Covid-19ak eragindako larrialdi globala amaitutzat ematea aztertzen ari da OME
Osasunaren Mundu Erakundeak (OME) Covid-19aren Larrialdietarako Batzordearen hamalaugarren bilera deitu du ostiral honetarako. Bertan, Tedros Adhanom Ghebreyesus OMEko zuzendari nagusiak asteartean iragarri zuen bezala, Covid-19aren egungo egoera "larrialdi globala" ote den eztabaidatuko dute.
Larrialdietako Batzordeak aldi baterako gomendioak ere emango dizkie OMEri eta haren estatu kideei. Hala ere, gaurko bileran hartzen diren erabakiak eta jasotako gomendioak ez dira berehala argitaratuko, eta ez da jakiinarazi zehatz-mehatz noiz izango den. Aurrekoetan, bilera amaitu eta egun bat edo biren buruan eman izan dira argitara adierazpen ofizialak.
Hiru urte larrialdi-adierazpena egin zenetik
Larrialdi Batzordeak 2020ko urtarrilaren 22an eta 23an egin zuen lehen bilera. 2020ko urtarrilaren 30ean, bigarren bileraren ondoren, Batzordeak zuzendari nagusiari jakinarazi zion Covid-19aren agerraldia Nazioarteko Osasun Publikoko Larrialdi bat zela (PHEIC ingleseko sigletatik), eta hark halakotzat jo zuen.
Ordutik, batzordeak 3 hilean behin biltzen jarraitzen du Covid-19a oraindik PHEIC bat den berrikusteko eta aldi baterako gomendioak berrikusteko eta igortzeko.
"Nazioarteko Kezkako Osasun Publikoko Larrialdi bat deklaratu eta ia hiru urtera, aste honetan Covid-19ari buruzko Larrialdi Batzordea bilduko da egungo egoerak larrialdi globala izaten jarraitzen duen eztabaidatzeko", iragarri zuen Tedrosek joan den asteartean emandako prentsaurrekoan.
Hala eta guztiz ere, Tedrosek ohartarazi zuen gaixotasun horrek eragindako heriotzak areagotu egin direla duela gutxi. Guztira, azken zortzi asteetan, 170.000 pertsona baino gehiago hil dira Covid-19aren ondorioz munduan. "Hori jakinarazitako heriotzak baino ez dira; heriotzen benetako kopurua askoz handiagoa da (...). Larrialdietako Batzordearen aholkuei aurrea hartuko ez diedan arren, oso kezkatuta jarraitzen dut herrialde askotako egoerarekin eta gero eta heriotza gehiago izatearekin", gaineratu zuen.
Egungo egoera duela hiru urte "pandemia honek lehen aldiz jo zuenekoa" baino "nabarmen hobea" dela onartu arren, munduaren erantzun kolektiboa "berriro presiopean" dagoela nabarmendu zuen.
Zure interesekoa izan daiteke
Insaustik airean utzi du 2030eko Munduko Futbol Txapelketarako Donostiaren hautagaitza: “Zer ekarriko duen aztertu egin behar da”
Alkateak “zuhur eta zorrotz” aztertu nahi du ekitaldiak ekonomian, logistikan eta gizartean izango duen eragina; PSE-EEk, berriz, Donostiaren hautagaitza irmoago babestea eskatu du.
Maialen Mazonen hilketagatik akusatutako gizonak deklaratzeari uko egin dio epaiketan
“Uste dut ondoezik nagoela eta ezin dudala deklaratu”, azaldu dio epaileari. Akusatuak deklaraziorik ez egitea erabaki du, epaiketako etenaldi batean defentsarekin hitz egin ostean.
Honako hauek dira Euskadiko bizitegi-larrialdiari erantzuteko gaurtik indarrean diren premiazko neurriak
Etxebizitzaren arloko politika publikoak merkatuaren errealitate berrira egokitzea bilatzen du Eusko Jaurlaritzak onartutako dekretuak, estaldurak eta laguntzak handituz, tresnak malgutuz eta gaur egun etxebizitza duina eta egokia lortzeko zailtasun handiagoak dituztenei "modu azkarragoan eta eraginkorragoan" erantzuteko. Gainera, etxebizitza babesturako eta alokairu publikorako higiezinen-parkea handitzeko neurriak aurreikusten ditu.
Isabel Aaiun, Boney M, Ojete Calor eta Shinova taldeek kontzertuak eskainiko dituzte 2026ko sanferminetan
Nafarroako hiriburuko Udalak aurtengo sanferminetan kontzertuak eskainiko dituzten artistetako batzuk ezagutzera eman ditu.
Gizon bat atxilotu dute Arrasateko ikasle-egoitza batean emakume bati sexu-erasoa egitea leporatuta
Ustezko bortxaketa joan den otsailean gertatu zen Arrasateko ikasle-egoitza batean, eta 22 urteko emakumeak ostiralean jarri zuen salaketa. Mondragon Unibertsitateak oharra zabaldu du gaur goizean, ikasle eta langileen artean bortxaketaren berri emateko, eta elkarretaratzeak deitu ditu eguerdiko 12:00etarako, unibertsitateko campus guztietan.
Insaustiren ustez, etxebizitza tasatua da Donostiako "klase ertainarentzako irtenbidea"
Donostiako alkatearen iritziz, etxebizitzaren prezioa tasatzea da klase ertainak Donostian etxebizitza bat eskuratu ahal izateko irtenbidea; izan ere, "etxebizitza babestua eskuratzeko baremoen gainetik dago, baina merkatu libreko prezioen azpitik".
Bi-30 errepidea normal antzean, auto-istripu batek Leioako errepidean eta Txorierriko igarobidean hainbat kilometrotako auto-ilarak eragin ostean
Hainbat ibilgailuk talka egin dute Bi-30 errepidean, eta horren ondorioz 3 pertsona artatu behar izan dituzte.
Babes ofizialeko etxebizitzen salerosketan egiten diren iruzurrekin amaitu nahi du Eusko Jaurlaritzak
Denis Itxaso sailburuaren hitzetan, oso zabalduta dago babes ofizialeko etxebizitzak iruzurrez saltzea, eta ezkutuan erosleari gainbalioa eskatzea. Babes ofizialeko etxeak espekulazioaren aurka egiteko sortu zirela defendatu du, eta praktika horien aurka gogor egingo dutela jakinarazi du.
40 urteko gizon bat atxilotu dute, Gasteizen, bikotekideari eta taberna bateko arduradunari erasotzeagatik
Gertaera joan den larunbat gauean izan zen, Oto etorbideko ostalaritza-establezimendu batean.
Donejakue Bideak erromesen arretarako bulego bat ireki du Iruñean
Orreaga eta Donibane Garaziren ostean, Donejakue Bideko lehen hiria da Iruñea, eta bertako Kale Nagusiko 6. zenbakian erromesentzako arreta bulego bat zabaldu dute. Bakarra da Estatu osoan (Santiago de Compostelakoaz gain).