Sexu-erasoen biktima izan diren emakumeen salaketak % 16 igo dira Euskadin
Guztira 131 emakumek salatu dute aurtengo lehen hiruhilekoan sexu-askatasunaren aurkako delitu baten biktima izan direla Euskadin, hau da, 2022ko aldi berean baino % 16 gehiagok, Emakunde-Emakumearen Euskal Erakundeak bildutako datuen arabera.
Delitu mota horren biktima diren emakumeen kopurua % 36 igo da Gipuzkoan (39 salaketa, 2022an; 53, aurten). Bizkaian % 3,3ko igoera izan da (60 eraso 2022an eta 62 urtebete geroago), eta Araban % 14,3ko hazkundea izan dute (14 kasu iazko urtarrila-martxoa bitartean, 16 lehen hiruhileko honetan).
Bikotekideak edo bikotekide ohiak eragindako indarkeriaren biktima izan diren emakumeen kopuruak ere igoera txiki bat izan du, % 0,3koa. Kopuru hori 899ra iritsi da aurten, hau da, aurreko urtean baino hiru gehiago.
Lurraldez lurralde, hazkunderik handiena Araban izan da (+% 11,3), 138 emakumeri eraso egin baitzaie, aurreko urtean baino 14 gehiago, emandako datuen arabera. Gipuzkoan, 265 emakumek jasan zuten bikotekidea edo bikotekide ohiaren biolentzia (-% 9,5); Bizkaian, berriz, % 3,5 igo zen erasoa jasan zuten emakumeen kopurua (479 emakume 2022an, eta 496 aurten).
Aitzitik, familia barruko indarkeria (biktimaren familia-inguruneak eragindakoa, bikotekideak edo bikotekide ohiak eragindakoa izan ezik) % 6 jaitsi da, urtarriletik martxora 233 emakumeri eraso egin baitzaie (aurreko urteko aldi berean 248ri). Guztira, 1.263 emakumek (192 Araban, 680 Bizkaian eta 391 Gipuzkoan) jasan zuten hiru indarkeria-mota horietako bat, 2022an baino % 0,5 gehiago.
Zure interesekoa izan daiteke
Lurrak dar-dar egiten jarraitzen du Granadan
Bart gauean intentsitate desberdineko sei astindu izan dira Granadan eta inguruko metropoli eremuan.
Amaia Galindez, portugaletetarra Granadan: "Urduritasuna eta beldurra nagusitu da hemen"
Granadako bizilagunen artean urduritasuna pil-pilean dago lurrikarak direla eta. Horixe kontatu digu Amaia Galindez portugaletetarrak, bertan bidaian dagoenak.
Eusko Jaurlaritzak ez ditu trafiko kontrolak egingo Oiartzunen, Irunek eskatu duen arren
Cristina Laborda Irungo alkateak "salbuespenezko neurriak" eskatu ditu, oporretatik itzuleran auto-ilarak errepikatuko direla aurreikusita. Hala ere, Ertzaintzak uste du kontrolak jartzeak auto-ilara gehiago eragin eta agenteak eta erabiltzaileak arriskuan jarriko lituzkeela.
Portu Zaharreko jaietan gutxienez hiru sexu-eraso salatu direla jakinarazi du Algortako Mugimendu Feministak
Uztailaren amaieran ospatu ziren San Inazio jaietan ere beste eraso bat izan zela gogoratu dute Getxoko feministek ohar batean.
ENBAk plan bat eskatu du baserri guztiak urez hornitu ahal izateko
Xabier Iraola nekazarien sindikatuko bozeramaileak zehaztu duenez, 5.000 baserri inguru daude Araban, Bizkaian eta Gipuzkoan ur-hornidurako sare publikotik kanpo. Udako lehorteen ondorioz, gero eta gehiago pairatzen dute ur-falta.
4,7ko beste lurrikara batek Granada astindu du, hiru zauritu eta Alhambra itxita utzita
Granadan 4,7ko indarreko beste lurrikara bat izan dute, eta hiru pertsona arin zauritu dira, tartean adin txikiko bat. Granadako Gojar herrian egon da epizentroa, baina Andaluziako beste lurraldeetan ere igarri da. Granadako monumentuak itxi egin behar izan dituzte badaezpada, Alhambra bera ere bai.
Epaileak 24 urteko espetxe-zigorra ezarri dio Nelson David Morenori, Bilbon 73 urteko gizon bat hiltzeagatik
Epaileak 22 urteko zigorra ezarri dio hilketa astunduagatik, eta beste bi urtekoa iruzur informatikoagatik. Laugarren kondena du, eta ikertzaileek uste dute 2021eko udazkenean hildako zazpi gizon homosexualen heriotzekin zerikusia duela.
Suhiltzaileak Urzainkin piztutako baso-sutea itzaltzeko lanean ari dira
Baso suteetarako Babes Zibileko Plan Bereziaren bigarren egoera operatiboa aktibatu du Nafarroako Gobernuak, ostiralean piztu zen sutea berpiztu ostean.
Llantenoko sutea egonkortuta dute eta zaintza- eta hozte-lanetan ari dira suhiltzaileak
Egoerak onera egin duen arren, puntu beroak daude oraindik eta lanean jarraitzen dute Gasteizko eta Espejoko suhiltzaileek. Aiarako Udalak herritarrei eskatu die ez gerturatzeko sute-eremura, suhiltzaileen lana ez oztopatzeko.
Eguzki eklipsearen ondoren, beste bat dator: ilargiarena, partziala, hilaren 28an
Joan den abuztuaren 12ko eguzki-eklipse osoaren ondoren, zeruak fenomeno astronomiko berri bat eskainiko du: abuztuaren 28ko gauean ilargiaren eklipse partziala ikusiko da, eta ilargiaren diskoaren % 93 estaliko du, gutxi gorabehera. Begi hutsez ikusi ahal izango da, instrumentazio berezirik gabe.