Bi urteko zigorra ezarri diote Bilboko saltzaile bati, ondare historikoko objektu bat saltzen saiatzeagatik
Bizkaiko Probintzia Auzitegiak bi urteko kartzela-zigorra ezarri dio antzinako objektuak eskaintzen dituen Bilboko denda bateko jabeari, ondare historikotzat hartutako eta berak beste pertsona bati 20 eurotan erositako objektu bat 800 euroren truke saltzen saiatzeagatik. Etxez aldatzen ari zirela, Erdi Aroko pieza hori etxebizitza batean aurkitu zuela ziurtatu zuen saltzaileak.
Pertsona horri ondare historikoaren aurkako delitu batean laguntzea leporatu diote, objektu hori legez kontra eskuratzeagatik, erabiltzeagatik eta ezkutatzeagatik.
Ebazpenean, epaileak frogatutzat ematen du 2019ko urriaren 19an pertsona batek hainbat objektu saldu zizkiola zigortutako gizonari, besteak beste, 25 zentimetroko luzeera eta 25 zentimetroko zabalera duen Erdi Aroko objektu bat.
Auzipetuak, "pieza horren originaltasuna eta ondare-balio garrantzitsua" onartu zituen, eta legez kanpoko jatorriaren jakitun bazen ere, salgai jarri zuen, "etekina lortzeko asmoz". Aurreneko saltzaileak, gainera, ez zion eman objektu horren legezko edukitzari buruzko informaziorik.
Hala, objektua salgai jarri zuen dendan, eta bere Facebookeko orrialdea ere erabili zuen helburu horrekin. Bertan, 800 euroren truke eskaini zuen, ondorengo testu honekin batera: "harriz egindako hileta-irudia. Bi aldeak eta ertza zizelkatuta. XII. mendekoa".
Epaiak nabarmentzen duenez, akusatuak ez zion ezer jakinarazi Bizkaiko Foru Aldundiari, eta pieza horrekin etekin ekonomikoa lortu nahi zuen. Aditu batek aztertuta, "balio historiko handiko ondasun arkeologikoa" dela egiaztatu zen.
Jabari publikoko objektua denez, zentro egoki batera eraman behar da, behar bezala identifikatzeko, dokumentatzeko, ikertzeko, kontserbatzeko eta babesteko. Testuinguru horretan, objektua konfiskatu dute jada, eta saltzaileari bi urteko kartzela-zigorra eta 2.160 euroko isuna ezarri dizkiote.
Zure interesekoa izan daiteke
Gizon bat atxilotu dute Sarrigurenen, emaztea hiltzea eta ama larri zauritzea egotzita
Gertakariak Eguesibarrean (Nafarroa) jazo dira, arratsaldeko 19:30ak aldera.
Gaizki aparkatzeagatik jarritako isunak egiazkoak direla ziurtatu du Hendaiako Herriko Etxeak
Bidasoa eskualdeko hainbat bizilaguni isunak kobratzeko posta bidez bidalitako gutunak iruzurra zirela zabaldu zuen ostegunean Eusko Jaurlaritzako Segurtasun Sailak.
11 urteko zigorra ezarri diote gizon bati Bizkaian, bikotekide ohiaren etxera baimen gabe sartu eta hura bortxatzeagatik
Bikotekideak izan ziren sei urtez, nahiz eta ez ziren elkarrekin bizi. 2021eko azaroan neskak amaitutzat eman zuen harremana. Gizonak, ordea, kontaktuan jarraitzeko eskatu zion, eta 2021eko azaroaren 22ko goizean emakumearen etxera sartu zen, haren baimenik gabe, eta bortxatu egin zuen.
Baskoniak ehunka zaleren babesa jasoko du Valentzian
Baskoniaren mila jarraitzaile inguru joan dira Valentziara 2026ko Errege Kopa dela eta. Eguraldia lagun, giroa ezin hobea da Baskoniako zaleen bilgunea den "Araba Etxean".
65 urtetik gorako pertsonen artean alkohol eta psikofarmakoen kontsumo handiaz ohartarazi du Eusko Jaurlaritzak
Osasun Publikoaren eta Adikzioen Zuzendaritzak egindako txosten batek agerian jarri duenez, EAEko gizonen ia % 40k egunero kontsumitzen dute alkohola, eta emakumeen artean gora egin du lo-eragileen eta lasaigarrien erabilerak.
8 urteko kartzela-zigorra Legorretan kontrako norabidean zihoala hiru pertsonaren heriotza eragin zuen gidariarentzat
Akusazioek eta defentsak akordioa adostu dute, eta akusatuak erruduna dela onartu du. Hori dela eta, ez da beharrezkoa epaiketarekin jarraitzea. Ostiral honetan Gipuzkoako Auzitegian egindako saioan, auzipetuak barkamena eskatu die biktimen sendiei, malko artean.
Bost pertsona atxilotu dituzte Iruñean, emakume etorkinak prostituitzera behartzeagatik
Emakumeak haien jatorrizko herrialdeetan erakartzen zituzten, “lan-kontratu erakargarriak” eskainiz; Nafarroara iritsitakoan, baina, mehatxatu egiten zieten eta prostituitzera behartzen zituzten.
Gizon batek 10 urteko semea hil du eta emaztea larri zauritu du bart Tenerifen
Guardia Zibilak tiroz hil du ustezko hiltzailea, agenteei matxete batekin mehatxatu ostean.
Aturri ibaiak gainezka egin du Baionan
Aturri ibaiak gainezka egin du ostegun honetan Baionan. Azken egunetan pilatu den euriak eta itsasgorak bat egin dutenean, goizeko zein arratsaldeko seiak bueltan, ibaia bere bidetik irten da. Goizean urak eragin dituen eragozpenak ikusita, arratsalderako Baionako Herriko Etxeak zentzuz jokatzeko eta ibai ingurura ez hurbiltzeko deia egin badu ere, azkenean ez da eragozpen nabarmenik egon.
Zabaldu dute Zumaia eta Getaria arteko errepidea, olatu handiengatik itxita egon ostean
Itsasgora izan den unean egon da itxita, Pedro denboraleak eragin dituen olatu handiengatik. Ostiral goizeko itsasgoraren garaian ere, 05:00etatik 07:00etara, 4 metro inguruko olatuek joko dutela itsas-bazterra espero da.