Gazteen % 40 inoiz sare sozialetan integratuago sentitu izan dira, kalean edo etxean baino
Hezkuntza sistemak zure etorkizuneko beharrei erantzuten diela uste al duzu? Alokairuan ala jabetzan duzu etxebizitza? Nola baloratuko zenuke gure demokraziaren kalitatea? Zein ideiarekin lotzen duzu euskaldun izatea?... EAEko 18 eta 35 urte bitarteko 4.500 gazteri Gurea Geroak egin dizkien galderatako batzuk dira, horien kezkei eta eskariei buruzko argazkia ezagutu asmoz.
Ikerketaren ondorioen artean, besteak beste, gazteek sare sozialekin duten loturaren ingurukoa da nabarmentzekoa. Galdetutakoen % 40 inoiz sare sozialetan integratuago sentitu da, kalean eta etxean baino. Halaber, gazteen erdiek baino gehiagok (% 62k) uste dute demokraziaren kalitatea txarra dela.
Bestalde, inkestan parte hartu duten gehienen hiru kezka nagusiek arazo ekonomikoekin eta enpleguaren kalitate txarrarekin dute zerikusia. Halere, 10etik 8k etorkizunean etxe bat jabetzan izatea eta bertan bizitzea espero dute. Eredu alternatiboak, komunitatean bizitzearena, adibidez, % 11k aipatu dute. Enpleguari dagokionez, berriz, gazteen ia erdiek (% 48) lan modalitate hibridoa nahi dute, eta % 42k aurrez aurrekoa. Telelana % 10ek baino ez dute nahi.
Hezkuntzari eta politikari buruz galdetuta, gehien gehienek uste dute egungo hezkuntza sistema publikoak ez diela erantzuten gazteen etorkizuneko beharrei, eta konfiantza gutxi edo batere ez dute alderdi politikoengan.
Ikerketaren egileek ondorioetan nabarmendu duten beste atala, euskal gazteriak euskaldun izateari buruz duen iritzia da. Gazteek euskaldun izatea euskararekin, ohiturekin eta zenbait balio zehatzekin lotzen dute, eta azken horiek ez dira tradizionalak soilik; hala nola, elkartasuna eta aniztasunarekiko errespetua aipatu dituzte euskaldun izateko balioen artean.
Azkenik, EAEko gazteen % 64 Europar Batasunaren alde agertu dira, baina erreformak behar dituela uste dute. % 10ek baino ez dute adierazi EBren aldeko babes osoa, gaur egun diseinatuta dagoen bezala.
Osoigoren eta Play Grounden ekimenez Geroa Gureak egindako makro inkesta honetan, orotara, 61 galdera egin zaizkie gazteei. Soziologoek eta gazte talde batek prestatu dute galdeketa, eta emaitzak Bakartxo Tejeria Eusko Legebiltzarreko presidentearen esku utzi dira gaur.
Santi Pisonero soziologoaren eta galdeketaren egileetako baten arabera, "euskal gazteriak badu oraingo eta etorkizuneko erronken gaineko ardura, eta aldatu beharrekoak aldatu nahi ditu". "Belaunaldien arteko gatazka bat dugu, larrialdi klimatikoak, ezinezko emantzipazioak eta sistemarekiko eta hura zuzentzen dutenekiko desafekzio orokorrak definitzen dutena", esan du.
Zure interesekoa izan daiteke
Ikusmin handia EITBren Bilboko egoitzan, Olentzero eta Mari Domingi agurtzeko eta azken gutunak emateko
Haurren gutunak jasotzen eta haiekin argazkiak egiten izan dira biak ostiral arratsaldean, Bilboko kaleetan zehar egingo duten kalejiraren aurretik. Abenduaren 23an izango da hori, eta zuzenean jarraitu ahal izango da streaming bidez eitb.eus-en, 18:30etik aurrera, Anabel Arrizaren eta Aritz Mendiolaren kontakizunarekin. Emanaldia asteazken arratsaldean emitituko da ETB1en.
