Suteak itzaltzeko Euskadiko zerbitzuek plazen % 25-40 gorde beharko dizkiete emakumeei
Eusko Jaurlaritzak Euskadiko 'Prebentzio, Su Itzaltze eta Salbamendu Zerbitzuen Lege-proiektua' onartu du gaur. Arau horrek, lehen aldiz erregulazio espezifiko batean, "emakumeek plantilletan duten ordezkaritza eskasa zuzentzeko neurriak" jasotzen ditu, Ertzaintzari eta Euskadiko udaltzaingoei EAEko Poliziari buruzko Legean ezarritakoak bezalaxe.
Hala, EAEko Exekutiboak ohar batean azaldu duenez, lege berriak ezartzen du erakundeek plan bereziak abiarazi behar dituztela suteak itzaltzeko zerbitzuetan emakumeen presentzia bermatzeko. Ildo horretan, kategoria guztietan txanda ireki bidez sartzeko hautaketa-prozeduretan zehaztu beharko da emakumeek zenbat plaza bete beharko dituzten haien presentzia orekatzeko.
Legea onartzen denetik aurrera, deialdia egiten duten erakundeek zehaztuko dituzten egitasmoetan zehaztuko da kopuru hori, eta ezin izango da izan, inola ere, deitutako plazen % 25 baino txikiagoa eta % 40 baino handiagoa. Euskal Herriko Poliziari buruzko Legeak Ertzaintzarentzat eta Euskadiko udaltzaingoentzat ezartzen duen tarte bera da.
Euskadiko suhiltzaile zerbitzuen egungo mapa heterogeneoa da: sei erakunderen (hiru hiriburu eta hiru foru aldundi) titulartasuneko 26 parke daude.
Arau berriaren helburua da "Euskadiko suteak itzaltzeko zerbitzu guztien jardunean koordinazio handiagoa eta hobea lortzea, euskal lurralde osora modu eraginkorrean iristeko". Era berean, "suhiltzaile zerbitzu horien eta larrialdiei aurre egiteko eta babes zibilerako euskal sistemako gainerako eragileen (Ertzaintza, udaltzainak, Osakidetza, Dya, Gurutze Gorria, etab.) arteko lankidetza hobetzea" ere du helburu.
Bestalde, suhiltzaileak agintaritzaren agentetzat joko dira. Horregatik, akreditazio profesionaleko agiriak eraman beharko dituzte. Gainera, Jaurlaritzak erregistro bat sortuko du Euskadiko suhiltzaile guztiekin.
Zure interesekoa izan daiteke
Bartzelonan, Madrilen eta Berlinen ere Korrika!
Korrikak ez duela mugarik erakutsi du berriz ere. Larunbat honetan ehunka lagun bildu dira Bartzelonan, Madrilen eta Berlinen euskararen alde korrika egiteko. Tradizio bihurtzen ari da Euskal Herritik kanpo ere korrika egitea eta auten 50 hiri handitan antolatu dute hitzordua. Ikusmin handia eragin dute inguruan zebiltzan herritarren eta turisten artean.
Ehun bat polizia atxilotu edo ikertu dituzte Espainian azken bost urteetan, narkotrafikoarekin lotura izateagatik
EH Bilduk egindako galdera bati erantzunez, Espainiako Gobernuak jakinarazi du 106 agente atxilotu edo ikertu dituztela 2021eaz geroztik, baina ez du zehaztu zein polizia zerbitzutakoa den ikertutako edo atxilotutako pertsona bakoitza.
Arrazismoaren aurkako martxa batek "faxismoaren gorakada" eta "zigorgabetasuna" salatu ditu Bilbon
Arrazagatiko Diskriminazioa Ezabatzeko Nazioarteko Eguna dela eta, ehunka pertsonak bat egin dute larunbat honetan Arrazakeriaren aurkako Bilboko M21 Asanbladak deitutako manifestazioarekin. "Faxismoaren gorakada" salatu, eta "talde neonazi eta supremazisten" jarduera eta diskurtsoen "zigorgabetasunaz" ohartarazi dute. 12:00ak jota zirenean hasi da martxa, Mariaren Bihotza plazan, eta San Frantzisko kalea Zabalbururaino zeharkatu eta gero, Bilboko udaletxearen aurrean amaitu da, manifestu bat irakurrita.
Edukiontziak erre dituzte bart Getxon eta Bilbon, eta ikerketa zabaldu du Ertzaintzak
Getxoko Areeta auzoan, 12 edukiontziri eman diete su, eta Bilboko Zorrotza auzoan, 3 erre dituzte. Ikerketa abiatu dute, eta Getxoko Udaltzaingoa susmagarri bat identifikatzeko lanean ari da jada.
Durango, Palestinaren alde
Musikari ez ezik, bertsolariei eta umoregileei ere ireki die leihoa Oihu bat Palestinara jaialdiak; izan ere, Maialen Lujanbio, Amets Arzallus, Txaber Altube eta Nerea Ibarzabal bertsolariek eta Antton Telleria eta Asier K. bakarrizketariek hartu dute parte.
Nafarroako Erribera luze-zabalean zeharkatuta, Iruñerako bidea hartuko du gauerdian Korrikaren lekukoak
13:23an iritsiko da igandean Korrika Nafarroako hiriburura, bere laugarren egunean. Euskararen aldeko pausoek Erribera hartu dute larunbat honetan, korri eginez eta euskaraz bizitzeko aldarria ahotan.
Ehunka lagun elkartu dira Bilbon, "Kuba bizirik. Blokeorik ez!" lelopean
Hegoak plataformak deituta, Kubaren aldeko elkarretaratzea egin dute gaur eguerdian Bilboko Areatzan, "EBk ezarritako itolarri ekonomiko eta energia blokeo politika arbuiatzeko". Habanara iritsiko den konboi solidarioaren alde ere agertu dira. Bilbon bezala, Iruñean ere mobilizatu dira plataforma horrek deituta.
47 urteko gizon bat atxilotu dute Ermuan, anaia sastatzea egotzita
Erasoa 06:00ak aldera gertatu da, San Pelaio auzoko etxebizitza batean. 46 urteko biktima larri eraman dute ospitalera, gorputzeko hainbat lekutan zauriak baitzituen.
Gizon batek alaba adingabea hil du Torreviejan
Guardia Zibila indarkeria bikarioko krimen gisa ikertzen ari da gertatua. Zantzu guztien arabera, 40 urteko gizonak 3 urteko alaba hil du eta bere buruaz beste egin du ondoren.
Preso bat hilik aurkitu dute Baionako espetxean
23 urteko gizonak bere buruaz beste egin du. Arazo psikiatrikoak zituen, eta bakarkako ziega batean zegoen preso.