman dituzte azterketa egitera, epailearen aginduz. Guardia Zibilak jakitera eman duenez, emakumeak osasun-baldintza txarretan bizi zirela egiaztatu ahala izan dute. Adierazpen horiek gezurtatzeko helburuz, etxeko mojetako batek sareetan zabaldu ditu eraikin barruko irudiak.
Fiskalak erretiratu egin ditu Zestoako akusatu nagusiaren aurkako akusazio guztiak, eta gainerako bostentzat isuna eskatu du
Salatzailearen bikotekide ohiaren deklarazioa entzun ostean, fiskalak frogatutzat jo du gizonarekiko beldur gaindiezina izan zuela eta zigor eskaerak aldatu ditu. Absoluzioa eskatu du akusatu nagusiarentzat eta gainerakoentzat, berriz, espetxe zigorra beharrean isunak eskatu ditu hertsatze delituagatik.
Moto gidari bat zauritu da Donostian, GI-20an hainbat ibilgailuren artean izandako istripuan
08:00ak aurretik izan da ezbeharra eta errepidea itxita gelditu da momentuan, auto ilara luzeak eraginez. Geroxeago zabaldu ahal izan dute erreietako bat.
Gabonak, inoiz baino garestiago: trikimailuak eta alternatibak, gure menua merkatzeko
Arkumea, bisigua, turroia, ostrak, anana... Gabonetan pairatzen dugun prezioen gorakadaren ondorioz, produktu batzuk gure mahain izatea ia ezinezkoa izaten da. Baina ez etsi, alternatiba goxoak egon badaude gure Gabonetako menua hain garestia ez izateko.
Elkartasun uholde bati esker, EITB Maratoiak 361.665 euro batu ditu zahartze osasuntsuaren aldeko ikerketarako
Beste urte batez, ehunka pertsonak eta erakundek euren onena eman dute zahartze osasungarria ikertzeko dirua biltzeko. Guztira, egun osoan zehar, EITB Maratoiak 361.665 euro batzea lortu du, eta kopuru horrek hazten jarraituko du datozen egunetako dohaintzei esker.
BiomaGUNEk ohartarazi du aspartamoa "kaltegarria" izan daitekeela bihotzerako eta garunerako
Aspartamoa pisua galtzen lagun dezakeen edulkoratzaile artifiziala da, baina azukrea baino 200 aldiz gozoagoa da.