Melonik migratzaile "zaurgarriak" porturatuko ditu, eta gainerakoak nazioarteko uretara itzularaziko ditu
Italiako Gobernuak migratzaileen lehorreratze selektiboa ezarri dio igande honetan beste ontzi humanitario bati, Mugarik Gabeko Medikuen Geo Barents ontziari, eta laster Cataniako portuan (hegoaldean) porturatuko da, Mediterraneoan erreskatatutako 572 migratzailerekin.
Mediterraneoan migratzaileak salbatzen dituzten GKEei zuzendutako estrategia berriaren arabera, zaurgarrienak bakarrik lehorreratu ahal izango dira, eta gainerakoak nazioarteko uretara itzuliko dira erreskatatu dituzten ontzietan.
Matteo Salvini Azpiegitura eta Garraio ministroak, Matteo Piantedosi Barne ministroak eta Guido Crosetto Defentsa ministroak hala agintzen duen dekretua sinatu dute igande honetan, presidenteorde ultraeskuindarraren gertuko iturrien arabera.
Testuan, Geo Barents ontziari baimena ematen zaio "larrialdi edo osasun egoera" duten pertsonei laguntzeko behar adina denbora egoteko Italiako uretan, portuko agintari eskudunek egiaztatutako "larrialdi edo osasun egoera" hori duten pertsonei.
Ondoren, "ontzian dauden pertsona guztiei nazioarteko uretatik ateratzeko laguntza ziurtatuko zaie", hau da, itsasora botako dituzte.
Estrategia hori "ankertzat" eta nazioarteko legeen aurkakotzat jo du oposizioak, gaixorik ez dauden migratzaileak itzularaztea dakarrelako, adibidez.
Duela bi aste Humanity 1 ontzi humanitarioak Mediterraneoan salbatutako 179 migratzaileak izan dira Italiako estrategia hori pairatzen lehenak.
Ontzia igande honetan sartu da Sizilian dagoen Cataniako (hegoaldea) portura, eta, Italiako funtzionarioek egiaztatu dutenez, 144 pertsona lehorreratu ahal izan dira, batez ere emakumeak eta haurrak, eta 35 ontzian geratzera behartu dituzte.
700 pertsona inguru daude orain Italiako uretan, lehorreratzeko baimenaren zain.
Zure interesekoa izan daiteke
15 urte martxan daramatzan Iraetako Trena elkarteak tren txikien X. topaketa egin du gaur
Bost hazbeteko, edo bestela esanda, 12 zentimetroko errailetan ibiltzen diren trenak jarri dituzte. Batzuek ikatzez ondo hornitu dituzte eta besteek ezustekoei aurre egin behar izan diete.
Eusko Jaurlaritzaren "kriminalizazio kanpaina" eta Ertzaintzaren "basakeria" salatu dute milaka pertsonak Bilbon
Milaka lagun eta gizarte eragile, Global Sumud Euskal Herriako kideak tartean, bildu dira arratsaldean Bilbon, "Poliziaren zigorgabetasunaren eta errepresioaren aurka" protesta egiteko. Eusko Jaurlaritzak "herri mugimenduaren aurka egindako kriminalizazio kanpaina" eta "Ertzaintzaren basakeria" salatu nahi izan dute, eta EAJk "protestarako eskubidea bere interesekoa denera mugatzen duela" ohartarazi dute.
Ia 48.000 pertsonak hartu dute parte Osakidetzako EPEaren bigarren egunean, eta beste 43.000ren txanda izango da igandean
Ostiralean hasi eta igandera bitartean, bederatzi kategoria profesionaletako aztekerketak ari dira egiten BECen. 101.000 hautagai dira orotara, 3.764 lanpostu betetzeko.
56 urteko emakume baten bila ari dira Gasteizen
Emakumeak % 80ko desgaitasuna du, 1,35 metro luze da, azal argia du eta betaurrekoak daramatza. Andaluzia kalean ikusi dute azkenekoz larunbat honetan.
Hainbat pertsona artatu dituzte Gasteizko lantegi abandonatu batean izandako sutean kea arnasteagatik
Sua 10:30 inguruan piztu da, URSSA fabrikaren eraikin zaharrean, eta suhiltzaileak, Ertzaintzako agenteak eta osasun-langileak bertaratu dira. 44 urteko emakume bat atxilotu dute ustez sutea eragin duelakoan.
Bardeako Ferial urtegiaren ondoan piztutako baso-sutea kontrolpean hartu dute
Dispositibo berezi batek sua geldiarazi du, baina 4-5 hektarea zuhaizti kiskali dira. Bero handieneko denboraldiaren hasieran arreta handiz ibiltzeko eskatu dute agintariek.
Gizon bat atxilotu dute Barakaldon, Poliziarengandik ihesi zihoala bost ibilgailurekin talka egin eta zortzi pertsona zauritu ostean
Polizia iturrien arabera, agenteak berarengana hurbildu ziren, ustez estupefazienteak kontsumitu ostean kotxea gidatzera zihoalako.
Epaileak aske utzi ditu Hezbollahrekin zerikusia dutelakoan Bizkaian atxilotutako bi lagunak
Pasaportea kendu diete eta 15 egunean behin epaitegian agertu beharko dute. Bi gazteak "inperialismo genozida salatzearen aurkako kanpaina bat" salatu duen Iranekin bat plataformako kideak dira.
Emakume bat hil da Tuteran izandako auto istripu batean
Ezbeharra NA-134 errepidean gertatu da, ostiral arratsaldean. Emakumeak zeraman autoak kamioi bat jo du aurrez aurre.
Osakidetzak gezurtatu egin du igandeko erizaintzako proba beroagatik bertan behera geratu dela
Osasun Sailak zehaztu du proba aurreikusita zegoen bezala egingo dutela, eta gogorarazi du Osakidetzak bere kanal ofizialen bidez ematen duela balizko aldaketen berri.