Erkoreka: "Ez zegoen modurik bermatzeko Osasunaren autobusaren segurtasuna"
Josu Erkoreka Eusko Jaurlaritzako Segurtasun sailburuak azalpenak eman ditu gaur, Athletic-Osasuna Kopako partidaren biharamunean, talde gorritxoaren autobusarekin gertatutakoari buruz. Osasuna berandu heldu zen San Mames estadiora, eta partida 10 minutu atzeratu behar izan zuten, Ertzaintzak "ordu erdi baino gehiago atxikita" izan zuelako.
Erkorekak Euskadi Irratiko "Faktoria" saioan eskainitako elkarrizketa batean argitu duenez, San Mames inguruetan jendetza zegoen, eta hala, bi taldeen autobusak ezin izan ziren heldu aurreikusitako orduan. Gainera, zuri-gorrien autobusa babesten joan ziren Ertzaintzaren furgonetek erasoak jasan —edalontziak eta botilak jaurti zizkieten— zituztela ikusita, Osasunaren autobusaren segurtasuna bermatzeko "modurik ez" zegoela ikusi zuten Segurtasun arduradunek. Ondorioz, beste bide batetik eraman zuten ibilgailua, eta horrek eragin zuen atzerapena. Osasuneko zuzendaritzari ere azalpen bertsuak emango dizkiola erantsi du Erkorekak.
Beste hainbat gai ere hartu ditu hizpide Jaurlaritzako lehen lehendakariorde ere badenak. Badira bi hilabete Segurtasun Sailak gau giroan arma zurien erabilera kontrolatzeko neurri bereziak iragarri zituela, eta ordutik izandako bilakaeraz galdetuta, "orain erabilera apalagoa delakoan" dagoela erantzun du Erkorekak. "Kuriosoa da, baina lehen bi asteetan asko atzeman genituen, baina momentu batetik aurrera ez dut esango desagertu zirenik, baina gutxiago agertzen direla bai". Dena den, azpimarratu du "gehiago itxaron" behar dela eta "denbora epe luzeagoa" behar dela neurrien balorazioa egiteko.
Azkenik, lan gatazketan Ertzaintzak egindako esku hartzeak hartu ditu ahotan. Izan ere, sindikatuek salatu dute bortizkeriaz jardun dutela agenteek langileen kontra. Erkorekaren esanetan, esku hartzeak egiteko modua "araututa" dago, eta Ertzaintzak "irizpide aurreratu eta modernoak" darabiltza. "Kasuren batean betetzen ez dela? Ba salaketa aurkeztu eta epaileak ikusiko du", esan du. Hain justu, horrekin lotuta, datua eman du Segurtasun sailburuak: azken 10 urteotan aurkeztutako salaketen % 1,4k bakarrik amaitu dute kondena batekin. "Ez dut esan nahi % 1 hori ez dela zuzendu behar, eta lan egin beharko da, baina kasu gehienetan auzia artxibatzea edo absolbitzea erabaki dute epaitegiek", gaineratu du.
Zure interesekoa izan daiteke
25 eta 28 urteko bi gizon atxilotu dituzte Gasteizen, bikotekideari eta bikotekide ohiari eraso egitea egotzita
Gasteizko Udaltzaingoak pasa den ostegunean eta ostiralean egin zituen atxiloketak, astearte honetan jakitera eman duenez.
Martinezek esan du garrantzi handikoa dela ohitura osasungarriak izatea, osasunari eragiten dioten faktoreen % 50 baitira
Osasun sailburuak ariketa fisikoa egitera, elikadura zaintzera eta alkohol eta kalamu kontsumoa murriztera animatu ditu herritarrak, Osasunaren Nazioarteko Eguna dela eta.
Mugikorrak alboratu eta familiaz gozatzeko gonbita, apirilaren 18an, EAEko hiriburuetan
Eusko Jaurlaritzak antolatuta, Mugikorrik Gabeko Eguna Familian izango da Donostian, Bilbon eta Gasteizen. Familia inguruan teknologiaren erabilera kontzienteagoa sustatzea du helburu egitasmoak. “Ongizate emozionala zaintzeko eta senideekin egotearen balioa berreskuratzeko keinu txiki” gisa aurkeztu du Nerea Melgosa Ongizate, Gazteria eta Erronka Demografikoko sailburuak.
Bizkaitik Nafarroara droga eramaten zuen gaizkile sare bat desegin dute: lau lagun atxilotu eta 22 kilo speed atzeman dituzte
Ortuellako etxebizitza batetik Nafarroara banatzen zen, eta droga 76 urteko gizon batek garraiatzen zuen.
Manifestazioa deitu dute arratsalderako Berrizen, asteleheneko eraso matxista larria salatzeko
48 urteko gizonezkoa emaztea hiltzen saiatu zen Berrizen, eta emakumea helikopteroz eraman zuten Gurutzetako Ospitalera. Atxilotuak polizia-etxean jarraitzen du, epailearen aurrean deklaratzeko zain. Bestalde, Berangoko Udalak deituta, elkarretaratzea egingo dute arratsaldean Amaiaren hilketa salatzeko. Apirilaren 1ean bikotekideak hil omen zuen, Basaurin, baina berangoztarra zen.
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko astelehenak
Ezohiko itxura hartu du Pazko astelehenak. Eguraldi beroak hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.
Gizon bat atxilotu dute, Berrizen, emaztea labankadaz larri zauritzeagatik
Gertatutakoa salatzeko, Berrizko Mugimendu Feministak manifestazio zaratatsua deitu du biharko, arratsaldeko 18:30ean, Udaletxe paretik abiatuta.