Bi atxilotu Bilbon, etxebizitza batean indarrez sartzen saiatzen ari zirela Ertzaintzak harrapatu ostean
Polizia-aurrekari ugari dituzten 27 eta 29 urteko bi gizonezko atxilotu ditu Ertzaintzak larunbat honetan Bilbon, Zabala auzoko etxebizitza batean indarrez sartzen saiatzea leporatuta. Haiekin zihoazen beste bi lagun ere identifikatu dituzte, ikertu gisa.
Eusko Jaurlaritzako Segurtasun Sailak jakinarazi duenez, larunbat honetako 18:00ak aldera, jarrera susmagarria zuten pertsona batzuen berri jaso zuen Ertzaintzak, Bilboko Zabala auzoan, alegia.
Babes zibilerako patruila bat bertaratu zen, eta etxebizitzetako batean ateak mugitze zantzu argiak zituela ikusi zuen. Jarraian, bi gizonezko ikusi zituzten agenteek, zeramatzaten hainbat objektu auto baten azpira botatzen, handik alde egiteko asmoarekin.
Susmagarriak identifikatu zituzten eta objektu horiek etxebizitzan sartzen saiatzeko erabilitako tresnak zirela egaztatu zuten. Hortaz, indarrez egindako lapurreta egotzita, biak atxilotu zituzten.
Izapideak egiten ari ziren bitartean, inguruan zeuden beste bi lagun ikusi zituen Ertzaintzak eta horiek ere identifikatu zituzten, ikertu gisa, lapurretarekin lotura zutelakoan.
Bi atxilotuek polizia-aurrekari anitz dute, eta polizia-etxera eraman zituzten, zegozkien izapideak egiteko, eta epailearen aurrera eraman ahal izateko.
Albiste gehiago gizartea
Gizon bat atxilotu dute Portugaleteko taberna batean beste bati aizkoraz erasotzeagatik
Atzo 20:00etan gertatu zen erasoa. Biktimak zauriak ditu eskuetan eta bizkarrean.
Albiste izango dira: Saretzen txostena, PSNren krisia eta Errefuxiatuen Mundu Eguna
Gaurkoan albiste izango direnen laburpena, bi hitzetan.
Oñatiko Larraña Etxeak 20 nazionalitateko 100 errefuxiatu hartzen ditu
Zentroa kudeatzen duen Zehar-Errefuxiatuekin elkarteak salatu du Atzerritarrei buruzko Legearen Erregelamenduaren azken erreformak nazioarteko babesa eskatzen duten pertsonak "zigortzen" dituela. 3.000 pertsonak baino gehiagok eskatu dute nazioarteko babesa Euskadin aurten.
Bittor Arginzonizen Etxebarri erretegiak munduko bigarren jatetxe onena izaten jarraitzen du
Peruko Maido jatetxea munduko onena izendatu dute The World 's 50 Best Restaurants 2025 sarietan. Bestalde, Etxebarri erretegiko Mohamed Benabdallah aljeriarra munduko sommelier onena izendatu dute.
Abadia Saria jaso du Gure Zirkuak
Gure Zirkuak aurtengo Abadia Saria jaso du gaur arratsaldean, Arrateko gainean (Eibar) egindako ekitaldian, komunitate oso bati “elkarrekin euskaraz bizi eta sentitzeko plaza berritzailea” eskaintzeagatik. Eider Mendoza diputatu nagusiaren eskutik jaso dute Abadia Sariaren oroigarria –Iñigo Aristegui Telloren Zazpi Petaloak eskultura– Gure Zirkuko kideek.
Musika, nagusi: EAEko 10 kultur ekitalditatik hiru musikari lotutakoak dira
6.342 kontzerturekin, musika euskal agendan gehien agertzen den forma kultural gisa finkatu zen iaz. Ondoren antzerkia (4.239 ekitaldi) eta, urrunago, zinema/ikus-entzunezkoak (2.349) eta dantza (860).
EAEko kultur ekitaldien ia erdiak euskarazkoak edo elebidunak dira
2024an programatutako kultur ekitaldien % 32,8 euskara hutsean izan ziren, eta % 13,1 elebidunak, gaztelaniarekin edo beste hizkuntza batekin batera.
EAEko kultur sarea: bizia, baina asimetrikoa
2024an, ia 20.000 ekitaldi inguru erregistratu ziren hiru lurraldeetan, Kulturklik atariaren arabera. Beste era batera esanda: egunean, batez beste, 55 kultur saio izan ziren EAEko udalerrietan.
Kultur programazioa urte osoan zehar ereiten da EAEn, baina udazken-negua da sasoirik emankorrena
Orokorrean orekari eusten zaion arren, eskualdeen arteko aldeak egon badaude. Eremu batzuetan programazioa batik bat uda sasoira bideratzen dute, eta beste batzuetan, aldiz, ekitaldiak hilez hil sakabanatzen dituzte.
Beskoitzek ikastola berria izango du 2026-2027 ikasturtean
Egun dauden prefabrikatuetatik gertu, lursail bat erosi du Beskoitzeko Udalak eta bertako zati bat ikastolarentzat izango da. Herri Urratsen lortutako diruari esker eta Euskal Herri osotik iritsitako elkartasunari esker, Seaskak milioi bat euroko inbertsioa egingo du. Irailean lanak hasiko dira, eta hurrengo ikasturtean hasiko lirateke Beskoitze aldeko 50 haur inguru baldintza duinetan euskaraz ikasten.