Euskadin kerik gabeko guneen sarea handituko dute, eta tabakorik gabeko 200 espaziotik gora egongo dira
Iaz Euskadin sortutako Kerik Gabeko Guneen Sarea % 45 hazi da, tabakorik gabeko 211 eremu izateraino.
Hala jakinarazi du Gotzone Sagardui Eusko Jaurlaritzako Osasun sailburuak, gaur, maiatzak 31, Tabakorik Gabeko Munduko Egunaren harira emandako prentsaurrekoan. Munduan saihestu daitekeen lehen heriotza kausa izaten jarraitzen duen ohitura horren ondorio kaltegarriez kontzientziatzea du helburu, herritarren osasunerako mehatxu handienetako bat baita, bai itxaropenari dagokionez, bai bizi-kalitateari dagokionez.
Iaz jarri zuen martxan ekimena Osasun Sailak, foru aldundiekin eta udalekin lankidetzan. Helburua, sailburuaren beraren hitzetan, "airea gehitzea eta kea kentzea" da. Kerik gabeko 144 gunerekin abiatu zen sarea, eta urtebete geroago Euskadi osoko 211 gunetara zabaldu da; besteak beste, hondartzetara, igerilekuetara, eskola inguruneetara, haur parkeetara, plazetara edo kirol inguruneetara.
Parte hartu duten udalerrien kopurua ere hazi da, jatorrizko 41 udalerrietatik gaur egungo 55 udalerrietara; 6 Araban, 35 Bizkaian eta 14 Gipuzkoan.
Kerik gabeko guneen mapa. Argazkia: Eusko Jaurlaritza
Tabakismoaren prebentzioa
Tabako kearen eta produktu eratorrien eraginpean inor ez egotea sustatzeaz gain, Eusko Jaurlaritzak eta Osakidetzak ohitura utzi nahi duten erretzaileei laguntzeko jarduerak bultzatzen dituzte gaur egun.
Osakidetzak hainbat bide ditu erretzeari uzten laguntzeko. Erabiliena banakako tratamendua da, eta, ondoren, talde-terapia, online; hala ere, 2022an gehien hazi zena aurrez aurreko talde-terapia izan zen.
Halaber, Osasun Sailak eta Osakidetzak zenbait gida argitaratuko dituzte tabakoaren edo erlazionatutako produktuen kontsumoa utzi nahi duten pertsonak motibatzeko eta laguntzeko.
Zure interesekoa izan daiteke
El Bocaleko pasaguneko ezbeharra gertatu aurretik, Poliziak 112ra deitzeko protokolorik zuen ala ez ikertzen ari da epailea
Agintariak, agenteak eta teknikariak deituko ditu deklaratzera, eta ikerketa-lerro bat abiatu du, materialen eta pasabidearen mantentze-lanen inguruan.
Erreskate ugari izan dira Aste Santuan euskal kostaldean
Jai egunak lausotzetik gertu izan diren egoerak bizi izan dira egunotan, eta erreskate ugari egin behar izan dira itsasoan, bai marearen igoerak ezustean harrapatu dituen pertsonenak, bai korronteek arrastan eramandako edo olatuek harrapatutako pertsonenak. Zorionez, ez da biktimarik izan.
25 eta 28 urteko bi gizon atxilotu dituzte Gasteizen, bikotekideari eta bikotekide ohiari eraso egitea egotzita
Gasteizko Udaltzaingoak pasa den ostegunean eta ostiralean egin zituen atxiloketak, astearte honetan jakitera eman duenez.
Martinezek esan du garrantzi handikoa dela ohitura osasungarriak izatea, osasunari eragiten dioten faktoreen % 50 baitira
Osasun sailburuak ariketa fisikoa egitera, elikadura zaintzera eta alkohol eta kalamu kontsumoa murriztera animatu ditu herritarrak, Osasunaren Nazioarteko Eguna dela eta.
Mugikorrak alboratu eta familiaz gozatzeko gonbita, apirilaren 18an, EAEko hiriburuetan
Eusko Jaurlaritzak antolatuta, Mugikorrik Gabeko Eguna Familian izango da Donostian, Bilbon eta Gasteizen. Familia inguruan teknologiaren erabilera kontzienteagoa sustatzea du helburu egitasmoak. “Ongizate emozionala zaintzeko eta senideekin egotearen balioa berreskuratzeko keinu txiki” gisa aurkeztu du Nerea Melgosa Ongizate, Gazteria eta Erronka Demografikoko sailburuak.
Bizkaitik Nafarroara droga eramaten zuen gaizkile sare bat desegin dute: lau lagun atxilotu eta 22 kilo speed atzeman dituzte
Ortuellako etxebizitza batetik Nafarroara banatzen zen, eta droga 76 urteko gizon batek garraiatzen zuen.
Manifestazioa deitu dute arratsalderako Berrizen, asteleheneko eraso matxista larria salatzeko
48 urteko gizonezkoa emaztea hiltzen saiatu zen Berrizen, eta emakumea helikopteroz eraman zuten Gurutzetako Ospitalera. Atxilotuak polizia-etxean jarraitzen du, epailearen aurrean deklaratzeko zain. Bestalde, Berangoko Udalak deituta, elkarretaratzea egingo dute arratsaldean Amaiaren hilketa salatzeko. Apirilaren 1ean bikotekideak hil omen zuen, Basaurin, baina berangoztarra zen.
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko astelehenak
Ezohiko itxura hartu du Pazko astelehenak. Eguraldi beroak hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.