Apirilaren 22an Osakidetzaren "suntsitze programatuaren" aurka manifestatzera deitu dute
Datorren apirilaren 22an EAEko hiru hiriburutan osasun publikoaren defentsaren alde izango diren manifestazioetan parte hartzeko deia luzatu du 'Osasun Publikoaren Aldeko Herri Plataforma' koordinakundeak, "Osakidetzaren suntsitze programatuaren kontra" egiteko helburuz.
Ohar baten bidez koordinakunde horrek salatu duenez, EAEko osasun sistema publikoaren egoera "puntu kritiko batera" iritsi da. Zentzu horretan, azpimarratu du Aste Santuko oporrak direla eta, Osakidetzak "arazo handiak ditu etengabeko arreta puntuetan medikuak ordezkatzeko".
"Epe luzerako irtenbideak bilatu beharrean, Osasun Zerbitzu Publikoaren kalitatea arriskuan jartzen duen aldebakarreko erabakia hartu du, hau da, medikuak erizainekin ordezkatzea", salatu du koordinakundeak. "Erizainak funtsezkoak dira, baina ezin dute medikuak ordezkatu. Familia-medikuak ez egoteak arriskua dakar herritarren osasunerako eta segurtasunerako", kritikatu dute. "Osasun sailburuak behin eta berriro emandako justifikazioa da ez dituela lehen arretako medikuak ordezkatzeko langile nahikorik", gaineratu du.
Osakidetzaren "suntsitze programatua"
'Osasun Publikoaren Aldeko Herri Plataformak' "irmo" gaitzetsi du Eusko Jaurlaritzaren jarrera, "osasun sistema publikoan erabakiak hartzeko edozein parte-hartze modua desgaitu duelako". "Langile faltaren arazoaren aurrean, irtenbide jasangarriak bilatu beharrean, Jaurlaritzak bere ideiak eta erabakiak inposatu ditu, modu aldebakarrean", deitoratu du.
Hori dela eta, herritarrei dei egin die apirilaren 22an EAEko hiri hiriburutan "kalera ateratzeko". "Argi dago Osakidetzan suntsitze programatua izaten ari dela, herritar guztien eskubidea izan behar dena esku pribatuetan uzten ari delako", adierazi du.
Koordinakundearen esanetan, "unea da euskal osasun sistema publikoaren alde herritarrek euren ahotsa altxatu dezaten, osasun arretaren kalitatea ezin baita interes pribatuaren mende geratu". "Funtsezkoa da pertsona guztiok, herritarrok eta osasun langileak, batzea irtenbideak eskatzeko. Merezi dugun kalitatezko osasun arreta berreskuratzeko borroka egin behar dugu", amaitu du.
Zure interesekoa izan daiteke
Emakume bizkaitar bat hil da Lugon izandako auto-istripu batean
Ostiral honetan izandako ezbeharrean, beste bederatzi pertsona zauritu dira, horietako bi larri.
Dena prest Bilbon, Marijaia noiz iritsiko zain
Onintza Enbeita bertsolariak eta Kaixo konpartsako Ainhoa Urrejolak botako dute txupina. Orain.eus webguneak zuzenean eskainiko du Aste Nagusiaren hasiera 19:00etatik aurrera.
Mafiek Ceutako migratzaileekin trafikatzen dutela ohartarazi du Polizia Nazionalak
Angel Victor Torres Lurralde Politikako eta Memoria Demokratikoko ministroak koordinatuko du Espainiako Gobernuaren barruan Ceutako krisiak eragindako egoera.
Palestinarekin Elkartasuna elkarteak gogorarazi du Palestinako erasoek "ez dutela etenik" eta beste mobilizazio bat deitu du urrirako
Palestinarekin Elkartasuna plataformak deituta, manifestazioa egin dute ostiral honetan Bilbon, Palestinari elkartasuna adierazteko. Manifestariek salatu dutenez, su-etena hasi zenetik palestinarren aurkako sarraskia ez eteteaz gain, Israelgo Gobernuak Libanora eta Iranera zabaldu ditu erasoak. Urriaren 3an beste manifestazio bat egingo dute, Bilbon.
Lezoarrak kezkatuta daude Pasaiako portuko isuriekin eta neurriak eskatu dituzte
Azken sutearen ondorioz, leihoak ixteko deia egin diete agintariek. Horrelakoak eguneroko kontua direla salatzen dute eta elkarretaratzea egin dute udaletxe aurrean. Portuan lan egiten duten enpresek euren osasunaren kontura ateratzen dituztela etekinak diote eta agintariei neurriak hartzeko eskatu diete.
Riglosko sute handia kontrolpean dute, eta ebakuatuak etxera itzuli dira
Aragoiko Gobernuak babes zibileko gutxieneko mailara jaitsi du alerta azken ebakuatuak beren etxeetara itzuli ondoren, nahiz eta operatiboak lanean jarraitzen duen 14.500 hektareako perimetroa finkatzeko.
Sagardogileek sagar-bilketa aurreratu dute lehortearen ondorioz, eta aurtengo uzta % 30-35 txikiagoa izango dela aurreikusi dute
Uda lehorraren ondorioz, ekoizle batzuek uzta aurreratu dute, eta beste batzuek datozen egunetan ekingo diote bilketari. Kanpainaren emaitza irailean aurkeztuko dute Villabonako sagasti esperimentalean.
Aurtengo Aste Nagusia azkena izango da Juan Mari Aburtorentzat Bilboko alkate bezala
12 urtez alkate izateak ematen duen perspektibarekin, Aste Nagusiak izan duen bilakaeran herritarren parte-hartzea nabarmendu du. Oraindik bada zer hobetu eta kontuan hartzeko moduko kezkak eta erronkak. Horren harian, konpartsekin gorabeherak izan arren, gaur egun harremana errespetuzkoa dela esan du. Jaia lehertzeko egun bakarra falta denean, alkateak ere urduri eta emozio handiz bizi ditu ordu hauek.
Txosnak "gune seguruak" izango dira Aste Nagusian erasoak jasaten dituztenentzat
Bilboko Konpartsek egunero txandak antolatuko dituzte erasoa jasan duten pertsonei arreta emateko, leku seguru batera laguntzeko eta, hala eskatuz gero, beste eragile batzuekin harremanetan jartzeko.
Ertzaintzak kontrolak egingo ditu Aste Nagusian, armak eta objektu arriskutsuak dituzten pertsonak sar ez daitezen
Operatibo berezi horren barruan, bideozaintza ezarriko da eraso sexistak prebenitzeko, patinete elektrikoen erabilera kontrolatuko da eta garbiketa-dispositibo bat zabalduko da.