Nafarroako Medikuen Sindikatuak ez du Osasun Sailaren eskaintza onartu eta grebari eutsi dio
Nafarroako Medikuen Sindikatuak uste du "guztiz eskasa" dela Osasun Sailak egindako eskaintza ekonomikoa, eta beste proposamen batzuekin ere ez dator bat; lan gainkarga murrizteko, besteak beste. Hori dela eta, oraingoz otsailaren 1erako ezarritako grebari eutsiko dio, aurrera egiteko aukera emango dien beste bilera baten zain.
Sindikatuak ohar batean azaldu duenez, "soldata igoera asistentzia helburuen lorpenarekiko baldintzatu nahi da", medikuentzako "diskriminazioa", "ez baita beste estamentu batzuekin egin", eta, gainera, buruzagitzei % 10eko igoera lineala aplikatzea planteatu zaie, "trukean inolako prestaziorik eman gabe".
Esklusibotasunari dagokionez, sindikatuak azpimarratu du hori ezabatu beharra dagoela, horri eustea "konparaziozko bidegabekeria eta anakronismoa" dela iritzita. Era berean, uko egin dio hura kentzeak "asistentziaren kalitatea gutxitzea" ekarriko duelako aitzakiari.
Lan gainkargari buruz, berriz, NMSk adierazi du Osasun Sailak erabakiak modu autonomoan hartzeko aukera duen "puntu bakarra" dela, baina "oraindik ez da onartzen Greba Batzordearen erreklamazio nagusia, eta ezin da inola ere, bizi larrialdietatik kanpo, ezarritako agendaren gainetik dagoen hitzordu bat behartu medikuaren baimenik gabe".
Azkenik, eszedentziei buruzko aurrekontuari eustea aurpegiratu diote Osasun Sailari, izan ere, "medikuak baztertzen eta zigortzen ditu gainerako foru funtzionarioen aurrean borondatezko eszedentzia hartzeko orduan", argudiatuz "plaza irabazi eta hartu nahi ez duten medikuek lan handia ematen dutela eta lanpostua blokeatzen dutela".
Alderdien balorazioa
Radio Euskadin egindako adierazpenetan, PSNk Osasun Sailaren lana defendatu du, eta bide onera iristea espero du.
Navarra Sumatik Nafarroako Gobernuak osasun sistema publikoak eraman duen egoera "prekarioa" kritikatu dute, eta ukatu egin dute Gobernuak eta Medikuen Sindikatuak negoziatzen ari diren akordioa babestea erabaki dutenik.
Geroa Baik, EH Bilduk eta Izquierda-Ezkerrak kritikatu egin dute Gobernuak medikuen esklusibotasuna ezabatzea, uste baitute hori ez dela osasun sistemak duen oinarrizkoo arazoaren konponbidea. Irtenbide globalagoa eskatu dute; erizainen, zelarien eta Osasunbideko beste kide batzuen lan baldintzak ere hobetuko dituena.
Zure interesekoa izan daiteke
Mugikorrak alboratu eta familiaz gozatzeko gonbita, apirilaren 18an, EAEko hiriburuetan
Eusko Jaurlaritzak antolatuta, Familian Mugikorrik Gabeko Eguna ospatuko dute Donostian, Bilbon eta Gasteizen. Familietan teknologiaren erabilera kontzienteagoa sustatzea du helburu egitasmoak. “Ongizate emozionala zaintzeko eta denbora partekatuaren balioa berreskuratzeko keinu txiki” gisa aurkeztu du Nerea Melgosa Ongizate, Gazteria eta Erronka Demografikoko sailburuak.
Bizkaitik Nafarroara droga eramaten zuen gaizkile sare bat desegin dute: lau lagun atxilotu eta 22 kilo speed atzeman dituzte
Ortuellako etxebizitza batetik Nafarroara banatzen zen, eta droga garraiatzeko arduraduna 76 urteko gizon bat zen.
Manifestazioa deitu dute arratsalderako Berrizen, asteleheneko eraso matxista larria salatzeko
48 urteko gizonezkoa emaztea hiltzen saiatu zen Berrizen, eta emakumea helikopteroz eraman zuten Gurutzetako Ospitalera. Atxilotuak polizia-etxean jarraitzen du, epailearen aurrean deklaratzeko zain. Bestalde, Berangoko Udalak deituta, elkarretaratzea egingo dute arratsaldean Amaiaren hilketa salatzeko. Apirilaren 1ean bikotekideak hil omen zuen, Basaurin, baina berangoztarra zen.
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko astelehenak
Ezohiko itxura hartu du Pazko astelehenak. Eguraldi beroak hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.
Gizon bat atxilotu dute, Berrizen, emaztea labankadaz larri zauritzeagatik
Gertatutakoa salatzeko, Berrizko Mugimendu Feministak manifestazio zaratatsua deitu du biharko, arratsaldeko 18:30ean, Udaletxe paretik abiatuta.
Aske geratu dira Gasteizen adingabe bat sastatzea leporatuta atxilotutako zazpi gazteak
Asteburuan epailearen aurretik igaro ostean, guztiak utzi dituzte libre, azken biak igandean, Segurtasun Sailak jakinarazi duenez.
Eusko Jaurlaritzak 'Ttipi Ttapa' gida aurkeztu du, oinez egitea osasun eta kohesio sozialerako tresna bihurtzeko
Osasun Sailak udalerrien eskura jarri du jarduera fisikoa eta harreman sozialak sustatzeko gida praktikoa. Ekimenak ongizate fisiko eta emozionala hobetzea eta komunitateak indartzea du helburu.