Donostialdeko ESIko teknika bakar bat ere ez da Donostiatik kanpo eramango, Sagarduik zehaztu duenez
Donostialdeko ESIan izandako dimisioak eta kargugabetzeak tarteko, Osakidetzan zabaldutako krisia Eusko Legebiltzarrera heldu da berriro. Oposizioko taldeek estu hartu dute Osasun Saila eta Jaurlaritza bera, eta "kudeaketa iluna" eta "gobernantza eredu bertikala" izatea egotzi diote Osakidetzari.
Kritiken aurrean, lehendakariak erabat babestu du Gotzone Sagardui, eta ezeztatu du Osakidetzan "krisi larria" dagoela. Sagarduik, bere aldetik, nabarmendu du Donostialdeko ESIan egondako dimisio eta kargugabetzeek osasun arretari ez diotela eragin: "Normaltasun osoz eta betiko kalitatearekin lan egin dugu".
Javier Telleriak legebiltzarkide jeltzaleak egindako lehen galderari erantzunez, Gotzone Sagardui sailburuak azpimarratu du, "esan denaren kontrara, Donostialdeko ESIko teknika bakar bat ere ez da Donostiatik kanpo eramango".
Hala, agerraldia hainbat iragarpen egiteko baliatu du sailburuak. Azaldu duenez, Donostiako Ospitalea CART-T teknika aurreratua aplikatzen hasiko da aurki (hori egiten EAEko lehen erietxea izango da), eta Espainiako Osasun Sistema Nazionalak gaixotasun neuromuskularrak artatzeko erreferentziazko ospitalea izateko proposatu du. Gainera, EAEko lehen protonterapia unitatea bertan eraikiko dutela iragarri du.
Sagarduiren hitzetan, kargugabetzeek eta dimisioek ez diote osasun arretari eragin, eta zehaztu du abian dagoen "errelebo prozesua laster" bukatuko dela.
Iñigo Urkullu lehendakariak, bestalde, berretsi du "konfiantza osoa" duela "Osakidetzaren kogobernantza ereduan eta Osasun sailburuarengan". Urkulluk "arazoak" egon direla aitortu du, eta besteak beste, pandemiak eragindako "tentsionatzea", mediku falta eta euskal gizartearen zahartzeak eragindako erronkak aipatu ditu. Nolanahi ere, horren ustez, "hazkunde krisi bati" zor zaio Euskal Osasun Zerbitzuaren egoera.
Oposizioak salatutako "krisi larririk" ez dagoela esan du beste behin lehendakariak, eta argitu du erakundeetan "maiz" egoten direla kargugabetzeak eta dimisioak. "Osakidetzaren eredua ez da aldatu; sarean lan egiten jarraitzen dugu", erantsi du. Mediku falta dagoela eta, "errealitate konplexu hori lasaitasunez onartzeko" deia egin du, eta azpimarratu du euren lehentasuna "Lehen Arreta indartzea eta profesionalen faltari aurre egitea" dela.
Sagarduiri buruz "balorazio oso positiboa" egin du Urkulluk, eta batez ere pandemian zehar egindako lana goraipatu du. Horren iritzian, garai horretako "exijentziei kalitate handiarekin erantzun zaio eta".
Oposizioaren kritikak
Maddalen Iriarte EH Bilduko bozeramailearen esanetan, Osakidetza "hankaz gora" dago, eta gogora ekarri du, Donostialdeko ESIaren gatazkaz gain, Basurtuko Ospitalean, Lehen Arretan, Larrialdi zerbitzuetan, Bidasoan edo Zumarragoko ospitalean ere protestak daudela. "Gobernantza eredu bertikal" batek eragin du egoera hori, Iriarteren ustez. Halaber, esan du Osakidetzako sindikatu guztiek salatu dutela negoziazio mahaian "horma baten kontra" jo dutela.
Bestalde, Miren Gorrotxategik (Elkarrekin Podemos-IU) gogora ekarri du Donostialdeko ESIko 47 zerbitzuburuetatik 42k egin dutela zuzendaritzaren erabakien kontra. "Nabarmena da erabakiak kontsentsurik gabe hartzen ari zaretela", salatu du.
Carlos Iturgaiz PP+Cs taldeko eledunak Sagarduiren dimisioa eskatu du, horrek egindako "kudeaketa piromanoaren" ondorioz "harribitxia zena (Osakidetza) imitazioko bitxi" bihurtzeagatik. "Sektarismo handia dago, gehiago entzun eta gehiagotan jesarri behar zarete", bota dio lehendakariari.
Azkenik, Amaia Martinez Voxeko legebiltzarkideak esan du Sagardui sailburu izatearen "arrazoi bakarra" Jaurlaritzak ganberan duen gehiengo osoa dela, eta gogora ekarri du Jon Darpon sailburu izandakoak "dimisioarekin ordaindu behar izan zuela 2018ko EPEan izandako irregulartasunen erantzukizuna, Gobernuari boto bat falta zitzaiolako". Martinezen aburuz, "Sagarduiren irregulartasun eta krisien zerrenda Darponena baino luzeagoa da".
