Uztailaren 1eko arratsaldean hasiko dira Tourrak eragindako aldaketak Donostian, eta 3ra arte luzatuko dira
Uztailaren 1eko arratsaldean hasiko dira Tourraren eraginak Donostian, eta hilaren 3ra arte luzatuko dira.
Larunbatetik aurrera, Zurriola etorbidea trafikoari moztuko zaio, helmugako arkua muntatzeko eta puntu horretan amaituko den etapako podiuma egiteko, Donostiako Udalak jakitera eman duenez.
Sagueseko eta Pasealeku Berriko itxierak uztailaren 1eko 18:00etatik hasi eta uztailaren 2ko 23:00ak aldera amaituko dira.
Saguesen Tourraren gune teknikoa kokatuko da, eta 80 kamioi baino gehiago jarriko dira bertan; Pasealeku Berrian, berriz, lasterketako teknikarien atseden hartzeko gunea egongo da, besteak beste, horiek arduratzen baitira helmuga instalatzeaz eta desmuntatzeaz.
Hilaren 2an, Tourraren etapa, Gasteiztik irteten dena, Zurriola etorbideko helmugan amaituko da, hirian zehar 4,8 kilometroko ibilbidea egin ondoren.
Egun horretan, txirrindulariak Buenavista etorbidetik sartuko dira Donostiara, Mirakruz gainetik, Ategorrietatik eta Nafarroa etorbidetik igaro eta Zurriolan amaitzeko.
Hori dela eta, kale horiez gain, Argentinako Errepublika, Boulevard, Miramar eta Askatasunaren Hiribidearen arteko eremu guztia itxita egongo da.
Igeldoko igoera igandeko 18:00etan itxiko da, Tourra igaroko den lekutik, inguruan ibilgailurik ez pilatzeko. Hala ere, kanpineko bizilagunak eta bezeroak hurrengo eguneko 10:30ak arte igaro ahal izango dira.
Hilaren 3ko etapak hiria zeharkatuko du, Orioko Bentatik Igeldora sartuz, Antigua, Erdialdea eta Grosetik igarotzeko, Pasaiarako noranzkoan.
Zure interesekoa izan daiteke
Mugikorrak alboratu eta familiaz gozatzeko gonbita, apirilaren 18an, EAEko hiriburuetan
Eusko Jaurlaritzak antolatuta, Familian Mugikorrik Gabeko Eguna ospatuko dute Donostian, Bilbon eta Gasteizen. Familietan teknologiaren erabilera kontzienteagoa sustatzea du helburu egitasmoak. “Ongizate emozionala zaintzeko eta denbora partekatuaren balioa berreskuratzeko keinu txiki” gisa aurkeztu du Nerea Melgosa Ongizate, Gazteria eta Erronka Demografikoko sailburuak.
Bizkaitik Nafarroara droga eramaten zuen gaizkile sare bat desegin dute: lau lagun atxilotu eta 22 kilo speed atzeman dituzte
Ortuellako etxebizitza batetik Nafarroara banatzen zen, eta droga garraiatzeko arduraduna 76 urteko gizon bat zen.
Manifestazioa deitu dute arratsalderako Berrizen, asteleheneko eraso matxista larria salatzeko
48 urteko gizonezkoa emaztea hiltzen saiatu zen Berrizen, eta emakumea helikopteroz eraman zuten Gurutzetako Ospitalera. Atxilotuak polizia-etxean jarraitzen du, epailearen aurrean deklaratzeko zain. Bestalde, Berangoko Udalak deituta, elkarretaratzea egingo dute arratsaldean Amaiaren hilketa salatzeko. Apirilaren 1ean bikotekideak hil omen zuen, Basaurin, baina berangoztarra zen.
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko astelehenak
Ezohiko itxura hartu du Pazko astelehenak. Eguraldi beroak hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.
Gizon bat atxilotu dute, Berrizen, emaztea labankadaz larri zauritzeagatik
Gertatutakoa salatzeko, Berrizko Mugimendu Feministak manifestazio zaratatsua deitu du biharko, arratsaldeko 18:30ean, Udaletxe paretik abiatuta.
Aske geratu dira Gasteizen adingabe bat sastatzea leporatuta atxilotutako zazpi gazteak
Asteburuan epailearen aurretik igaro ostean, guztiak utzi dituzte libre, azken biak igandean, Segurtasun Sailak jakinarazi duenez.
Eusko Jaurlaritzak 'Ttipi Ttapa' gida aurkeztu du, oinez egitea osasun eta kohesio sozialerako tresna bihurtzeko
Osasun Sailak udalerrien eskura jarri du jarduera fisikoa eta harreman sozialak sustatzeko gida praktikoa. Ekimenak ongizate fisiko eta emozionala hobetzea eta komunitateak indartzea du helburu.