Hezkuntza Batzordeak gaur helduko dio berriro Hezkuntza Legeari buruzko eztabaidari, adituen agerraldiekin
Euskal Hezkuntza Lege berriaren inguruko eztabaidak aurrera darrai eta lege hori eztabaidatzen duen Hezkuntza Batzordeak hitzorduz betea du astea. Adituen agerraldiekin jarraituko du eta horiek joan den apirilaren 25ean Eusko Jaurlaritzako Gobernu Kontseiluak onartutako testuari egiteko dituzten ekarpenak entzuteko aukera izango du.
Pasa den maiatzaren 23an hasi ziren Batzordeak eskatutako agerraldi horiek. Orduan, Hezkuntza Ikerketako Ebaluaziorako Euskal Erakundeko, Hezkuntza Saileko Ikuskaritzako, Hezkuntza Fakultateko eta Berritzeguneko ordezkariak izan ziren Legebiltzarrean, bai eta Arartekoa ere.
Agerraldi horiekin jarraitzeko, gaur hasi eta datorren astelehena bitartean, Batzordeak 40 erakunde eta adituren agerraldiak programatu ditu, besteak beste, unibertsitateena, sindikatuena, gurasoen elkarteena, ikastetxeen elkarteena eta hezkuntza-komunitatearen sarea osatzen duten kultura-, gizarte- eta pedagogia-eragileena. Era berean, Hezkuntza Batzordeak interesgarritzat jo du lege-proiektuaren testuari hainbat pertsonak egin diezazkioketen ekarpenak ezagutzea, filosofian, zuzenbidean, hezkuntza-ikerketan edo euskaran haiek duten eskarmentua kontuan hartuta.
Legebiltzarrean izango diren hainbat erakundek lege-proiektuari buruzko iritzia eman dute dagoeneko. Ikastolen Elkartearen kasuan, "aukera esanguratsuak biltzen dituen" eta egungo legea hobetzen duen testu "baliagarritzat" jo du, baina legearen zehaztasunik eza deitoratu du.
Hezkuntzan gehiengoa duen Steilas sindikatuak egungo testua hasierako espiritutik oso urrun dagoela adierazi du. Ainhoa Astigarraga sindikatuko bozeramailea oso kritiko agertu da aurreproiektuarekin; izan ere, bere ustez, "egungo hezkuntza sistema blindatzen du soilik", eta, horregatik, lege berri bat idaztearen alde agertu da.
Euskal Eskola Publikoaz Harro euskal eskola publikoaren aldeko plataformak errotik arbuiatu du lege-proiektua, bere ustez, "hezkuntza sistema publikoa ahultzen" duelako eta herritarrak protestan ateratzera deitu ditu, Euskadiko hiru hiriburuetan ekainaren 9an.
Eztabaida, alderdien artean
Gaur gaurkoz EAJ eta EH Bildu dira testuarekin ados dauden bakarrak, nahiz eta koalizio abertzalearen kasuan ñabardurak izan. Hori dela eta, lege proiektuari zuzenketa zehatz batzuk egingo dizkiola aurreratu du, "elementu batzuk hobetu daitezkeelako". Hala ere, "gainerako alderdi eta eragileekin adostasunak lortzeko prest" agertu da Eusko Legebiltzarrean.
Elkarrekin Podemos-IU koalizioa oso kritiko agertu da edukiarekin, eta dagoeneko iragarri du osoko zuzenketa aurkeztuko duela. Ezkerreko koalizioaren esanetan, proiektuak "kontzertazio unibertsala blindatzen du" eta "segregazioarekin amaitzeko konpromisoa falta zaio".
PSE-EEren eta EAJren artean ere badira "desadostasunak" nahiz eta bi alderdietako sailburuek osatzen duten Eusko Jaurlaritzak lege-proiektua onartu. Maria Jesus San Jose Hezkuntza Batzordeko bozeramaile sozialistak aste honetan bertan "argi utzi du" ez dutela babestuko hizkuntza ofizialetako bat "baztertzen" duen araurik.
PP eta Vox, berriz, proiektuaren aurka agertu dira, besteak beste, euskara gaztelaniaren aurretik jartzen duelako.
Albiste gehiago gizartea
Auto-ilara luzeak sortu dira A-8 autobidean, Malmasinen, Donostiarako noranzkoan
Hiru ibilgailuren arteko istripua izan da tunelaren barruan, eta errei bat itxi dute.