Zure interesekoa izan daiteke
Nafarroan euskara berezko hizkuntza izatearen aldeko apustua berretsi du Chivitek, baina zonifikazioa mantenduta
Foru Hobekuntzaren Legea eguneratzeko batzordean, Nafarroako presidenteak azpimarratu du “egokia” litzatekeela lege horren 9. artikulua aldatzea.
Justizia sailburuak botere publikoek eragindako torturaren biktimen egiaren, justiziaren eta duintasunaren alde lan egiteko deia egin du Legebiltzarrean
Maria Jesus San Jose Justizia sailburuak tortura botere gehiegikeria izan zela esan du eta erabat gaitzetsi du. Gaineratu du Ebaluazio Batzordeak 183 biktima aitortu dituela ofizialki. Egiari Zor eta Berridatzi biktimen elkarteak ere Legebiltzarrean izan dira, eta biktimen aitortza eskaerak aurkezteko epeak zabaltzeko eskatu dute. 1960tik gaurdainoko kasuak aitortzeko ere eskatu dute.
Ertzain bat txosnetatik kanporatu dute Hernanin; "zein zen bere bekatua?", galdetu du Zupiriak
Aste honetan gertatu da, Bingen Zupiria Segurtasun sailburuak jakinarazi duenez.
Bengoetxeak, ETSri emandako laguntzari buruz: “Arrakasta kulturala lagundu behar da, eta ez zigortu”
Ibone Bengoetxea Eusko Jaurlaritzako Kultura sailburuak ETS talde arabarrari emandako dirulaguntzak babestu ditu, ehundik gora musikarik zalantzan jarri ostean. Horren hitzetan, "arrakasta kulturala ez da zigortu behar, lagundu baizik". Horrela erantzun dio sailburuak Jon Hernandez Sumarreko legebiltzarkideak Eusko Legebiltzarreko kontrol saioan egin dion galderari.
Rosa Martinezek eta Veronica Martinez Barberok Sumar alderdia zuzentzeko hautagaitza bateratua aurkeztuko dute
Bustinduyren konfiantzako Estatu idazkariak eta Sumarrek Kongresuan duen bozeramaileak alderdia gidatzeko asmoa dutela iragarri dute.
Loiuko aireportua Agirre Lehendakaria Aireportua izendatzea proposatu du EH Bilduk
Loiuko aireportuari Jose Antonio Agirre lehendakariaren izena jartzea proposatu du EH Bilduk. Imanol Pradales lehendakariak erantzun dio aztertu egingo dutela proposamena.
Estatutua bete eta "beste fase bat" irekitzeko eskatu dio Pradalesek Sanchezi
Pradales lehendakariak mezu argia igorri dio Espainiako Gobernuari eta Pedro Sanchez presidenteari Eusko Legebiltzarrean. Pradalesen esanetan, "asko dago oraindik egiteko", eta "maila handiko negoziazioa eta erritmoa" behar dira orain. Lehendakariaren arabera, "adostutako guztia bete behar da konfiantza politikoa mantentzeko". Pradalesek gogorarazi du Sanchez presidenteak "irmotasuna" erakutsi duela karguan jarraitzeko, eta horri lotuta eskatu dio "irmotasun bera" Gernikako Estatutua behin betiko betetzeko.
Diez Antxustegi: “Lortu dugun akordioaren arrazoi nagusia da euskara zentrala dela guretzat”
EAJk Eusko Legebiltzarrean duen bozeramailea, Joseba Diez Antxustegi, Euskadi Irratiko "Faktoria" saioan izan da, eta euskarari Administrazioan segurtasun juridikoa emateko akordioren nondik norakoak azaldu ditu. Horren hitzetan, Enplegu Publikoaren Legea aldatzeko ados jarri dira EH Bildurekin, bere bazkidea den PSE-EE alde batera utzita, euskara “gai zentrala” delako EAJrentzat. Horrela, EH Bildurekin antzeko beste akordio batzuk adosteko aukeraz galdetuta esan duenez, "ez nuke aurreikuspenik elikatuko, euskara gai berezia delako”.
Legebiltzarrak proiektu jasangarriak bizkortzeko ekimena tramitatzea onartu du, EAJren eta PSE-EEren aurkako kritikak tarteko
Hain zuzen ere, EAJren eta PSE-EEren aldeko 39 botoekin, eta EH Bilduren, PPren, Sumarren eta Voxen kontrako 36 botoekin jaso du Eusko Legebiltzarreko osoko bilkuraren oniritzia.
Adin txikikoei zezen-ikuskizunetan parte hartzeko aukera emango dien legea onartu du Legebiltzarrak
Ganaduzaleek araua txalotu duten bitartean, talde animalistek esan dute "atzerapausoa" dela eta aurreratu dute auzitara joko dutela.