Gaur arratsalde-gau partean ekaitzak eta zaparrada gogorrak espero dira berriro
Euskalmet Euskal Meteorologia Agentziak iragarri duenez, asteazken goizean zaparrada txikiak botako ditu isurialde atlantikoan; arratsalde-gau partean, berriz, trumoi-ekaitzak eta zaparrada handiak.
Horrela, gaur Euskal Herrian eguraldi goibela izango da, hodei baxu ugarirekin, eta tenperatura maximoak 24 gradutik beherakoak izango dira.
Egunaren lehen partean, zaparrada batzuk botako ditu han-hemenka, batez ere isurialde atlantikoan. Bigarren zatian, berriz, zaparrada trumoitsuak botako ditu berriro, eta mardulak izan daitezke.
Iparraldeko haizea nagusituko da, baina hegoaldean ekialdetik joko du tarteka. Tenperaturari dagokionez, maximoak gradu pare bat jaits daitezke, 24 gradu gainditu gabe, eta minimoak, berriz, 14 eta 18 gradu artekoak izango dira.
Bitartean, Zumaian atzo goizeko harri-jasak eragin zituen kalteak zenbatzen jarraitzen dute; izan ere, autoen beirak, eraikinetako erretenak, teilatuak eta argizuloak zulatu zituen. Gainera, pertsona batzuk osasun-zentroan artatu behar izan zituzten, buruan, lepoan edo gorputz-adarretan zauriak eta kolpeak zituztelako.
Iñaki Ostolaza Zumaiako alkateak EITBri egindako adierazpenetan baieztatu zuen harri-jasak kalteak eragin zituela teilatuetan eta autoetan, eta adierazi zuen jabeek orain euren aseguruekin egin beharko dutela ebaluazioa.
Ildo horretan, Udalak kalteak ebaluatuko dituela eta hondamendi eremu izenda dezaten egin beharreko urratsak aztertzen ari dela adierazi zuen.
Bestalde, Zumaiako udal talde sozialistako bozeramaile Duñike Agirrezabalaga alkatearen esanetara jarri zen. Ostolazarekin telefonoz hitz egin zuen astearteko "ekaitzak eragindako hondamendien balantzea bertatik bertara ezagutzeko", eta Zumaiako sozialisten "elkartasuna" helarazi zion, "udalerriak larrialdia deklaratzeko hartzen dituen erabakietan lagundu baitezake", eta horrek "aseguruen aurrean pertsonei estaldura eman diezaieke".
Ipar Euskal Herrian, txingorra egin zuen atzo arratsaldean Itsasu, Ezpeleta, Kanbo eta Hazparne udalerrietan, bertako hedabideek jakinarazi dutenez. Harri-jasak kalteak egin zituen udalerri horietako eremu batzuetan ere.
Albiste gehiago gizartea
Bi aktibista Kursaaleko zubitik zintzilikatu dira, Palestinaren aldeko manifestazio jendetsuaren ostean
Zinemaldiak eskaintzen duen foku mediatikoa aprobetxatuz, milaka pertsonak manifestazioa egin dute gaur arratsaldean Gipuzkoako hiriburuan. Amaieran, bi ekintzaile Kursaaleko zubitik zintzilikatu dira eta ordubetez baino gehiagoz eten dute trafikoa zubian, bai ibilgailuentzat, bai oinezkoentzat.
Bi ekintzaile Zurriolako zubitik zintzilikatu dira Donostian, Palestinaren alde egin duten manifestazioan
3.000 lagun bildu dira Gipuzkoako hiriburuan Gazan gertatzen ari den genozidioaren aurkako manifestazioan, Zinemaldiaren bigarren egunean. 19:30ean, bi ekintzaile Zurriolako zubitik zintzilikatu dira, eta dozenaka lagunek Kursaaleko zubia moztu dute bai ibilgailuentzat bai oinezkoentzat.
Esako urtegia bere edukieraren % 23an dago, azken urteetako mailarik txikienean
Nafarroako urtegiak edukieraren % 41ean daude batez beste. Esan, ostera, egoera bereziki zaila da. Urtegiko irudiak, drone batekin grabatuak.
Euskararen aldeko giza kate historikoa egin dute Igorren
700 lagunek baino gehiagok euskararen aldeko giza kate historikoa egin dute Igorren (Arratia). Arratiarrek gure hizkuntzaren aldeko irudi sinboliko zirraragarri eta indartsua osatu dute.
'Ibaitik Itsasora' martxa Hendaian amaitu da, Euskal Herrian zehar palestinar herriaren alde ibili ondoren
Ehunka pertsonak "genozidioa amaitzeko" eta "Israeli boikota egiteko" eskatu dute lau orduz Hendaiako kaleetan, eta "Europaren konplizitatea" salatu dute.
20 urteko gizon bat atxilotu dute Barakaldon, polizia-patruila bat jo, agente bati ukabilkada eman eta ihes egiteagatik
Ohe baten azpian eta poltsa batzuekin estalita aurkitu zuten ertzainek. Atxilotuak polizia-aurrekari ugari ditu, eta bikotekide ohiarengana hurbiltzea debekatzen zion kautelazko neurri bat urratu zuen ostegunean.
AP-1 autobidea itxi dute Eskoriatzan, Gasteizko noranzkoan, furgoneta batek eta kamioi batek talka egin ondoren
Istripua 08:50ean jazo da. Bertaratu diren osasun langileek furgoneta gidaria artatu behar izan dute, eta Txagorritxuko Ospitalera eraman dute.
DBHko eta LHko irakasleentzako LEP handia egiten ari dira BECen
Urduritasuna eta ilusioa nagusi izan dira larunbat honetan, azterketak hastean. Guztira, 1.268 lanpostu eskainiko dira Bigarren Hezkuntzako eta Lanbide Heziketako irakasleen artean, eta bitarteko langileen tasa % 4ra murriztuko da.
Osakidetzak irailaren 24ko Mahai Sektorialean proposatuko du lehen mailako arretan psikologoak jartzea
Alberto Martinez Osasun sailburuak iragarri du Saila aztertzen ari dela beste LEP berezi bat deitzea betetzen zailak diren lanpostuetarako.
Auto baten gidaria hil da Gasteizen, kamioi baten aurka talka eginda
Ezbeharra bart gauean gertatu da, Lopidako zerbitzugunean, autoak aparkatuta zegoen kamioi bat jo zuenean.