Gasteizko Gaztetxean elkarretaratzea egin dute, urteurren jaialdian jasandako poliziaren "erasoa" salatzeko
Gasteizko Gaztetxean elkarretaratzea egin dute arratsalde honetan, horren urteurren jaialdia ospatzen ari zirela jasandako Udaltzaingoaren "erasoa" salatzeko.
Izan ere, Udaltzaingoak pertsona bat atxilotu du gaur arratsaldean, Gaztetxearen 35. urteurrena ospatzeko kontzertu baterako soinu-probak egiten ari zirela, "musika oso altuarekin eta edariak sartzen", Udalak EFEri jakinarazi dionez.
Gasteizko Alde Zaharreko Gaztetxeak kontzertua zuen aurreikusita gaur arratsalderako, 19:30ean, Sound Riders, Skabidean eta bi DJrekin.
Agenteak bertaratu dira, eta egiaztatu dute ez zuela baimenik prestatzen ari ziren kontzertua egiteko, ezta edariak emateko ere.
"Arratsaldeko 17:00ak pasata, Udaltzaingoaren hainbat patruila etorri dira Gaztetxeko atera, sartzeko asmoz. Kide bat hurbildu zaie eta, ustez, sartu ezin direla esan dielako bortxaz lurrera bota, jipoitu, eta atxilo eraman dute, arrazoirik eman gabe", adierazi dute Gaztetxetik, ohar batean. "Ordu gutxiren buruan askatu dute. Elkartasuna adierazten diogu atxilotutako kideari".
Indar polizialen jarrera "autoritario eta mehatxatzailea" salatzearekin batera, nabarmendu dute azkenaldian presentzia poliziala "areagotzen" ari dela Gasteizen, eta Alde Zaharrean bereziki.
Berretsi dute 35 urte daramatela "muinoko etxean Gasteizi eta Alde Zaharrari bizitza ematen, herri mugimenduen eta bizilagunen elkargune izaten, kontzertuak eta bestelako ekimen kulturalak antolatzen", eta urteurrena ospatzen jarraitu nahi dutela, "beti bezala, auzokideen deskantsua eta adostutako ordutegiak errespetatuz, elkar zainduz".
Hala, elkarretaratzea deitu dute 20:30etan, Gaztetxe parean. Ordu horretarako, Hala Bedik baieztatu du atxilotua aske zegoela dagoeneko.
Zure interesekoa izan daiteke
Olatu zuri gorriak Iruñea hartu du
Txupinazoarekin, lehertu da festa Iruñean eta ez du atsedenik hartuko datorren uztailaren 14ra arte. Urteroko ohiturei, gaur beste protagonista bat batu zaie: beroa. Festazaleek 40 graduko tenperaturekin abiatu dituzte 2026ko sanferminak.
?fmt=png-alpha&qlt=80)
Antzuola eta Urretxu artean piztutako baso-sutea kontrolpean dago
Gipuzkoako hiru parketako suhiltzaileak aritu dira Antzuolan 13:45ak aldera deklaratutako sutea itzaltzen. Sugarrak ordu batzuk geroago kontrolatu dituzte.
Kontrolatu dute Imarkoainen piztutako sutea
Lizarra, Azkoien eta Tafallako suhiltzaile etxeetako brigadek 15:30ak aldera lortu dute sutea kontrolpeak hartzea. Guztira 80 hektarea baino gehiago erre dira baso eta, batez ere, laborantza artean.
ELAk arreta euskaraz bermatzeko eskatu dio Osakidetzari
Oraindik hizkuntza ez dakiten langileak euskalduntzeko plana aldarrikatu du sindikatuak Osakidetzaren Gasteizko egoitzan.
Lesakako sanferminak hasi dira
Txupinaren jaurtiketak eman die hasiera Lesakako San Fermin jaiei astelehen honetan, 12:00etan. Jai-egitarauak 50 kultura-, kirol- eta jolas-jarduera baino gehiago biltzen ditu, datozen 6 eguneton burutuko direnak. Gaita jotzaileen, musika-banden eta txarangen ohiko soinuek herriko kaleak alaituko dituzte uztailaren 11ra arte, larunbata.
Arrautza frijituak, txistorra eta zapi gorria: Hasi da festa Iruñean
Urtero bezala, ohiko hamaiketakoak izaten dira uztailaren 6ko goizean, festei hasiera emateko zain. Mokadu sendoak beti ere, hau izango baita seguraski, eguneko otordu bakarra.
40 ikasleri ez diete, kautelaz, USaPen Euskarako nota zenbatuko
Auzitegiek arrazoia ematen ez badiete kasuaren funtsari buruz, nota horiek kontuan hartuko dira azkenean.
Asiron eta Chivite: "Jendeak asko goza dezala, baina errespetuz"
Joseba Asiron Iruñeko alkateak eta Maria Chivite Nafarroako presidenteak 2026ko sanferminetara hurbiltzeko deia egin diete herritarrei, jaiez eta hiriaz gozatzeko, baina "beti errespetuz".
Txistulari eta Gaiteroen Bandak dantzan jarri du Iruñeko Udaletxe plaza
Gaur eguerdian Iruñeko Udaletxeko plaza bete duten milaka pertsonek Txistulari eta Gaitarien Bandaren doinuekin dantzan egin ahal izan dute.
3I/ATLAS izarrarteko kometa "Eguzkia baino askoz zaharragoa" dela ondorioztatu du astronomo talde batek
Aztarna kimiko espezifikoak neurtuz iritsi dira ondorio horretara, eta segur aski Eguzki sistematik kanpo sortu zela ere uste dute. Izarrarteko kometak eguzki sistemaren kanpoan sortu eta noizean behin eguzki sisteman sartzen diren izoztutako objektuak dira.