Txinatik iritsitako bidaiarien osasun kontrolak, indarrean
Espainiako Estatuko Aldizkari Ofizialak Txinatik iristen diren bidaiariei ezarritako osasun kontrolen neurriak argitaratu ditu, eta jada indarrean daude.
Txinako koronabirusaren egoerarekin "arrisku epidemiologikoa handia" dela uste dute Espainiako Estatuko osasun agintariek, "aldaera berrien agerpenagatik bereziki", eta horregatik ezarri dituzte premiaz koronabirusaren zabalkundea eragozteko zaintza eta kontrol neurriak.
Hala, larunbat honetatik aurrera, osasun kontrolak egingo dizkiete Espainiako Estatuko aireportuetan sartzen diren bidaiari txinatarrei: dokumentuen kontrola, behaketa, tenperatura kontrola eta diagnosi proba.
Diagnosi proba horretan emaitza positiboa izanez gero, "martxan jarriko dira komunikazio eta koordinazio protokoloak erkidegoetako osasun zerbitzuekin".
Hala, Espainiako Gobernuak osasun kontrolerako ezarritako neurriak jasoko dituen lehenengo hegaldia 18:00etan iritsiko da Madrilgo Barajasera. Hasiera batean, 2023ko otsailaren 15era arte egongo dira neurriak indarrean.
Frantziako Estatuan ere bai
Bestalde, Frantziako Gobernuak ere neurriak hartzea erabaki du. Hala, azken 48 orduetan egindako COVID-19aren proba negatiboa eskatuko die (Espainiako Estatuan epea 72 ordukoa da) Txinatik iristen diren bidaiariei, eta Italian ere berdin egingo dute.
Europako Batzordeak, berriz, neurriak koordinatzea eskatu du, baina Osasun Segurtasun Batzordearen premiazko bileran ez zuten neurririk adostu, "zaintza aktiboa" egitea besterik ez. Italiak neurriak bateratzea eskatu du, Giorgia Meloni lehen ministroaren eskutik.
Albiste gehiago gizartea
Adunako prostituzio-etxe bateko arduraduna atxilotu dute, sexu esplotazioa eta sexu eraso baten saiakera leporatuta
Lokaleko langileetako batek tratu umiliagarria jasan zuela eta drogak kontsumitzera behartu zutela salatu zuen, besteak beste.
Elkar argitaletxeak erabaki du Igartza bekarekin ez jarraitzea, CAFek Israelekin duen lotura dela eta
Saioa Alkaiza bertsolari eta idazleak sariari uko egin eta hamar egunera iritsi da Elkarren erabakia. “Palestinar herriaren kontra gauzatzen ari den genozidioan CAFek duen inplikazioa" salatu zuen sortzaile iruindarrak.
Donostian izandako azken sexu erasoa salatzeko bilkura egin dute hiriko udaletxe atarian
45 urteko gizon bat atxilotu dute joan den ostiralean emakume batek jasandako sexu-erasoaren egilea izatea egotzita. Emakumeak ertzain-etxean salatu zuenez, gizonak sexu-erasoa egiteaz gain, zer egiten zuen eta norekin zegoen kontrolatzen zuen, eta lagunak ikustea debekatzen zion.
Euskal Sagardoak 2025eko sagar-uzta aurkeztu du Altzon
Aurtengoa sagar urtea dela ziurtatu dute, eta azken urtean bildutako sagar kopurua bikoiztea espero dute. Iaz ez bezala, aurtengo sagar uztak itxura oso ona du.
Osakidetzak 48 urtera zabalduko du bularreko minbizia detektatzeko baheketa
Osakidetzako Protonterapia Unitate berriaren obrak bisitatu ditu Imanol Pradales lehendakariak, eta bertan egin du iragarpena.
Bilboko hilketagatik atxilotutakoak ez dira indarkeriazko taldeetako kideak, Ertzaintzako buruaren arabera
"Etxerako bidean elkar ezagutzen ez zuten bi gazte taldekoak ziren" hiru atxilotuak eta hildakoa. Dirudienez, elkarri irainka hasi ziren, eta azkenean liskarra gertatu zen. Ertzaintzaren buruak errefusatu du atxilotuek talde edo indarkeriazko taldeekin lotura dutenik.
Urolako eta Goierriko adingabeen odolean konposatu kimikoak daudela baieztatu dute
EHUren azterketa batek ondorioztatu du adin txikikoetan aurkitutako PFAS konposatu kimikoen mailek ez dutela arrisku larririk eragiten osasunerako, baina zaintza indartzeko premia ohartarazi du.
Espainiako Gobernua Gasteizko errefuxiatuen zentroaren edukiera murrizteko proposamenaren "bideragarritasuna" aztertzen ari da
Gobernuak Euskadin duen ordezkaria "bat dator" eta "ulertzen du" baliabide horretako plazak 350etik 200era murrizteko Maider Etxebarria Gasteizko alkateak egindako eskaera.
Bilbon lurreratzekoak ziren zazpi hegazkin beste aireportuetara bideratu behar izan dituzte, lainoagatik
Madriletik, Alacantetik, Basileatik, Bartzelonatik, Vienatik eta Paristik goizeko lehen orduko zetozen hegaldiak Santanderrera bideratu dituzte. Horietako bat Madrilera itzuli behar izan da, eta beste bat Zaragozara bidali dute. Loiuko aireportuan zabaldutako laino mardulagatik gertatu dira gorabeherak.
Sute batek Renfeko aldirietako tren-zirkulazioa etenarazi du Santurtzin, Peñotako geltokian
Bestalde, sutearen ondorioz, Bilbo eta Santurtzi arteko tentsio elektrikoa kaltetu da, eta horrek atzerapenak eragin ditu C1 eta C2 lineetan.