Donostialdeko ESIko zerbitzuburuek bertan behera utzi dituzte protestak azken akta sinatu ostean
Gaur goizean asanblada egin ondoren Donostialdeko ESIko osasun profesionalek erabaki dute Osakidetzak joan den astean igorri zien azken akta sinatzea eta hurrengo bi hilabeteetan ospitale aurreko kontzentraziorik ez egitea. Sortu diren lantaldeek zer emaitza ematen duten ikusteko epe hori jarri dute.
Felix Zubia Donostia Ospitaleko Zainketa Intentsiboetako buruak asanbladaren ostean azaldu duenez, beraiek esandakoaren norabidean aldaketak egon dira azken aktan. Egoera bideratuta dagoela ikusita eta borondatea dagoela ulertuta erabaki dute astelehenero egiten ari ziren protesta bilkurak bertan behera uztea.
Bizpahiru hilabeteko epea eman diote Osakidetzari idatziz jasotako hori gauzatu ahal izateko. "2-3 hilabetetan ikusiko dugu lantaldeek zer emaitza ematen duten", gehitu du.
Felix Zubiaren arabera, azken aktak hiru berritasun nagusi jasotzen ditu.
Lehenik, langileen ordezkaritza bermatuta egotea eskatzen zuten eta hori ahalbidetuko dutela jaso dute aktan.
Bigarrenik, lanpostu espezifikoetan hutsuneak daudenean sareko baliabideak erabiliz ordezkatuko direla.
Hirugarrenik, Donostiako Ospitalearen erreferentzialtasuna eskatzen dute eta hori mantentzen saiatzeko konpromisoa jasota dago aktan.
Donostialdeko ESIko gatazka bideratu den arren, ez dagoela itxita nabarmendu du Felix Zubiak. "Ez da itxi, epe berri batean sartzen gara eta ea lantaldeek aurrera egiteko bide ematen diguten", gaineratu du. Dena dela, 2-3 hilabeteetan idatzitakoa gauzatzen ez nada protestei berriro ekiteko prest azaldu dira.
Zure interesekoa izan daiteke
El Bocaleko pasaguneko ezbeharra gertatu aurretik, Poliziak 112ra deitzeko protokolorik zuen ala ez ikertzen ari da epailea
Agintariak, agenteak eta teknikariak deituko ditu deklaratzera, eta ikerketa-lerro bat abiatu du, materialen eta pasabidearen mantentze-lanen inguruan.
Erreskate ugari izan dira Aste Santuan euskal kostaldean
Jai egunak lausotzetik gertu izan diren egoerak bizi izan dira egunotan, eta erreskate ugari egin behar izan dira itsasoan, bai marearen igoerak ezustean harrapatu dituen pertsonenak, bai korronteek arrastan eramandako edo olatuek harrapatutako pertsonenak. Zorionez, ez da biktimarik izan.
25 eta 28 urteko bi gizon atxilotu dituzte Gasteizen, bikotekideari eta bikotekide ohiari eraso egitea egotzita
Gasteizko Udaltzaingoak pasa den ostegunean eta ostiralean egin zituen atxiloketak, astearte honetan jakitera eman duenez.
Martinezek esan du garrantzi handikoa dela ohitura osasungarriak izatea, osasunari eragiten dioten faktoreen % 50 baitira
Osasun sailburuak ariketa fisikoa egitera, elikadura zaintzera eta alkohol eta kalamu kontsumoa murriztera animatu ditu herritarrak, Osasunaren Nazioarteko Eguna dela eta.
Mugikorrak alboratu eta familiaz gozatzeko gonbita, apirilaren 18an, EAEko hiriburuetan
Eusko Jaurlaritzak antolatuta, Mugikorrik Gabeko Eguna Familian izango da Donostian, Bilbon eta Gasteizen. Familia inguruan teknologiaren erabilera kontzienteagoa sustatzea du helburu egitasmoak. “Ongizate emozionala zaintzeko eta senideekin egotearen balioa berreskuratzeko keinu txiki” gisa aurkeztu du Nerea Melgosa Ongizate, Gazteria eta Erronka Demografikoko sailburuak.
Bizkaitik Nafarroara droga eramaten zuen gaizkile sare bat desegin dute: lau lagun atxilotu eta 22 kilo speed atzeman dituzte
Ortuellako etxebizitza batetik Nafarroara banatzen zen, eta droga 76 urteko gizon batek garraiatzen zuen.
Manifestazioa deitu dute arratsalderako Berrizen, asteleheneko eraso matxista larria salatzeko
48 urteko gizonezkoa emaztea hiltzen saiatu zen Berrizen, eta emakumea helikopteroz eraman zuten Gurutzetako Ospitalera. Atxilotuak polizia-etxean jarraitzen du, epailearen aurrean deklaratzeko zain. Bestalde, Berangoko Udalak deituta, elkarretaratzea egingo dute arratsaldean Amaiaren hilketa salatzeko. Apirilaren 1ean bikotekideak hil omen zuen, Basaurin, baina berangoztarra zen.
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko astelehenak
Ezohiko itxura hartu du Pazko astelehenak. Eguraldi beroak hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.