Hondamendi eremu izendapena eskatzea aztertzen ari dira Zumaian, harri-erauntsiak egindako kalteengatik
Zumaiako Udala (Gipuzkoa) herria hondamendi eremu izendatzea eskatzeko aukera aztertzen ari da, fenomeno natural batek kaltetu duelako.
09:00etan hasi da harri-erauntsia Zumaian, eta bost minuturen buruan kalteak eta zuloak egin ditu parean aurkitu duen guztian.
Golfeko piloten tamainako harriak gogor jo du, eta ezin konta arrasto utzi ditu ibilgailuetan, teilatu-erretenetan eta argizuloetan. Ibilgailu batzuk konpontzera eraman dituzte, eta inguruko aseguru-etxe eta karrozeriak lan handia egiteko prestatzen ari dira.
Fenomenoak hainbat zumaiar zauritu ditu, eta beirak mailatu eta apurtu ditu kalean aparkatuta zeuden autoetan. Horrez gain, erretenak eta teilatuak hondatu ditu. Udaltzaingoaren iturriek jakitera eman dutenez, harri-jasa, bospasei minutuz, "izugarria" izan da, txingor handiekin.
Duñike Agirrezabalaga Zumaiako PSE-EEko bozeramaileak ohar batean adierazi duenez, txingorrak "zauritu ugari" eragin ditu, eta horietako batzuk "osasun zentroan artatu behar izan dituzte, buruan, lepoan eta gorputz-adarretan zauriak eta kolpeak zituztelako".
"Gaur goizeko txingorra bezalako gertakari bat ez dut inoiz Zumaian bizi izan", azaldu du zinegotzi sozialistak. Agirrezabalaga Iñaki Ostolaza (EH Bildu) alkatearekin harremanetan jarri da ekaitzak eragindako "hondamenen" balantzea ezagutzeko, eta bere babesa helarazi dio udalerriak "larrialdia eremu izendatzeko", horrek "aseguruek pertsonei estaldura ematea erraztuko lukeelako".
Bestalde, Zornotzan (Bizkaia), Murgian (Araba) eta Altzolan (Gipuzkoa) metro karratuko 12 litro bota ditu hamar minutu eskasetan. Itziarren, Elgoibarren eta Mendaron (Gipuzkoa) ere txingorra bota du. Eibarren, Bilbon, Durangon eta Mañarian ere euria gogoz egin du.
Ipar Euskal Herrian, txingorra bota du gaur arratsaldean Itsasu, Ezpeleta, Kanbo eta Hazparnen (Lapurdi), bertako hedabideek jakinarazi dutenez. Harri-jasak udalerri horietako eremu batzuetan ere izan du eragina.
Era berean, ekaitzek Nafarroako eremu zabalak astindu dituzte Etxlar, Lesaka, Bera eta Estellerrian.
Era berean, azken orduetan Euskal Autonomia Erkidegoan (EAE) izan diren prezipitazio iraunkorrek, esaterako, 28,8 litro ur utzi dituzte metro koadroko ordubetean Guardian (Araba), Euskalmet Euskal Meteorologia Agentziak Paganosko estazioan bildu dituen datuen arabera.
Halaber, atzo gauean 15,1 litro ur pilatu ziren metro koadroko ordubetean Navarreteko estazioan, Bernedo udalerrian (Araba).
Ez da aldaketa handirik espero datozen egunetan
Asteazkenean, giro euritsua nagusituko da, behe-hodei dezenterekin. Goizean, han-hemenka zaparrada batzuk botako ditu, batez ere isurialde atlantikoan. Arratsaldean, ekaitzak joko du eta zaparrada mardulak bota ditzake. Iparraldeko haizea nagusi, hegoaldean ekialdetik joko du tarteka. Tenperaturan, ez da gorabehera handirik izango; hegoaldeko maximoak gradu pare bat alda daitezke.
Ostegun arratsaldean, eguraldiak egonkortzera egingo du. Goizean, giroa nahiko berdintsua izango da, bereziki isurialde atlantikoan, eta zaparrada batzuk bota ditzake bertan, baina atertzera joko du eta ostarteak agertuko dira arratsaldean. Ipar-mendebaldeko haizea ibiliko da, eta tenperatura maximoek berdintsu jarraituko dute edo apur bat egingo dute gora.
