Abisu horiak haizeagatik, olatu handiengatik eta euri zaparradengatik
Haizea, euria eta olatuak protagonista izango dira gaur honetan Euskal Herrian. Hiru abisu hori aktibatu dira, bana fenomeno meteorologiko bakoitzeko:
Olatuak:
Euskal kostaldea abisu horian egongo da gaur egun osoan zehar, itsasaldeko arriskuagatik eta olatu handiengatik. 00:00etan aktibatu da abisua eta bihark 24:00ak arte egongo da indarrean Bizkaian, Gipuzkoan eta Lapurdin.
4-6 metro arteko olatuak espero dira (4-5 Euskalmeten arabera eta 4-6 Pirinio Atlantikoetako prefetaren arabera) eta arriskutsua izango da nabigazioa.
Haizea:
Iragarpen meteorologikoen arabera, haizeak indarrez jo du goizaldean Bizkaiko golkoan, Mantxako Kanalaren mendebaldean gertatzen ari den depresio bat dela eta. Haizeagatik ezarritako abisu horia 09:00etara egongo da indarrean.
Haize-boladek 100 km/h-ko abiadura gaindi dezakete EAEko haizeguneetan; mendi inguruetan, batez ere; eta gainerakoan. 60-80 km/h-koak izan daitezke ufadak. Euskalmetek emandako datuen araera, 125 km/h-ko ufadak neurtu dituzte Matxitxakon, eta 105etik gorakoak, Urduñan, biak ala biak Bizkaian.
Euria:
Euria ere gogotik egingo du gaur eta, horregatik, abisu horia ezarri dute Kantauri isurialdean eta Nafarroan.
Euskalmeten aurreikuspenen arabera, 03:00etatik biharko 24:00etara, 24 ordutan 60 l/m² baino gehiago pila daitezke Kantauri isurialdeko zenbait tokitan. Arabako lautadan 20-40 l/m² izango lirateke.
Bestalde, AEMETek iragarri du Baztan eta Bidasoa ibarretan ur pilaketa handiak egongo direla, 12 ordutan 60 l/m² ingurukoak.
Eta bihartik aurrera, elurra:
Albiste gehiago gizartea
Nafarroako Unibertsitatea eta EHU, munduko 600 unibertsitate onenen artean
Massachusettseko Institutu Teknologikoak (MIT) lehen postuari eusten dio, hamalau urtez; ostean, Londresko Imperial College eta Stanfordeko Unibertsitatea daude.
Muturreko beroa izango dugu gaur eta bihar
Abisu horia ezarri dute ostiralera arte; tenperaturak oso altuak izango dira, 27 eta 35 gradu artekoak.
Arartekoak Osakidetzan inbertsioa areagotzearen garrantzia azpimarratu du, herritarren kexak ikusita
Ines Ibañez de Maeztuk adierazi du Osasun Itunaren ostean hartuko diren neurrien esperoan dagoela, egoera hobetuko duten itxaropenarekin. "Etxebizitza eskubidea bete egiten dela bermatuko duten politika publikoen aldeko apustu irmoa" ere eskatu du.
Scientia School enpresak Pryconsa konpainiari saldu dio Amara auzoko Karmelo ikastetxea hartzen zuen eraikina
Scientia Schoolek azaldu duenez, 2019an erosi zuen ikastetxea, baina "matrikulen kopuruak behera egin zuen etengabe". "Egoera horrek itxiera ekarri zuen", gogorarazi du.
Osakidetzak ordutegiak murriztu eta osasun-zentro batzuk itxiko ditu udan
Aldaketa horiek zentroen % 37ri eragingo diete. ELA eta CCOO sindikatuek udako plangintza kritikatu dute. Osakidetzaren egiturazko arazoek “bere horretan jarraitzen dutela” ziurtatu dute eta “benetako konponbideei heltzeko" negoziazio prozesua hastea eskatu dute.
Red Electricak zentralei egotzi die apirileko itzalaldiaren ardura: "Sorgailuek beren konpromisoak bete izan balituzte, ez zen itzalaldirik gertatuko"
Red Electricak, sistemaren operadoreak, erantzukizuna ez du bere gain hartu eta zentral sortzaileen aurka egin du, ez zituztelako bete kolapsoa saihesteko protokolo teknikoak. Gobernuak, bere aldetik, akats ugari egin zituela onartu egin du. Hala ere, operadorearen plangintza zalantzan jartzen du.
Euskadin ematen diren 10 gorroto-delitutik sei arrazistak edo xenofoboak dira
2024ko Gorroto Istiluen azken Txostenak egiaztatzen du kasuen kopuruak behera egin duela oro har, baina baieztatzen du arrazakeriak eta xenofobiak eragindako erasoak oraindik ere argi eta garbi nagusitzen direla gorrotoaren mapan Euskadin.
Andre Maria Zuriaren jaiek badute kartela
2025eko Andre Maria Zuriaren Jaiak Arabako hiriburuan ospatuko dira, abuztuaren 4tik 9ra.
Abisu horia ezarri dute Euskadin ostiralera arte, tenperaturak 35 gradura iritsiko baitira
Tenperaturak oso altuak izango dira, 27 eta 35 gradu artekoak, gunearen arabera.
Bilbo eta Arrigorriaga arteko RENFEren zerbitzua berrezarri dute, Alvia batek matxura izan ostean
Ezbeharra 07:20 aldera jazo da, Bilbotik ateratzen ari zen Alvia bat Ollarganen geldirik geratu denean, eta ezin izan du zirkulatzen jarraitu.