Fiskaltzak artxibatu egin du Melillako hesiko tragediaren ikerketa
Fiskaltzak artxibatu egin du ekainaren 24an Melillako hesian izandako gertakarien ikerketa, Guardia Zibilaren jardunean delitu zantzurik atzeman ez duelako. Gutxienez 23 migratzaile hil ziren tragedia hartan.
Ministerio Publikoak ohar baten bidez zabaldu duenez, guardia zibil batzuk migratzaileei harriak jaurti zizkieten, eta horixe jakinarazi dio Guardia Zibilaren Zuzendariaren Ondokoari arau-hauste diziplinarioa izan ote zen argi dezan.
Beatriz Sanchez Atzerri gaietarako Fiskaltzako koordinatzaileak sinatu du artxiboa arduragabekeriazko hilketa delituaren eta laguntzari uko egin izanaren zantzurik aurkitu ez duelako. Gainera, legezkotzat jo ditu mugan egindako 470 kanporatzeak, Herriaren Defendatzaileak zalantzan jarritakoak.
Dena den, eskumena duten ministerioei gogorarazi die migratzaileek "benetako aukera" izan behar dutela legalki bisa, nazioarteko babesa eta asiloa eskatzeko.
Fiskaltzak ekainaren 28an ireki zuen ikerketa, eta sei hilabetez, Ministerio Publikoaren esanetan, behatu egin dute, migratzaileei eta agenteei deklarazioa hartu diete eta ekainaren 24an gertatutakoaren txostenak irakurri, bideak ikusi eta audioak entzun dituzte.
Heriotzei buruzko datu ofizial bakarrak Marokoko agintarienak dira, Giza Eskubideetarako NBEren Goi Ordezkariak eskatutakoak, eta Marokorenak dira froga elementu guztiak (gorpuak, lekukoak, zaurituak, etab.).
Fiskaltzaren arabera, ekainaren 24ko gertakari horietan parte hartu zuten 700-800 migratzaileen jarrera "oldarkorra" izan zen, Espainiako eta Marokoko segurtasun indarren aurka.
Podemos, ERC eta EH Bildu, kritiko
Unidas Podemosek, ERCk eta EH Bilduk gaitzetsi egin dute Fiskaltzak ikerketa artxibatzeko hartu duen erabakia.
Jon Inarritu EH Bilduren diputatuak, Kongresuaren Barne gaietarako Batzordean ere badagoenak, sare sozialetan adierazi duenez, "Espainiako muga batean izan den tragedia handienaren aurrean, Fiskaltzak ixtea erabaki du".
"Itxurak egin dituzte ikertu dutela esateko? Ez dute Maroko deseroso jarri nahi?", galdetu du.
Zure interesekoa izan daiteke
Abisu horia baso-sute arriskuagatik EAEn
Abisua indarrean egongo da asteartean eta asteazkenean, hegoaldeko haize-bolada bortitzak aurreikusten direlako.
Gaur hasiko da Bizkaiko DYAko presidente ohiaren aurkako epaiketa, 4,75 milioi euro bereganatzea leporatuta
Fiskaltzak 7 urteko espetxe zigorra eskatu du Fernando Izaguirrerentzat.
21 urteko gizonezko bat atxilotu dute Gasteizen bikotekideari eraso egitea eta telefono mugikorra kentzeagatik
Gertakariak joan den larunbatean jazo ziren, 08:30 inguruan.
Asteburu honetan egingo dute udazkeneko bilketa handia elikagaien bankuek
Beharra duten familiei laguntzeko, elikagaiez eta bestelako hainbat produktuz biltegiak betetzea dute helburu elikagaien bankuek. Aurten, dohaintzez gainera, lanerako boluntarioak ere eskatu dituzte.
Asiar liztorra, espezie inbaditzaile eta kezka eragilea
Bi astean hiru pertsona hil dira Galizan asiar liztorrek ziztatuta. Horrek espezie inbaditzaileak eragiten duen kezka areagotu egin du Euskal Herrian ere. Zer egin beharko genuke asiar liztorren habia ikusten badugu? Oier Alberdi liztor beltzaren tratatzaileak zenbait aholku eman ditu gai konplexu horri aurre egiteko.
Taldean egindako eraso faxista eta LGTBIfobiko bat salatu dute Gorraitzeko jaietan
Berhezi Berdintasun Kontsultorioak azaldu duenez, taldeak ikur frankistak eta falangistak zeramatzan. Bestalde, Kontsultorioak Eguesibko Udalaren isiltasuna kritikatu du, irailean gertatutako erasoaren aurrean.
Motor-gidari bat hil da Lemoizen gertatutako trafiko-istripu batean
Istripua gertatu den BI-3152 errepidea itxita dago, eta Ertzaintzak izapideak ireki ditu arrazoiak argitzeko.
Sarrigurenen atxilotutako gizona espetxeratu dute, adingabe bati sexu-erasoa egiteagatik
Fiskaltzak behin-behineko espetxeratzea eskatu du, komunikatua eta fidantzarik gabea, 16 urteko adingabe bati penetrazioarekin egindako sexu-eraso (bortxaketa) delitu batengatik.
Hizkuntza Ofizialen Kontseilu berria eratu da, "forma eta funtsa" aldatuta
Osaera berria izango du, eta berritasun nagusienetako da kontseilura batuko direla autonomia erkidegoetako hizkuntza politiketako ordezkariak.
Lagun bat ospitaleratu dute Gasteizen, patinetea lehertu eta kea arnasteagatik
Ibilgailuak lokal baten barruan egin zuen eztanda, eta jabeek bateria bertatik atera eta su-itzalgailu batekin busti zuten, suhiltzaileak iritsi aurretik.