Nafarroako biztanleen laurdenak euskara hitz egin edo ulertzen du
Euskarabideak 2021ean burutu zuten VII. Inkesta Soziologikoko Nafarroako datuak aurkeztu du gaur. Bertan azaldutako datuen arabera, 16 urtetik gorako Nafarroako biztanleen laurdenak euskara hitz egiten du edo ulertzen du; alegia, %14,1a euskal hiztuna da eta beste %10,6a gai da ulertzeko eta pixka bat hitz egiteko, nahiz eta ongi egin ez.
2016ko inkestarekin alderatuta, euskaldunen kopuruak gora egin du Nafarroan erakusten dute datu hauek; hain zuzen ere %1,2 igo da hiztunena eta %2,2 ulertzen dutenen kopurua.
Ana Ollo Gizarte Harremanetarako kontseilariak aipatu duenez, ikerketa honen helburua euskarak Nafarroan bizi duen egoera eta azken hamarkadan izan duen bilakaera jasotzea da. Hizkuntza-politika publikoaren eragin edo inpaktu soziala neurtzeko datuak jasotzeak duen garrantzia azpimarratu du.
Adinei erreparatzen badiegu, euskararen jabe direnen gehiengoa gaztea da. Gazteen %28a euskalduna da gaur egun (%25,8koa zen datua 2016ko inkestan) eta %12,2a euskaldun hartzailea da, alegia, ulertu edo pixka bat hitz egiten du.
Hizkuntza eremuak kontuan hartuta, ordea, datuak oso ezberdinak dira: eremu euskaldunean euskaldunak %62,3a dira, eremu mistoan %12,6a eta eremu ez euskaldunean %1,6.
VII. Inkesta Soziolinguistikoa (2021) Eusko Jaurlaritzak, Euskararen Erakunde Publikoak eta Nafarroako Gobernuak burutu duten eragiketa estatistikoa da, hiru erakunde publikoek euskara sustatzeko sinaturik duten Hiruko ituna protokoloan jasota dena. Nafarroan ez ezik, EAEn eta Ipar Euskal Herrian ere egin da eta Nafarroako datuak dira aurkeztu diren lehendabizikoak.
Albiste gehiago gizartea
Perez Iglesias, IBMren ordenagailu kuantikoaz: "Zientziaren munduan punta-puntan lan egiten duten pertsonak erakarriko ditu"
Eusko Jaurlaritzako Zientzia, Unibertsitate eta Berrikuntzako sailburu Juan Ignacio Perez Iglesiasek Radio Euskadiko "Boulevard" saioan adierazi duenez, IBMk aurten Donostian instalatuko duen superordenagailu kuantikoaren piezak dagoeneko Ibaetan dira. Sailburuaren ustez, "zientziaren munduan punta-puntan lan egiteko gaitasun handia duten pertsonak erakartzeko gunea izango da".
Euskal herritar adingabe bat hil da Castro Urdialesen, eremu harritsu batetik erorita
12 urteko gazteak bularrean kolpea hartu zuen, eta Santanderreko Valdecilla Ospitalera eraman zuten.
Sutea izan da Tarifan, eta errepide bat itxi eta kanpin bat hustu behar izan dituzte
Sutea piztu da turistaz betetako Cadizko udalerriko La Peña inguruan, eta zenbait toki hustu behar izan dituzte. Tartean, kanpin bat. Ehun bat suhiltzaile sua kontrolatzeko lanean ari dira.
Foru Gobernuak "lasaitasuna" eskatu du Izarbeibarko sutearen aurrean: "Ez du herrigunerik kaltetu"
Amparo Lopez Barne, Funtzio Publiko eta Justizia kontseilariak "lasaitasun" mezua zabaldu du Muruzabal, Eneritz, Añorbe eta Obanosen artean piztutako sutearen aurrean, "ez baitago, a priori, herrigunerik kaltetutaa". "Eta ez dugu uste gertatuko denik", gaineratu du. Bestalde, Maria Chivitek Nafarroako presidenteak eskertu egin du "inguruko alkateekin izaten ari garen lankidetza perfektua".
Abuztuaren 29an gauez ez da jairik izango Bakion, ekitaldiak bertan behera utzi ostean "indarkeria areagotu delako"
"Hainbat eraso matxista eta borroka izan dira, eta jai giroa hondatu dute", azaldu du Bizkaiko Udalak. Hori dela eta, San Joan Doloz gauean ez da DJ ikuskizunik izango.
Bizkaiko 17 udalerritako hegazti-ustiategiak konfinatu dituzte, hegazti-gripearen hainbat kasu agertu direlako
Ezarritako babes- eta zaintza-eremuak udalerri hauetan ezarri dira: Lemoiz, Bakio, Gorliz, Barrika, Sopela, Mungia, Maruri, Plentzia, Urduliz, Getxo, Berango, Gatika, Laukiz, Leioa, Erandio, Loiu eta Derio.
Fauna basatia sendatzeko Gorlizko zentroak abeletxeko hegazti guztiak hil ditu, eta inguruko udalerrietan prebentzio-neurriak ezarri dituzte
Zentroak hegazti gripearen bi kasu atzeman ditu, eta, iragarri dute, ondorioz, zentroa bera kutsatu egin dela. Hala, alde batetik, abeletxeko hegazti guztiak hil dituzte, eta, bestetik, inguruko herrietan prebentzio-neurriak ezarri dituzte.
Egonkortu egin dute Izarbeibarren piztutako baso-sutea
Muruzabal, Eneritz, Añorbe eta Obanos herrietan piztutako baso-suteak uzta bilduta zeuden hainbat zereal-soro eta pinudi bat kaltetu ditu. Suhiltzaileek gau osoa eman dute bertan, eta lanean jarraitzen dute goizean. Artaxoan piztutako bigarren sute baten ondorioz, NA-132 eta NA-6020 errepideak itxi behar izan dituzte, baina biak zabaldu dituzte dagoeneko.
Bizkaiko Aldundiak esan du hegazti-gripe kasuek ez dutela inor "ustekabean" harrapatu, eta gaitza ez dela gizakion osasunerako kaltegarria
Iñaki Arrazola Aldundiko Abeltzaintza zerbitzuburuak Radio Euskadin azaldu duenez, hegaztien sektoreak "erne" egon behar du birusaren aurrean.
Elvia Gomez nafarrak Young Scientific Explorer Award saria irabazi du, 13 urterekin
Lau urterekin elur-oreinen aztarnak arakatzera joan zen Finlandiara, eta orain, 13 urterekin, Eguesibarreko gazteak Young Scientific Explorer Award saria jaso du. Gainera, Elvia Gomezek arrakasta handia du Instagramen (@elvialarastreadora), animaliei buruzko bitxikeriak kontatzen baititu.