Nafarroako Fusilatuen Senitartekoen Elkarteak Memoria Historikoaren alde egindako 20 urteko lana ospatu du
Nafarroako Fusilatuen Senitartekoen Elkarteak Memoria Historikoaren alde azken 20 urteetan egindako lana ospatu du gaur, eta presente izan dute euren ekimenez Nafarroako Parlamentuak 1936ko Estatu kolpearen harira fusilatutako nafarren errekonozimendua eta konponketa eskatzeko onartu zuen adierazpena.
2002ko azaroan frankismoan fusilatutako herritar nafarren senideek antolatutako elkartea familiarteko horien interesak defendatzeko eta Memoria Historikoa berreskuratzeko sortu zen, eta bide luzea egin du desagertuen bilaketa lanean, erakundeen aitortza lortuz eta errepublikarrak izateagatik 1936an fusilatutako pertsonei omenaldiak eginez.
Horren harira, elkarteak gogorarazi du Iruñeko gazteluaren inguruan omenaldia antolatzen duela urtero, "orainaldian egonik iraganera begiratzeko modua" delako. Dena den, beste herri batzuetan egiten diren antzeko ekitaldietan ere parte hartzen dute, tartean Agoitzen, Murchanten, Lodosan, Cintruenigon eta Castejonen, besteak beste.
Elkartearentzat mugarri izan ziren Nafarroako Parlamentuak eta Iruñeko Udalak, haien ekimenez, onartu zituzten memoriaren aldeko adierazpenak.
Sartagudako Memoriaren Parkearen eraikuntzan ere parte-hartze aktiboa izan zuten, gorpuzkiak lurpetik ateratzeko prozesuetan eta hobi komunen ikerketetan bezalaxe.
20. urteurrena
"Artea Memoriarekin. AFFNA-36-NAFSEren 20 urte" jaialdia egin dute Gayarre antzokian elkartearen 20. urteurrena ospatzeko, eta bertan izan dira Tdiferencia antzerki taldea, Ventura Ruiz bakarrizketalaria, Alaiz BHIko dantzariak, Los Lucians eta Botxorno musika taldeak, Natalia Jimenez jota kantaria, eta Fermin Balentzia, beste batzuen artean.
Memoriadun Literaturaren egileen omenez, berriz, Galo Viergeren lanaren zati bat irakurri du Gorka Vierge bilobak.
Albiste gehiago gizartea
Karabela portugesa gorabeherak eragiten ari da Euskal Herriko hondartzetan
Donostiako Zurriolan eta Kontxan, eta Bizkaian Bakioko hondartzan atzeman dituzte. Itsas korronteen eta haizearen ondorioz iritsi ohi dira bizidun horiek itsasertzera, eta zenbaitetan horien ziztadak arriskutsuak izan daitezke.
Albiste izango dira: Andre Maria Zuriaren jaiak, abisu horia beroagatik eta enpleguari buruzko datuak
Gaurkoan albiste izango direnen laburpena, bi hitzetan.
Jaialdiak amaiera borobila eman dio Boisen, sei egun zirraragarriren ostean
Ekitaldiak zortzigarren edizioa itxi du, 1987an sortu zenetik izandako arrakastatsuenetako eta jendetsuenetako bat bezala.
Palestinarekin Elkartasuna plataformak euskal hiriburuetako jaietan mobilizatzeko deia egin du
Plataformak "hipokrisia" leporatu die gobernuei eta hedabideei, eta manifestazioak deitu ditu Gasteizen (abuztuaren 6an), Donostian (abuztuaren 10ean), Bilbon (abuztuaren 15ean) eta manifestazio nazionala Iruñean (urriaren 4an).
Bilboko kale-saltzaileen aurkako sarekadak areagotu direla salatu dute
Udaltzainenganako errespetua eskatu du Bilboko Udalak. Manteroek diote euren egoera legeztatzea ezinbestekoa da bestelako lanetarako aukera izateko. Sarekadak salatzeko protesta deitu du biharko Bizkaiko Manteroen Elkarteak.
Bi atxilotu Gasteizen, gizon bati indarkeriaz lapurtzea leporatuta
04:15 aldera jazo da lapurreta, hiriburuko parke baten inguruan. 31 eta 29 urteko atxilotuak epailearen esku utziko dituzte, beharrezko izapideak amaitutakoan.
Atxilotu bat Ordizian kokaina, 10.000 euro eta kontrabandoko tabakoa zeramala
Gidaria atxilotu dute substantzia estupefazienteen trafikoko ustezko delitua egotzita, eta deklaratu gabeko tabakoa edukitzeagatik.
Tigre-eltxoaren kontrako fumigazio lanak egin dituzte bart Hendaian
Lapurdin chikungunya gaitzaren lehen kasua agertu ondoren egin dituzte desinfekzio lanak, Hendaiako igerilekutik, tren geltokiraino. 22:00etatik 07:00ak arte kaleak erabat itxita egon dira, eta bizilagunek agintarien aginduak errespetatu behar izan dituzte. Herritarrak kezkatuta agertu dira, ez dakitelako zer-nolako eragina izan dezakeen erabilitako produktuak haien egunerokotasunean. Fumigazioaz arduratutako enpresak dio erabilitako produktua ez dela kaltegarria, eta tigre-eltxoen % 80 bat hiltzea lortzen dutela.
20.000 sinadura, txosnak Euskal Herriko ondare inmaterial izendatzeko
Bizkaiko, Gipuzkoako eta Arabako txosnen batzordeek adierazi dute jaigune horiek "arriskuan" daudela, eta ondare inmaterial izendatzeko eskaera sinatzen eta zabaltzen jarraitzeko deia egin dute.
Zeledonek prest ditu aterkia eta ardo-zahatoa, kanpandorretik jaitsi eta Andre Maria Zuriaren jaiei hasiera emateko
Zuzeneko musikak, kalejirek, ekintza herrikoiek eta familia guztientzako proposamenek beteko dituzte Gasteizko kaleak abuztuaren 4tik 9ra, sei eguneko jai giroan.