Bilbok BiziTour familiarteko bizikleta jaiaren azken etapa hartuko du igande honetan
BiziTour familiarteko bizikleta ekitaldiaren hirugarren eta azken geldialdia Bilbon egingo da igande honetan, Donostiatik eta Gasteiztik igaro ondoren, 2023ko Frantziako Tourreko Grand Depart Pays Basque jai handiari ongietorria emateko helburuarekin. Bilbon, bi ibilbide prestatu dituzte, bata laburra (4 kilometro) eta bestea luzea (12 kilometro).
Antolatzaileek nabarmendu dutenez, igande honetan Bilbon "familia guztiak ibilbideaz modu ludikoan parte hartzera gonbidatuta daude. Guztiok egiteko moduko ibilbidea da, jai giroan, txirrindularitzaren kultura eta mugikortasun jasangarria sustatzeko helburuarekin".
BiziTour bizikletaz egiteko txango seguru eta babestua izango da, guztiontzako modukoa, familian ibilgailuentzat itxitako kaleetan barna gozatzeko. Bilboko BiziTourraren irteera 12:00etan izango da Areatzako aterpeetatik eta animazio jarduerez gain, zozketak egingo dira eta opariak banatuko dituzte.
"Gure lurralde bizikleta zalea aldarrikatu eta bi gurpil gainean mundu mailan erreferente den ekitaldiari, Frantziako Tourrari, ongietorria emateko ospakizuna. Euskal gizarte osoari Grand Depart Pays Basque hurbiltzeko modu atsegin, abegitsu, erraz eta parte-hartzailea eta, bide batez, bizikletaren erabilera sustatu eta EAEn barna igaroko diren etapen zirrara aurrez ekartzeko abagunea", gaineratu dute antolatzaileek.
Bestalde, antolatzaileek iragarri dute "Bizitour Bilbao" familiarteko bizikleta ibilbide honek aldaketak eragingo dituela trafikoan igandean, 11:30etik 13:30era, gutxi gorabehera. Era berean, probak eragina izango du Bilbobusen zenbait linearen ibilbide eta ordutegian.
Lasterketa Areatzako aterpeetatik abiatu, eta han izango du helmuga. Igaro ahala, hiriko zenbait kaletan eragingo du. Trafikoa Udaltzaingoak eta antolakuntzako kideek antolatuko dute.
Ibilbide laburrak (4 Km) kale hauei eragingo die:
Areatzako aterpeak - Epaltzaren alarguna - Areatza - Areatzako zubia - Nafarroa - Kale Nagusia - Moyua plaza - Elkano - Museoa plaza - Euskadi plaza - Deustuko zubia - Agirre anaiak - Unibertsitate etorbidea - Campo Volantin pasealekua - Areatzako aterpeak (12:00etan iritsiko dira, gutxi gorabehera).
Ibilbide luzeak (12km), ondorengo kaleetan izango du eragina:
Areatzako aterpeak - Epaltzaren alarguna - Areatza - Areatzako zubia - Nafarroa - Plaza Biribila - Kale Nagusia - Moyua plaza - Elkano - Museoa plaza - Euskadi Plaza - Deustuko zubia - San Pio X. plaza - Agirre Lehendakaria - Benidorm - Celestino María del Arenal plaza - Orixe - Tellaetxebidea - Elorrieta erribera - Zarandoa etorbidea - Morgan - Madariaga etorbidea - San Felicísimo plaza - Familia Santua - Agirre Lehendakaria - San Pío X. plaza - Deustuko zubia - Museo plaza - Máximo Aguirre - Kale Nagusia - Nafarroa - Areatzako zubia - Areatza - Epaltzaren alarguna - Areatzako aterpeak (13:30ean iritsiko dira, gutxi gorabehera).
Albiste gehiago gizartea
Adunako prostituzio-etxe bateko arduraduna atxilotu dute, sexu esplotazioa eta sexu eraso baten saiakera leporatuta
Lokaleko langileetako batek tratu umiliagarria jasan zuela eta drogak kontsumitzera behartu zutela salatu zuen, besteak beste.
Elkar argitaletxeak erabaki du Igartza bekarekin ez jarraitzea, CAFek Israelekin duen lotura dela eta
Saioa Alkaiza bertsolari eta idazleak sariari uko egin eta hamar egunera iritsi da Elkarren erabakia. “Palestinar herriaren kontra gauzatzen ari den genozidioan CAFek duen inplikazioa" salatu zuen sortzaile iruindarrak.
Donostian izandako azken sexu erasoa salatzeko bilkura egin dute hiriko udaletxe atarian
45 urteko gizon bat atxilotu dute joan den ostiralean emakume batek jasandako sexu-erasoaren egilea izatea egotzita. Emakumeak ertzain-etxean salatu zuenez, gizonak sexu-erasoa egiteaz gain, zer egiten zuen eta norekin zegoen kontrolatzen zuen, eta lagunak ikustea debekatzen zion.
Euskal Sagardoak 2025eko sagar-uzta aurkeztu du Altzon
Aurtengoa sagar urtea dela ziurtatu dute, eta azken urtean bildutako sagar kopurua bikoiztea espero dute. Iaz ez bezala, aurtengo sagar uztak itxura oso ona du.
Osakidetzak 48 urtera zabalduko du bularreko minbizia detektatzeko baheketa
Osakidetzako Protonterapia Unitate berriaren obrak bisitatu ditu Imanol Pradales lehendakariak, eta bertan egin du iragarpena.
Bilboko hilketagatik atxilotutakoak ez dira indarkeriazko taldeetako kideak, Ertzaintzako buruaren arabera
"Etxerako bidean elkar ezagutzen ez zuten bi gazte taldekoak ziren" hiru atxilotuak eta hildakoa. Dirudienez, elkarri irainka hasi ziren, eta azkenean liskarra gertatu zen. Ertzaintzaren buruak errefusatu du atxilotuek talde edo indarkeriazko taldeekin lotura dutenik.
Urolako eta Goierriko adingabeen odolean konposatu kimikoak daudela baieztatu dute
EHUren azterketa batek ondorioztatu du adin txikikoetan aurkitutako PFAS konposatu kimikoen mailek ez dutela arrisku larririk eragiten osasunerako, baina zaintza indartzeko premia ohartarazi du.
Espainiako Gobernua Gasteizko errefuxiatuen zentroaren edukiera murrizteko proposamenaren "bideragarritasuna" aztertzen ari da
Gobernuak Euskadin duen ordezkaria "bat dator" eta "ulertzen du" baliabide horretako plazak 350etik 200era murrizteko Maider Etxebarria Gasteizko alkateak egindako eskaera.
Bilbon lurreratzekoak ziren zazpi hegazkin beste aireportuetara bideratu behar izan dituzte, lainoagatik
Madriletik, Alacantetik, Basileatik, Bartzelonatik, Vienatik eta Paristik goizeko lehen orduko zetozen hegaldiak Santanderrera bideratu dituzte. Horietako bat Madrilera itzuli behar izan da, eta beste bat Zaragozara bidali dute. Loiuko aireportuan zabaldutako laino mardulagatik gertatu dira gorabeherak.
Sute batek Renfeko aldirietako tren-zirkulazioa etenarazi du Santurtzin, Peñotako geltokian
Bestalde, sutearen ondorioz, Bilbo eta Santurtzi arteko tentsio elektrikoa kaltetu da, eta horrek atzerapenak eragin ditu C1 eta C2 lineetan.