Migrazioa delinkuentziarekin eta zerbitzu-abusuarekin lotzen dutenen kopurua jaitsi da
Ikuspegi Immigrazioaren Euskal Behatokiak egindako azterlan baten arabera, euskal herritarren % 10ek baino gutxiagok aipatzen du immigrazioa herrialdeko arazo nagusietako gisa, eta % 2,7k baino ez dio modu pertsonalean eragiten diola.
Gipuzkoako Auzitegiak absolbitu egin ditu haurra hiltzen saiatzeagatik akusatu zituzten gurasoak
Gipuzkoako Probintzia Auzitegiak absolbitu egin ditu gurasoak, haurra hiltzen saiatzeagatik akusatu ostean; ondorioztatu du ezin izan dela frogatu, neskatoaren lesioek jatorri traumatikoa zutenik edo kolpe baten ondorio zirenik.
3I/ATLAS kometa Lurrera ahalik eta gehien hurbildu da, eta ezustekorik gabe urruntzen ari da
Zientzialari errusiarrek baztertu egin dituzte, berriro ere, estralurtarren ustezko ontzi bat zela zioten teoriak.
Lau gaztetik batek frankismoari buruzko pertzepzio positiboa du
Egonkortasun ekonomikoa eta gizarte-ongizatea ekarri zituela iritzi diote, azken Deustobarometro Sozialaren arabera. Etxebizitza eskuratzea da euskal gizartearen arazo Nagusia.
Guardia Zibilak erietxera eraman ditu Beloradotik joandakoekin Urduñan bizi ziren mojetako bost, osasun-baldintza kaxkarretan zeudelakoan
Ostegun honetan Santa Klarako monastegitik 87 eta 101 urte arteko bost moja atera dituzte eta Basurtuko erietxera eraman dituzte azterketa egitera, epailearen aginduz. Guardia Zibilak jakitera eman duenez, emakumeak osasun-baldintza txarretan bizi zirela egiaztatu ahala izan dute. Adierazpen horiek gezurtatzeko helburuz, etxeko mojetako batek sareetan zabaldu ditu eraikin barruko irudiak.
Fiskalak erretiratu egin ditu Zestoako akusatu nagusiaren aurkako akusazio guztiak, eta gainerako bostentzat isuna eskatu du
Salatzailearen bikotekide ohiaren deklarazioa entzun ostean, fiskalak frogatutzat jo du gizonarekiko beldur gaindiezina izan zuela eta zigor eskaerak aldatu ditu. Absoluzioa eskatu du akusatu nagusiarentzat eta gainerakoentzat, berriz, espetxe zigorra beharrean isunak eskatu ditu hertsatze delituagatik.
Moto gidari bat zauritu da Donostian, GI-20an hainbat ibilgailuren artean izandako istripuan
08:00ak aurretik izan da ezbeharra eta errepidea itxita gelditu da momentuan, auto ilara luzeak eraginez. Geroxeago zabaldu ahal izan dute erreietako bat.
Gabonak, inoiz baino garestiago: trikimailuak eta alternatibak, gure menua merkatzeko
Arkumea, bisigua, turroia, ostrak, anana... Gabonetan pairatzen dugun prezioen gorakadaren ondorioz, produktu batzuk gure mahain izatea ia ezinezkoa izaten da. Baina ez etsi, alternatiba goxoak egon badaude gure Gabonetako menua hain garestia ez izateko.
Elkartasun uholde bati esker, EITB Maratoiak 361.665 euro batu ditu zahartze osasuntsuaren aldeko ikerketarako
Beste urte batez, ehunka pertsonak eta erakundek euren onena eman dute zahartze osasungarria ikertzeko dirua biltzeko. Guztira, egun osoan zehar, EITB Maratoiak 361.665 euro batzea lortu du, eta kopuru horrek hazten jarraituko du datozen egunetako dohaintzei esker.