Zure interesekoa izan daiteke
Aita Santua protagonista, Bernabeu futbol zelaian egin duten ekitaldi jendetsuan
70.000 lagun bildu ditu Leon XIV.ak Santiago Bernabeu futbol zelaian, Madrilgo Elizbarrutiko Elizekin egindako topaketan. Christian Galvez eta Patricia Pardok aurkeztuta, David Bustamante, Daniel Diges eta Diana Navarroren musikaz, magiako ikuskizu batez eta Santi Rodriguezen umorezko monologoaz gozatu dute, besteak beste.
Bost gizonezko atxilotu dituzte Abanto-Zierbenan, Gallartako festetan beste bati erasotzeagatik
Erasoa joan den larunbateko 05:00ak aldera gertatu zen. Atxilotuetako hiru adingabeak dira.
Sexu abusuen biktima izan diren 6 pertsonarekin bildu da aita santua, ordubetez
Vatikanoko prentsa bulegoak jakinarazi duenez, aita santuak hitzeman die kontuan hartuko dituela jasotako proposamenak "etorkizuneko ahaleginetarako oinarri izan daitezen eta Eliza benetan leku segurua izan dadin".
EHUko Uda Ikastaroen 45. edizioak ezagutza partekatua, zaintza eta berrikuntza izango ditu ardatz
Astelehen honetan aurkeztu den programa ekainaren 30ean hasiko da, eta 133 prestakuntza-ziklo eta 29 tailer eskainiko ditu.
Baionako gotzainak Urruñako erretorea baztertu du adingabe batek sexu-abusu salaketa jarri diolako
Marc Ailletek Baionako elizbarrutian apaiz gisa jardutea debekatu dio Xavier Zabaletari, Besiers herrian adingabe bati ustez egindako abusuen salaketa baten berri izan ostean. Zabaletak ukatu egin ditu akusazioak.
Eskisabel: "Norbanakoen esku utzita, nekez egingo du aurrera euskarak; baldintza politikoak behar dira"
Larunbatean Iruñean egingo den Euskaltzaleen Martxaren atarian, Idurre Eskisabel Euskalgintzako Kontseiluko idazkari nagusia itxaropentsu mintzatu da, eta ekitaldi jendetsua izatea aurreikusten dutela ziurtatu du. Herritarren inplikazioa eskatzeko ez ezik, agintariei mezu zuzena helarazteko ere baliatuko dute hitzordua. Euskaraz bizitzeko eskubidea bermatzeko, baldintza sozialak, politikoak, kulturalak eta materialak behar direla aldarrikatuko dute.
Larunbatean Iruñeko kaleak euskaltzalez betetzeko azken deia egin du Kontseiluak
Nafarroako hiriburuko kaleak zeharkatuko dituzten hiru zutabeen pankarten diseinuak eta egileak iragarri dituzte, hain zuzen ere, gaurkoan. Hartara, zutabeen hasieran, gizarte zibileko hiru kolektibok botako dituzte pregoiak eta txupinazoa: Azterketak Euskaraz mugimenduak, euskarazko eduki sortzaileek, eta Batuz Aldatuko talde eragileak.
25 urteko kartzela zigorra berretsi du Auzitegi Gorenak Nelson David Morenorentzat, hilketa, lapurreta eta iruzurra egotzita
Bizkaiko Auzitegiak eta, ondoren, Euskal Autonomia Erkidegoko Auzitegi Nagusiak errudun jo zuten Nelson David Moreno, eta gaur, astelehenarekin, Auzitegi Gorenak gaitzetsi egin du akusatuaren defentsak epaiaren aurka jarritako kasazio errekurtsoa.
Leon XIV.a aita santuak migratzaileei babesa, harrera eta integraziorako benetako aukerak ematea eskatu du
Historian lehen aldiz, aita santu batek hitzaldia eman du Espainiako Kongresuan. Besteak beste, abortuaren eta eutanasiaren kontra hitz egin du, estatuen berrarmatzea salatu eta aurkaria deskalifikatzea kritikatu.
Espainiako Gobernuak preskripzio epea zabaltzeko legea blokeatu duela salatu dute Elizaren abusuen biktimek
Reparacion Integral Ya (RIYA) elkarteak Leon XIV.a aita santuari eskatu dio pederastia delituen preskripzio epeak luzatzearen alde egiteko. Halaber, Felix Bolaños Presidentetzarako eta Memoria Demokratikorako ministroak Kongresuan agerraldia egin dezala eskatzeko galdegin die talde parlamentarioei.