Bost pertsona atxilotu dituzte Getxoko loteria-administrazio batetik 50.000 euro indarrez eramatea egotzita
Polizia Nazionalak bost pertsona atxilotu ditu Madrilen, Gabonetako zozketaren egunean, goizaldean, Getxoko 3. loteria-administrazioan indarrez sartu eta lapurreta egitea egotzita. Kutxa gotorra ireki zuten, eta 50.000 euro eskudirutan eta 250.000 euro dezimotan eraman zituzten.
Madrilgo Poliziaren Buruzagitza Nagusiak asteazken honetan jakitera eman duenez, agintaritza judizialak behin-behineko espetxealdia ezarri diete bost akusatuei, indarra erabiliz lapurreta egitea egotzita. Hala ere, Poliziak ez du atxiloketa gehiago baztertu.
Erasotzaileak abenduaren 22ko goizaldean sartu ziren Getxoko loteria-administrazioan. Bertan, alarma-sistema bertan behera utzi zuten eta bulegoko kutxa gotorra ireki zuten. Dirua eta 250.000 euro dezimotan eraman zituzten.
Madrilgo polizia-etxe bateko agenteek Madrilgo Erkidegoko hegoaldeko 50 bat administraziotan Getxoko administrazio batean saritutako dezimoak modu masiboan kobratzen ari zirela ikusi zuten.
Polizia-ikerketen arabera, Getxoko lapurretaren egileak Madrilgo Erkidegotik Bizkaira joandako talde espezializatu bateko kideak ziren. Azkenean, ustezko lapurrak identifikatu eta atxilotu zituzten, indarra erabiliz lapurreta egitea egotzita.
Albiste gehiago gizartea
Gizon bat atxilotu dute Portugaleteko taberna batean beste bati aizkoraz erasotzeagatik
Atzo 20:00etan gertatu zen erasoa. Biktimak zauriak ditu eskuetan eta bizkarrean.
Albiste izango dira: Saretzen txostena, PSNren krisia eta Errefuxiatuen Mundu Eguna
Gaurkoan albiste izango direnen laburpena, bi hitzetan.
Oñatiko Larraña Etxeak 20 nazionalitateko 100 errefuxiatu hartzen ditu
Zentroa kudeatzen duen Zehar-Errefuxiatuekin elkarteak salatu du Atzerritarrei buruzko Legearen Erregelamenduaren azken erreformak nazioarteko babesa eskatzen duten pertsonak "zigortzen" dituela. 3.000 pertsonak baino gehiagok eskatu dute nazioarteko babesa Euskadin aurten.
Bittor Arginzonizen Etxebarri erretegiak munduko bigarren jatetxe onena izaten jarraitzen du
Peruko Maido jatetxea munduko onena izendatu dute The World 's 50 Best Restaurants 2025 sarietan. Bestalde, Etxebarri erretegiko Mohamed Benabdallah aljeriarra munduko sommelier onena izendatu dute.
Abadia Saria jaso du Gure Zirkuak
Gure Zirkuak aurtengo Abadia Saria jaso du gaur arratsaldean, Arrateko gainean (Eibar) egindako ekitaldian, komunitate oso bati “elkarrekin euskaraz bizi eta sentitzeko plaza berritzailea” eskaintzeagatik. Eider Mendoza diputatu nagusiaren eskutik jaso dute Abadia Sariaren oroigarria –Iñigo Aristegui Telloren Zazpi Petaloak eskultura– Gure Zirkuko kideek.
Musika, nagusi: EAEko 10 kultur ekitalditatik hiru musikari lotutakoak dira
6.342 kontzerturekin, musika euskal agendan gehien agertzen den forma kultural gisa finkatu zen iaz. Ondoren antzerkia (4.239 ekitaldi) eta, urrunago, zinema/ikus-entzunezkoak (2.349) eta dantza (860).
EAEko kultur ekitaldien ia erdiak euskarazkoak edo elebidunak dira
2024an programatutako kultur ekitaldien % 32,8 euskara hutsean izan ziren, eta % 13,1 elebidunak, gaztelaniarekin edo beste hizkuntza batekin batera.
EAEko kultur sarea: bizia, baina asimetrikoa
2024an, ia 20.000 ekitaldi inguru erregistratu ziren hiru lurraldeetan, Kulturklik atariaren arabera. Beste era batera esanda: egunean, batez beste, 55 kultur saio izan ziren EAEko udalerrietan.
Kultur programazioa urte osoan zehar ereiten da EAEn, baina udazken-negua da sasoirik emankorrena
Orokorrean orekari eusten zaion arren, eskualdeen arteko aldeak egon badaude. Eremu batzuetan programazioa batik bat uda sasoira bideratzen dute, eta beste batzuetan, aldiz, ekitaldiak hilez hil sakabanatzen dituzte.
Beskoitzek ikastola berria izango du 2026-2027 ikasturtean
Egun dauden prefabrikatuetatik gertu, lursail bat erosi du Beskoitzeko Udalak eta bertako zati bat ikastolarentzat izango da. Herri Urratsen lortutako diruari esker eta Euskal Herri osotik iritsitako elkartasunari esker, Seaskak milioi bat euroko inbertsioa egingo du. Irailean lanak hasiko dira, eta hurrengo ikasturtean hasiko lirateke Beskoitze aldeko 50 haur inguru baldintza duinetan euskaraz ikasten.