EHUk berriro lizitatuko du, 64 milioiren truke, Bilboko Medikuntza eta Erizaintza Fakultatearen eraikin berria
Euskal Herriko Unibertsitateak (UPV/EHU) berriro lizitatuko du, 64,1 milioi euroren truke, Medikuntza eta Erizaintza Fakultatearen eraikin berriaren eraikuntza. Bilbon kokatuko da, Basurtuko Unibertsitate Ospitaletik hurbil, eta enpresek 2023ko otsailaren 3ra arte dute eskaintzak aurkezteko aukera.
Unibertsitatearen aurreikuspenaren arabera, 2023ko maiatzaren bigarren hamabostaldirako kontratua formalizatuko litzateke, eta lanak hilabete geroago hasiko lirateke, hau da, 2023ko ekainaren bigarren hamabostaldian, gutxi gorabehera. Euskal unibertsitate publikoak espero du eraikina 2026-2027 ikasturtean zehar martxan jartzea.
Joan den abuztuan bertan behera geratu zen eraikin berriaren obra-kontratua esleitzeko prozedura; izan ere, obren adjudikazioa zuen ABEEak proiektuari uko egin zion kostuen igoera argudiatuta, unibertsitateak jakinarazi duenez. Egoera horren aurrean, EHUk deialdi berria argitaratu behar izan du, lizitazioaren baldintzak birformulatuta.
"Ustekabeko zailtasunak gainditu behar izan ditugu" adierazi du Eva Ferreira euskal unibertsitate publikoko errektoreak: "Krisi ekonomikoak, kostu energetikoen hazkundearen eta Ukrainako gerraren ondorioz, ezinezkoa egin zuen aurreko esleipena gauzatzea, baina ez dugu etsi gure konpromisoa aurrera eramateko ahaleginean", azpimarratu du.
Sinergia berriak
Eraikin berriak Medikuntza, Fisioterapia eta Erizaintza graduak hartuko ditu, baita Osasun Zientzien arloko zazpi master ofizialak ere: Zahartze Osasungarria eta Bizi Kalitatea; Farmakologia; Ingeniaritza Biomedikoa; Ikerketa Biomedikoa; Mikrobiologia eta Osasuna; Neurozientziak; eta Osasun Publikoa.
Era berean, azpiegitura berriak ikasleak pazientearen errealitatearekin goiz harremanetan jartzea ahalbidetuko du, baita graduko irakaskuntzen arteko koordinazioa hobetzea, ikaskuntza sustatzeko agertokiak sortzea, eta hurbileko zentroekin sinergia berriak sustatzea ere.
Gainera, Ingeniaritza Biomedikoarekin, Familia Medikuntzarekin eta Medikuntza Pertsonalizatuarekin lotutako proiektu berriak bultzatuko ditu, Erizaintza eta Fisioterapia arloak indartu, eta I+G+Bren lehiakortasuna eta emaitzen transferentzia areagotuko ditu, bai oinarrizko ikerketa-taldeen aldetik, bai izaera asistentzialagoa dutenen aldetik.
Albiste gehiago gizartea
Bittor Arginzonizen Etxebarri erretegiak munduko bigarren jatetxe onena izaten jarraitzen du
Peruko Maido jatetxea munduko onena izendatu dute The World 's 50 Best Restaurants 2025 sarietan. Bestalde, Etxebarri erretegiko Mohamed Benabdallah aljeriarra munduko sommelier onena izendatu dute.
Abadia Saria jaso du Gure Zirkuak
Gure Zirkuak aurtengo Abadia Saria jaso du gaur arratsaldean, Arrateko gainean (Eibar) egindako ekitaldian, komunitate oso bati “elkarrekin euskaraz bizi eta sentitzeko plaza berritzailea” eskaintzeagatik. Eider Mendoza diputatu nagusiaren eskutik jaso dute Abadia Sariaren oroigarria –Iñigo Aristegui Telloren Zazpi Petaloak eskultura– Gure Zirkuko kideek.
Beskoitzek ikastola berria izango du 2026-2027 ikasturtean
Egun dauden prefabrikatuetatik gertu, lursail bat erosi du Beskoitzeko Udalak eta bertako zati bat ikastolarentzat izango da. Herri Urratsen lortutako diruari esker eta Euskal Herri osotik iritsitako elkartasunari esker, Seaskak milioi bat euroko inbertsioa egingo du. Irailean lanak hasiko dira, eta hurrengo ikasturtean hasiko lirateke Beskoitze aldeko 50 haur inguru baldintza duinetan euskaraz ikasten.
Ehgamek Bilbao Bizkaia Harro ekimena boikoteatzeko deia egin du
EAJk Harrotasunaren Nazioarteko Eguna “bereganatu eta turistifikatu" nahi duela salatu du eta E28 Koordinadorak ekainaren 28rako deitutako manifestazio “herrikoi eta aldarrikatzailera” joateko deia egin du.
500 ekitalditik gora antolatu dituzte 2025eko sanferminetarako
Ostegun honetan aurkeztu dute sanfermin jaien egitarau ofiziala, eta iragarri dutenez, hilaren 14an Sorotan Bele talde gipuzkoarrak emango dio amaiera bederatzi eguneko zoramenari, Gazteluko plazako agertokian.
Alerta laranja Araba eta Nafarroa hegoaldean, arratsalderako iragarrita dauden prezipitazio handiengatik
Tenperatura maximoak 27 eta 35 graduren artean kokatuko dira, tokiaren arabera. Arratsaldetik aurrera baliteke ekaitzak jo eta zaparrada trumoitsuak botatzea. Hori dela eta, alerta laranja ezarriko dute Araba eta Nafarroa hegoaldean.
Klima-aldaketaren ondorioak Euskadin: 0,3 °C gehiago hamarkada bakoitzeko, bero-bolada gehiago eta itsasoaren tenperatura gora
Eusko Jaurlaritzak egindako txosten batek ohartarazi du berotze globalak gero eta ondorio handiagoak dituela Euskadin. Tenperaturak etengabe igo dira 1970etik, bero-boladen egunak bikoiztu dira eta itsas mailak erritmo bizkorrean egiten du aurrera. 2023an, itsasoaren batez besteko tenperatura inoizko altuena izan zen.
Nafarroako Unibertsitatea eta EHU, munduko 600 unibertsitate onenen artean
Massachusettseko Institutu Teknologikoak (MIT) lehen postuari eusten dio, hamalau urtez; ostean, Londresko Imperial College eta Stanfordeko Unibertsitatea daude.
Arartekoak Osakidetzan inbertsioa areagotzearen garrantzia azpimarratu du, herritarren kexak ikusita
Ines Ibañez de Maeztuk adierazi du Osasun Itunaren ostean hartuko diren neurrien esperoan dagoela, egoera hobetuko duten itxaropenarekin. "Etxebizitza eskubidea bete egiten dela bermatuko duten politika publikoen aldeko apustu irmoa" ere eskatu du.
Scientia School enpresak Pryconsa konpainiari saldu dio Amara auzoko Karmelo ikastetxea hartzen zuen eraikina
Scientia Schoolek azaldu duenez, 2019an erosi zuen ikastetxea, baina "matrikulen kopuruak behera egin zuen etengabe". "Egoera horrek itxiera ekarri zuen", gogorarazi du.