EH Bilduk Tolosaldeko azpiegitura berriari buruzko azalpenak eskatu dizkio Sagarduiri
Tolosalderako aurreikusten den osasun azpiegitura berriaren inguruan argibideak eskatu dizkio EH Bilduk Gotzone Sagardui Osasun sailburuari.
Galdera parlamentario batean, alderdi subiranistak gogorarazi du aspalditik eskatzen dela eskualdean ospitale publiko bat eta sailburuak aurrekontuen aurkezpenean iragarri zuela duela gutxi amaitu dela plan funtzionalaren idazketa.
EH Bildutik zehaztu dutenez, osasun-azpiegitura berriak izango dituen zerbitzuen zerrenda jasota, "kirurgia anbulatorio handiak" agertzen direla aipatzen da.
Hori dela eta, EH Bilduk Sagarduiri eskatu dio argitzeko, zehazki, zer kirurgia mediko egitea aurreikusten den azpiegitura berrian, "planteatzen diren zerbitzu asko gaur egun Asuncion Klinikak eskaintzen dituelako". "Zer gertatuko da orain Asuncion klinikak eskaintzen dituen zerbitzu horiekin guztiekin (kardiologia, pneumologia, dermatologia edo neurologia), non egingo dira kirurgia orokorra, aparatuarena, ortopedikoa eta traumatologikoa?", galdetu du.
Era berean, Eusko Jaurlaritzaren Osasun arduradun nagusiari eskatu dio azal dezala zer gertatuko den Tolosako anbulatorioko egungo zerbitzuekin, zerbitzu horiek osasun-azpiegitura berrian emango badira. Halaber, zenbat ohe izango dituen argitzeko ere eskatu du.
Albiste gehiago gizartea
Adunako prostituzio-etxe bateko arduraduna atxilotu dute, sexu esplotazioa eta sexu eraso baten saiakera leporatuta
Lokaleko langileetako batek tratu umiliagarria jasan zuela eta drogak kontsumitzera behartu zutela salatu zuen, besteak beste.
Elkar argitaletxeak erabaki du Igartza bekarekin ez jarraitzea, CAFek Israelekin duen lotura dela eta
Saioa Alkaiza bertsolari eta idazleak sariari uko egin eta hamar egunera iritsi da Elkarren erabakia. “Palestinar herriaren kontra gauzatzen ari den genozidioan CAFek duen inplikazioa" salatu zuen sortzaile iruindarrak.
Donostian izandako azken sexu erasoa salatzeko bilkura egin dute hiriko udaletxe atarian
45 urteko gizon bat atxilotu dute joan den ostiralean emakume batek jasandako sexu-erasoaren egilea izatea egotzita. Emakumeak ertzain-etxean salatu zuenez, gizonak sexu-erasoa egiteaz gain, zer egiten zuen eta norekin zegoen kontrolatzen zuen, eta lagunak ikustea debekatzen zion.
Euskal Sagardoak 2025eko sagar-uzta aurkeztu du Altzon
Aurtengoa sagar urtea dela ziurtatu dute, eta azken urtean bildutako sagar kopurua bikoiztea espero dute. Iaz ez bezala, aurtengo sagar uztak itxura oso ona du.
Osakidetzak 48 urtera zabalduko du bularreko minbizia detektatzeko baheketa
Osakidetzako Protonterapia Unitate berriaren obrak bisitatu ditu Imanol Pradales lehendakariak, eta bertan egin du iragarpena.
Bilboko hilketagatik atxilotutakoak ez dira indarkeriazko taldeetako kideak, Ertzaintzako buruaren arabera
"Etxerako bidean elkar ezagutzen ez zuten bi gazte taldekoak ziren" hiru atxilotuak eta hildakoa. Dirudienez, elkarri irainka hasi ziren, eta azkenean liskarra gertatu zen. Ertzaintzaren buruak errefusatu du atxilotuek talde edo indarkeriazko taldeekin lotura dutenik.
Urolako eta Goierriko adingabeen odolean konposatu kimikoak daudela baieztatu dute
EHUren azterketa batek ondorioztatu du adin txikikoetan aurkitutako PFAS konposatu kimikoen mailek ez dutela arrisku larririk eragiten osasunerako, baina zaintza indartzeko premia ohartarazi du.
Espainiako Gobernua Gasteizko errefuxiatuen zentroaren edukiera murrizteko proposamenaren "bideragarritasuna" aztertzen ari da
Gobernuak Euskadin duen ordezkaria "bat dator" eta "ulertzen du" baliabide horretako plazak 350etik 200era murrizteko Maider Etxebarria Gasteizko alkateak egindako eskaera.
Bilbon lurreratzekoak ziren zazpi hegazkin beste aireportuetara bideratu behar izan dituzte, lainoagatik
Madriletik, Alacantetik, Basileatik, Bartzelonatik, Vienatik eta Paristik goizeko lehen orduko zetozen hegaldiak Santanderrera bideratu dituzte. Horietako bat Madrilera itzuli behar izan da, eta beste bat Zaragozara bidali dute. Loiuko aireportuan zabaldutako laino mardulagatik gertatu dira gorabeherak.
Sute batek Renfeko aldirietako tren-zirkulazioa etenarazi du Santurtzin, Peñotako geltokian
Bestalde, sutearen ondorioz, Bilbo eta Santurtzi arteko tentsio elektrikoa kaltetu da, eta horrek atzerapenak eragin ditu C1 eta C2 lineetan.