1.456 viagra-pilula eta sexu grina indartzeko 4 potetxo antzeman dituzte Bilboko aireportuan
Guardia Zibilak, Aduanako funtzionarioekin batera, 1.456 sildenafilo pilula (viagra) eta sexu grina indartzeko 4 potetxo atzeman dituzte Bilboko aireportuan, egun berean egindako hiru esku-hartzetan.
Bizkaiko Komandantziak ohar baten bidez jakinarazi duenez, ekainaren 20an aireportura zihoazen hiru hegalditan atzeman zituzten sendagaiok, horietako bi Senegaldik zetozen bi bidaiariren maletetan, baina hegaldi desberdinetan, eta hirugarrena Kolonbiatik iritsi zen bidaiari baten ekipajean.
Lehen esku-hartzean, sexu grina indartzeko 764 pilula eta lau pote atzeman zizkioten Senegaldik Lisboara zihoan bidaiari bati, eta sendagaien arloan osasun publikoaren aurkako delitua egotzi diote.
Sendagaiak maleta barruan topatu zizkioten: 200 mg-ko 312 pilula, 150 mg-ko 120 pilula, 100 mg-ko 160 pilula eta 50 mg-ko 172 pilula, guztiak ere osagai berekoak, sildenafilozko zitratoa, eta eszipiente beraren 50 ml-ko 4 gel pote.
Egun berean egindako beste bi esku-hartzetan, kontrabandoaren arloko arau-hausteengatik beste bi akta idatzi zituzten. Horietako batek, Senegaldik etorritako bidaiari batek, sexu grina indartzeko 100 mg-ko 400 pilula zeramatzan, eta, hirugarrenak, Kolonbiatik etorritako bidaiariak, 292 pilula, oraingoan, 50 mg.inalekoak.
Hiru operazioak egun berean eta hegaldi desberdinetan egin zirela nabarmendu dute, eta, ustez, hiru egileek ez dute elkarren artean harremanik.
Zure interesekoa izan daiteke
Euria gorabehera, giro ederrarekin ospatu dute San Tomas Bilbon eta Donostian
Negu giroa nagusitu da, baina horrek ez ditu bisitariak kikildu, eta milaka pertsona ibili dira Bizkaiko hiriburuan eta Gipuzkoakoan hara eta hona.
51 urteko gizonezko bat hil da A-1 autobian, Agurain parean izandako istripu batean
Kamioi batek eta auto batek talka egin dute, Irungo noranzkoan. Autoan zihoan beste pertsona, 59 urteko gizasemea, Txagorritxuko Ospitalera eraman dute.
Gabonetako loteriak 2.772 milioi euro banatuko ditu aurten saritan
Behin-behineko datuen arabera, EAEn 87,43 eurokoa da batez besteko gastua biztanleko; Nafarroan, aldiz, 58,62 eurokoa. Ikusteko dago Hego Euskal Herriak zortea alde duen, duela bi urte bezala. Zozketa 09:00etan hasiko da, eta ORAIN albiste zerbitzu digitalak zuzenean jarraituko du.
Emakume baten gorpua agertu da Barakaldoko etxebizitza batean, "indarkeria zantzuekin"
Emakumearen senideek Ertzaintzari jakinarazi diotenez, konorterik gabe aurkitu dute bere etxean goizean. Bertaratu ostean, heriotza baieztatu eta ikerketa abiatu du Ertzaintzak gertatua argitzeko.
Jaurlaritzak Neguko Bidezaintza Plana aktibatu du, mendateen egoera bertatik behera jarraitzeko
Jarraipen eta informazio fasea martxan jarrita, elurra kentzeko 215 makina, ibilgailu astunak erretiratzeko 7 garabi eta 130 laguntza-ibilgailu izango dira behar denerako prest.
Milaka lagun Bilboko San Tomas azokan
Euriak eta neguko giroak ez ditu herritarrak kikildu eta milaka lagun gerturatu da Areatzara azoka bereziaz gozatzera.
Gaur goizaldean Bilbon izan den tiroketa bat ikertzen ari da Ertzaintza
Gaueko aisialdirako lokal baten inguruan izan da, eta tiroen egilea bilatzen ari dira.
Jende asko Donostian San Tomas eguneko ferian, goizeko aterrunea aprobetxatuz
Talogileak etengabe ari dira lanean goizean goizetik, eta bertako produktuen saltokiek ere aukera paregabea eskaintzen dute gabonen atariko jai honetan sabelak gozatzeko.
A-1 errepidea itxita egongo da hainbat egunez Iruraiz-Gaunan, Irungo noranzkoan, kamioi batek su hartu ondoren
Suteak kalteak eragin zituen asfaltoan, eta konpondu egin behar dute. Trafikoa A-3100 errepidetik bideratzen ari dira, Agurainera iritsi baino lehentxeago atzera autobian sartzeko.
Harrera jendetsua egin diete Baionan Olentzerori eta Mari Domingiri
Ohiturari jarraikiz, Errobi ibaian barrena traineruz heldu dira Lapurdiko hiriburura. Opariak ez ezik, euskara eta itxaropena ere ekarriko dituztela azpimarratu dute biek ala biek.