Gaizkileen talde bat desegin dute Nafarroako hiru banketxetan lapurreta egitea egotzita
Guardia Zibilak lau pertsona atxilotu ditu eta beste bat ikerketapean du hainbat banketxetan lapurretak egitea eta gaizkile taldea osatzea leporatuta. Bost lapurreta egotzi dizkiete, denak indarkeriaz eta larderiaz egindakoak, eta hiru Nafarroan egindakoak: bata Arbizun, 2021ean, eta beste biak Lakuntzan eta Lekunberrin, 2022an. Guztira, 360.000 euro ebatsi zituztela uste dute ikerlariek.
Institutu Armatuak ohar bidez jakinarazi duenez, atxiloketak otsailean egin zituzten, taldeko bi kide Somoko (Kantabria) banketxe batean osten saiatzen ari ziren unean. Taldeko lau ustezko kideak atxilotu zituzten orduan, eta epaileak espetxera bidali zituen.
"Barrengolp-Mozorroa" izeneko polizia operazioa bi urteko ikerketaren ostean egin du Guardia Zibilak. 2021ean hasi ziren ikertzen, Arbizun eta Puente Viesgon (Kantabria) lapurretak izan ostean.
Ikerketari esker ondorioztatu zutenez, egileak berberak ziren bi kasuetan, eta banketxeetako lapurretetan ziren adituak. Taldeko bi ustezko kide "La Viuda" izeneko beste talde bateko partaide izandakoak ziren. Talde horrek dozenaka lapurreta egin ditu azken hamarkadan Espainiako Estatuan.
Lapurrek arma laburrak erabiltzen zituzten banketxeko beharginak eta bezeroak beldurtzeko, eta, kasuren batean, Lekunberriko lapurretan esaterako, langileen eskuak lotzen zituzten. Atxilo hartutako gizonek ileordeak, buru-berokiak, maskarak, txapelak eta obretako beharginek erabiltzen dituzten arropak eramaten zituzten ez identifikatzeko.
Taldeari lau ibilgailu konfiskatu dizkiote eta hiru etxebizitza miatu dituzte, bi Bizkaian eta beste bat Kantabrian.
Zure interesekoa izan daiteke
25 eta 28 urteko bi gizon atxilotu dituzte Gasteizen, bikotekideari eta bikotekide ohiari eraso egitea egotzita
Gasteizko Udaltzaingoak pasa den ostegunean eta ostiralean egin zituen atxiloketak, astearte honetan jakitera eman duenez.
Martinezek esan du garrantzi handikoa dela ohitura osasungarriak izatea, osasunari eragiten dioten faktoreen % 50 baitira
Osasun sailburuak ariketa fisikoa egitera, elikadura zaintzera eta alkohol eta kalamu kontsumoa murriztera animatu ditu herritarrak, Osasunaren Nazioarteko Eguna dela eta.
Mugikorrak alboratu eta familiaz gozatzeko gonbita, apirilaren 18an, EAEko hiriburuetan
Eusko Jaurlaritzak antolatuta, Mugikorrik Gabeko Eguna Familian izango da Donostian, Bilbon eta Gasteizen. Familia inguruan teknologiaren erabilera kontzienteagoa sustatzea du helburu egitasmoak. “Ongizate emozionala zaintzeko eta senideekin egotearen balioa berreskuratzeko keinu txiki” gisa aurkeztu du Nerea Melgosa Ongizate, Gazteria eta Erronka Demografikoko sailburuak.
Bizkaitik Nafarroara droga eramaten zuen gaizkile sare bat desegin dute: lau lagun atxilotu eta 22 kilo speed atzeman dituzte
Ortuellako etxebizitza batetik Nafarroara banatzen zen, eta droga 76 urteko gizon batek garraiatzen zuen.
Manifestazioa deitu dute arratsalderako Berrizen, asteleheneko eraso matxista larria salatzeko
48 urteko gizonezkoa emaztea hiltzen saiatu zen Berrizen, eta emakumea helikopteroz eraman zuten Gurutzetako Ospitalera. Atxilotuak polizia-etxean jarraitzen du, epailearen aurrean deklaratzeko zain. Bestalde, Berangoko Udalak deituta, elkarretaratzea egingo dute arratsaldean Amaiaren hilketa salatzeko. Apirilaren 1ean bikotekideak hil omen zuen, Basaurin, baina berangoztarra zen.
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko astelehenak
Ezohiko itxura hartu du Pazko astelehenak. Eguraldi beroak hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.
Gizon bat atxilotu dute, Berrizen, emaztea labankadaz larri zauritzeagatik
Gertatutakoa salatzeko, Berrizko Mugimendu Feministak manifestazio zaratatsua deitu du biharko, arratsaldeko 18:30ean, Udaletxe paretik abiatuta.