Lezertuak proposatu du EAEn Arartekoak zigor ahalmena izatea, Nafarroan gertatzen den bezala
Arartekoak 2022ko txostena aurkeztu zuen atzo, eta gaur Radio Euskadiko "Boulevard" saioan azaldu ditu iaz herritarrengandik jasotako kexen nondik norakoak. Halaber, begi onez jo du EAEn, Nafarroan bezala, Arartekoak zigor ahalmena izatea. "Bertan, Legebiltzarrak aginte hori eman dio Arartekoari. Ikusiko dugu EAEn ere bide horri eusten dioten", esan du, "administrazioek kexak serio har ditzaten" bide aproposa dela iritzita.
Osakidetzarekin lotutako aferen harira jasotako kexak hizpide, esan du "izugarri" igo direla. "Orain arte 100 bat kexa jasotzen genituen urtean, eta 2022an 307 izan ziren. Denetariko kexak ditugu; batzuk lehen arretarekin lotutakoak, beste batzuk atzerapenengatik jarritakoak... Anbulantzien gaiak, bigarren diagnostiko bat jasotzeko eskubideak edota atzerritik iritsitakoen egoerak ere kezka eta haserrea sortu dute", adierazi du.
Osasun gaiek guztiongan eragina dutela ere onartu du, "ondorioz, inpaktu soziala ikaragarria da". "Guk kexa horiek eta gure gomendioak helarazten dizkiogu osasun sailburu Gotzone Sagarduiri. Gertatzen ari denaren jakitun dira, beste bide batzuetatik ere heltzen zaielako informazioa. Horri aurre egiteko irtenbideak bilatzen ari dira, baina denbora beharko da emaitzak ikusteko", azpimarratu du. Egoera horren aurrean, baina, "jarrera proaktiboa" erakutsi du Sagarduik, Lezertuaren esanetan.
Amaieran, nabarmendu du nahiago izaten duela elkarrizketa lehenetsi, delituak seinalatzen hasi orduko. "Udalei ez ezik, Jaurlaritzari eta, neurri txikiagoan, aldundiei ere jakinarazi diegu delitua dela Arartekoari ez erantzutea. Kasu gehienak konponduta daude dagoeneko, baina oraindik ere bada erantzunik eman ez duen udalen bat edo beste. Lehenik eta behin, gogorarazten diegu delitua dela ez erantzutea. Bigarren pausoa da gertatutakoa txostenean jasotzea. Hirugarrenik, tokian tokiko agintariekin harremanetan jartzen gara. Hirugarren urrats horretan, kasu gehienak konpontzen dira, baina horrela gertatzen ez denean, salaketa jartzea da laugarren eta azken pausoa", bukatu du
Zure interesekoa izan daiteke
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko Astelehenak
Ezohiko itxura hartu du Pazko Astelehenak. Eguraldi beroak, hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.
Gizon bat atxilotu dute Berrizen emaztea labankadaz larri zauritzeagatik
Gertatutakoa salatzeko, Berrizko Mugimendu Feministak manifestazio zaratatsua deitu du biharko, arratsaldeko 18:30ean, Udaletxe paretik abiatuta.
Aske geratu dira Gasteizen adingabe bat sastatzea leporatuta atxilotutako zazpi gazteak
Asteburuan epailearen aurretik igaro ostean, guztiak utzi dituzte libre, azken biak igandean, Segurtasun Sailak jakinarazi duenez.
Eusko Jaurlaritzak 'Ttipi Ttapa' gida aurkeztu du, oinez egitea osasun eta kohesio sozialerako tresna bihurtzeko
Osasun Sailak udalerrien eskura jarri du jarduera fisikoa eta harreman sozialak sustatzeko gida praktikoa. Ekimenak ongizate fisiko eta emozionala hobetzea eta komunitateak indartzea du helburu.
Trafiko gorabeherak gaur Bilbon, Itzulia Basque Country lasterketa dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
?fmt=webp-alpha&qlt=80)
Picassoren margolan bat, 100 euroren truke: Alzheimerraren ikerketa finantzatzeko ekimena
Tête de femme (1941) Pablo Picassoren lan original honen zozketa apirilaren 14an egingo da, Parisen, eta oraindik milaka partaidetza daude saltzeko. Ekimen solidario honek mundu osoko parte-hartzaileak erakarri ditu.
Epailearen esku utzi dituzte Gasteizen adingabe bat sastatzea leporatuta atxilotutako zazpi gazteak
Ostegunean jazo zen erasoa, 18:30 aldera, bost gizonek adin txikikoa sastatu eta ibilgailu batean ihes egin zutenean. Atxilotuek 19 eta 21 urte bitartean dituzte, baina ikerketak zabalik jarraitzen du.