Xabiertxok, 100 urte: "Uste dut gaur egungo hezkuntzak garai hartako ekosistema euskaltzale hori behar duela"
Duela 100 urte argitaratu zuen Ixaka Lopez Mendizabal tolosarrak “Xabiertxo”, haurrei euskaraz irakurtzen irakasteko liburua. Haritz Azurmendi Jakin Fundazioko kidea aritu da mendeurrenaren ospakizuna prestatzeko lanetan, eta liburuari buruzko bitxikeriak azaltzeaz gain, Xabiertxok Euskal Herriari egin dion ekarpenaren inguruan mintzatu da.
Milaka herritar atera dira kalera Palestinaren alde
Gazarako Mugimendu Globala Euskal Herriak deituta, Iruñean 18:30ean abiatu da manifestazio nagusia Merindadeen plazatik, eta Donostian, Gasteizen eta Bilbon, 19:00etan. Halaber, unibertsitateko ikasleek manifestazioak egin dituzte 12:00etan euskal hiriburuetan.
ES-Alert ohartarazpen sistema probatu du SOS Deiak zerbitzuak Balmasedan
Balmasedan zeuden mugikorrek ohartarazpen mezu bat jaso dute. Sistema honekin jakinaraziko zaio gizarteari hondamendiren baten arriskua. Balmasedan egindako probarekin eraginkortasun-maila ezagutu nahi izan da, behar izanez gero hobetu ahal izateko. Soinua entzun ondoren, euskaraz, gaztelaniaz eta ingelesez idatzitako mezu bat jaso dute gailuetan, probaren berri emanez.
Berriro gelditu dira Gatika eta Capbreton arteko interkonexio elektrikoko itsaspeko kablearen obrak, Butroe ibaian isuria izan da eta
URA agentziak zehapen-espedientea ireki du Red Electricaren aurka, eta Gatika inguruan egiten ari ziren zulaketa-lanetako bat geldiaraztera behartu du, Butroe ibaiko erreka batean isurketa izan delako. Toxikotzat hartzen ez den substantzia bat isuri da, bentonita, baina ekosistemari kalte egiten dio.
Hasi da gripearen aurkako txertaketa-kanpaina, eta 75 urtetik gorakoei txerto indartua jarriko diete
"Zu zara funtsezko pieza gripea saihesteko. Jarri txertoa" lelopean, Osakidetzak hitzordua eskatzeko deia egin die pertsona zaurgarriei. Astelehenean hasiko dira txertatzen. Kalteberatzat jo ez dituztenek azarora arte itxaron beharko dute txertoa hartu ahal izateko.
Palestinarekin Elkartasuna plataformak Sumud Flotillaren aurkako erasoa kaleetan salatzeko deia egin die euskal herritarrei
Plataformaren ustez, "ezinbestekoa da Israelen eta mendebaldeko konplizeen aurkako mobilizazioa eta borroka bultzatzen jarraitzea", eta bat egiten du Gazarako Mugimendu Globalak Euskal Herriko hiriburu eta udalerrietan egindako deialdiekin.
Renfek erabat berrezariko du Bilbo eta Santurtzi arteko larunbat eta igandeetako tren-zirkulazioa
Aste barruan, trenak ohiko ordutegiaren % 50eko maiztasunarekin dabiltza, behin-behinean, aldaketarik iragarri bitartean.
Elhuyarrek sei hizkuntzatan automatikoki bikoizteko plataforma sortu du
Elhuyar Fundazioak Euskal Herriko lehenengo bikoizketa automatikoko plataforma sortu eta martxan jarri du. Erreminta honekin ikus-entzunezko eduki bat sei hizkuntzatan (euskara, gaztelania, frantsesa, ingelesa, galiziera eta katalana) bikoiztu daiteke eta jatorrizko ahotsak imitatzeko aukera ematen du. Tresna berria Aditu plataforman integratu da. Horrela, plataforma hau azpitituluak sortzeko plataforma izatetik automatikoki bikoizteko aukera ematera igaro da.
Bingen Zupiriaren arabera, segurtasunaren arloan "hainbat gertakari larri" izan dira aurten euskal gizartean
Bingen Zupiria Eusko Jaurlaritzako Segurtasun sailburuak ohartarazi duenez, "arazo sozial oso garrantzitsua" dago, urtarriletik abuztura 10 hilketa izan baitira Euskadin, bai eta emakumeen aurkako "hainbat motatako eraso asko" ere. Gainera, nabarmendu duenez, Euskadin "arma zuriak erabiltzera ohituta dauden eta gatazka asko sortzen dituzten pertsonak" egon badaudela "egiaztatu" ahal izan dute.