"Astelehenean hasiko da elkarrizketa, gure asmoa eraikitzea da", diote Donostialdeko ESIko profesionalek
Donostialdeko ESIko profesionalek, ostiralean, Donostia Ospitalean batzar nagusia egin ostean eta astelehenean Rosa Perez Osakidetzako zuzendari nagusiarekin izango duten bilerari begira, adierazi dute egun horretan, astelehenean, "elkarrizketa" hasiko dela, eta nabarmendu dute euren asmoa "eraikitzea" dela. Batzar nagusian 100 bat profesional izan dira, tartean hainbat zerbitzuburu, atalburu, mediku eta erizain, eta, adierazi dutenez, "zantzuak" ikusi dituzte, Osakidetzaren aldetik: "Horregatik gaude hemen. Astelehenean, asmoa da hitz egiten hastea, eta denon artean irtenbide bateratua bilatzea", esan dute.
Testuinguru horretan, Miren Telleria Donostia Ospitaleko Hemodinamika eta Kardiologia jarduneko atalburuak azaldu du ESIko profesionalen nahia ez dela "suntsitzea, baizik eta, hemendik aurrera, gauzak elkarrekin aurrera eramatea". Osakidetzarekin, "oraindik, ez dugu ezer adostuta", esan du, astelehenean hasiko baitira hitz egiten.
Aldarriak "hasiera batetik esandakoak" izango dira, azpimarratu duenez. "Itxaropena ez da inoiz galtzen, ikusiko dugu. Asmo ona daukagu", gehitu du.
Batzarrean izan diren eta astelehenean Osakidetzako zuzendari nagusiarekin eseriko den ordezkaritzarekin bat dauden profesionalei, Telleriaren esanetan, bi kontu aurpegiratu dizkiote, eta atalburuak ezeztatu nahi izan ditu; alde batetik, mugimendu "elitista" izatea: "Gaur 100 bat pertsona elkartu gara; zerbitzuburuak zeuden, atalburuak, ondokoak, erizainak. Denon arteko gauza da", argudiatu du. Horrez gain, ziurtatu du ez dela "zerbitzuburuek boterea erakartzeko" kontua: "Besteak beste, eskatzen dugu gardentasuna; Osakidetzari eskatzen diogu, eta geure buruari ere bai. Eskatzen dugu zerbitzuburuek eta gainerako karguek ebaluazioa jasotzea, Zuzendaritzaren eta lankideen aldetik, eta, horren arabera, karguan jarraitzea, ala aldatzea".
Esan duenez, langileen artean "batasuna" dagoelako sentsazioa dute: "Eta, betiere, kalitatezko arreta bermatzea, hori da gure lehenengo aldarria Donostialdeko ESIan eta Gipuzkoan", erantsi du.
ESIko profesionalak eta Rosa Perez Osakidetzako zuzendari nagusia astelehen goizean bilduko dira, 08:00etan, Donostia Ospitalean. Eusko Jaurlaritzako Osasun Sailaren arabera, topaketaren helburua da "ospitaleko gerentzia aldaketaren ondoren ezarritako elkarrizketa prozesuan aurrera egiten jarraitzea. Gerentzia berriak bere erantzukizuna hartu zuen une beretik, hainbat bilera egin ditu ESIko eta Osakidetzako ordezkariekin, konfiantza, elkarrizketa eta lan koordinatuko giroa sortzeko".
Albiste gehiago gizartea
Adunako prostituzio-etxe bateko arduraduna atxilotu dute, sexu esplotazioa eta sexu eraso baten saiakera leporatuta
Lokaleko langileetako batek tratu umiliagarria jasan zuela eta drogak kontsumitzera behartu zutela salatu zuen, besteak beste.
Elkar argitaletxeak erabaki du Igartza bekarekin ez jarraitzea, CAFek Israelekin duen lotura dela eta
Saioa Alkaiza bertsolari eta idazleak sariari uko egin eta hamar egunera iritsi da Elkarren erabakia. “Palestinar herriaren kontra gauzatzen ari den genozidioan CAFek duen inplikazioa" salatu zuen sortzaile iruindarrak.
Donostian izandako azken sexu erasoa salatzeko bilkura egin dute hiriko udaletxe atarian
45 urteko gizon bat atxilotu dute joan den ostiralean emakume batek jasandako sexu-erasoaren egilea izatea egotzita. Emakumeak ertzain-etxean salatu zuenez, gizonak sexu-erasoa egiteaz gain, zer egiten zuen eta norekin zegoen kontrolatzen zuen, eta lagunak ikustea debekatzen zion.
Euskal Sagardoak 2025eko sagar-uzta aurkeztu du Altzon
Aurtengoa sagar urtea dela ziurtatu dute, eta azken urtean bildutako sagar kopurua bikoiztea espero dute. Iaz ez bezala, aurtengo sagar uztak itxura oso ona du.
Osakidetzak 48 urtera zabalduko du bularreko minbizia detektatzeko baheketa
Osakidetzako Protonterapia Unitate berriaren obrak bisitatu ditu Imanol Pradales lehendakariak, eta bertan egin du iragarpena.
Bilboko hilketagatik atxilotutakoak ez dira indarkeriazko taldeetako kideak, Ertzaintzako buruaren arabera
"Etxerako bidean elkar ezagutzen ez zuten bi gazte taldekoak ziren" hiru atxilotuak eta hildakoa. Dirudienez, elkarri irainka hasi ziren, eta azkenean liskarra gertatu zen. Ertzaintzaren buruak errefusatu du atxilotuek talde edo indarkeriazko taldeekin lotura dutenik.
Urolako eta Goierriko adingabeen odolean konposatu kimikoak daudela baieztatu dute
EHUren azterketa batek ondorioztatu du adin txikikoetan aurkitutako PFAS konposatu kimikoen mailek ez dutela arrisku larririk eragiten osasunerako, baina zaintza indartzeko premia ohartarazi du.
Espainiako Gobernua Gasteizko errefuxiatuen zentroaren edukiera murrizteko proposamenaren "bideragarritasuna" aztertzen ari da
Gobernuak Euskadin duen ordezkaria "bat dator" eta "ulertzen du" baliabide horretako plazak 350etik 200era murrizteko Maider Etxebarria Gasteizko alkateak egindako eskaera.
Bilbon lurreratzekoak ziren zazpi hegazkin beste aireportuetara bideratu behar izan dituzte, lainoagatik
Madriletik, Alacantetik, Basileatik, Bartzelonatik, Vienatik eta Paristik goizeko lehen orduko zetozen hegaldiak Santanderrera bideratu dituzte. Horietako bat Madrilera itzuli behar izan da, eta beste bat Zaragozara bidali dute. Loiuko aireportuan zabaldutako laino mardulagatik gertatu dira gorabeherak.
Sute batek Renfeko aldirietako tren-zirkulazioa etenarazi du Santurtzin, Peñotako geltokian
Bestalde, sutearen ondorioz, Bilbo eta Santurtzi arteko tentsio elektrikoa kaltetu da, eta horrek atzerapenak eragin ditu C1 eta C2 lineetan.