"Euskadi osasuntsuago" bat lortzea helburu duen 2030 Osasun Plana onartu du Eusko Jaurlaritzak
Eusko Jaurlaritzak "Euskadi osasuntsuago" bat lortzeko datozen urteetarako osasun politikak zehaztuko dituen ibilbide-orria onartu du, "herritarren osasuna bermatuz eta inor atzean utzi gabe".
Euskadi 2030 Osasun Planak hamar helburu eta 70 ildo estrategiko ezartzen ditu hemendik 2030era arte EAEko herritarren osasun maila altuagoak lortzeko; adina, generoa, klase soziala, jatorria edozein dela ere.
Guztira, zehaztutako hamar helburuetatik lau dira nagusiak: haurrek eta nerabeak beren osasun-potentzial guztiarekin garatu daitezen lortzea, zahartze aktiboa sustatzea, saihestu daitekeen hilkortasuna gutxitzea, eta osasun arloko desberdintasunak murriztea.
2030 Osasun Planak ezartzen dituen gainerako helburuak, laburbilduz, hauek dira: Osasun Publikoaren Sistema indartzea, ingurune eta komunitate osasungarriak, jasangarriak eta erresilienteak garatzea; ikerketan eta berrikuntzan inbertitzea eta osasunean eragiten duten sistemak hobetzeko aplikatzea; jasangarritasuna eta bikaintasuna lortzea EAEko asistentzia sistema sanitarioetan eta soziosanitarioetan; erakundeen eta eragileen koordinazioa hobetzea politika guztietan osasuna bermatzeko, eta bizitza osoaren ikuspegira bideratutako zahartzea lortzeko.
Gotzone Sagardui Eusko Jaurlaritzako Osasun sailburuak 2030 Osasun Plana aurkeztu du astearteroko Gobernu bileraren osteko prentsaurrekoan. Azaldu duenez, osasun arloko 175 pertsona inguruk parte hartu dute.
Sagarduik nabarmendu duenez, anbizio handiko plana, estrategikoa, bizia, parte-hartzailea eta erakundeen arteko lankidetzan oinarritu dena. "2030 Osasun Planak herrialde osasungarriagoa lortzeko norabidea adierazten du", gaineratu du.
Zure interesekoa izan daiteke
Osakidetzak markak hautsi ditu azaroan, 34 transplanteekin, Gurutzetako Ospitalean
Zentroak 25 giltzurrun-transplante eta 9 gibel-transplante egin ditu hilabete bakarrean, eta arlo horretan estatuan eta nazioartean duen lidergoa sendotu du.
Esquadra Mossoek eta Guardia Zibilak IRTA-CReSA laborategiaren egoitza miatu dute, txerri-izurri afrikarra dela eta
Zero gunetik gertu dagoen eraikinean sartu dira gaur goizean, epailearen aginduz. Inguru hori susmopean dago, txerri-izurri afrikarra zabaltzea eragin omen zuen ihesaldi bat ikertzeko.
Mancisidor hautatu dute ararteko, EAJ, PSE-EE eta PPren babesarekin, eta EH Bilduren oposizioarekin
Haren aurrekoak, Manuel Lezertuak, ekainaren 19an formalizatu zuen karguari uko egin ziola, eta, harrezkero, Ines Ibañez de Maeztu izan da jarduneko arartekoa.
Hiru pertsona zauritu dira BI-637 errepidean, Erandion, hiru ibilgailuk eta autobus batek izandako istripuan
Ezbeharra 07:50 aldera gertatu da, eta ezkerreko eta erdiko erreiak itxi behar izan dituzte. Ondorioz, hiru kilometroko auto-ilarak sortu dira.
Bizkaibusen Mugi txartela erabilita ibili ahal izango da aurrerantzean
Horrela, hiru lurraldeetako edozein garraio-txartel (Bat, Barik eta Mugi) erabilita, erabiltzaileek Bizkaibusean ibiltzeko aukera izango dute, ordainketa-sistema integratu eta homogeneo baten bidez.
Albiste izango dira: EITB Maratoia, Talgo Euskadira itzuli da eta 2026rako aurreikuspen ekonomikoa
Gaurkoan Orain-en albiste izango direnen laburpena, bi hitzetan.
Baserritar jantziak, maileguan: “Sarerik ez duten familiak etortzen dira gehienbat”
Orioko Herri Ikastolan baserritar jantziak maileguan uzteko egitasmoa antolatu dute, bigarren urtez jarraian, "piztu eta eragin" ekimenaren baitan. Arropak berrabiltzea du helburu, baita herrian sarerik ez duten familiei laguntzea ere. Abarkak, gonak, zapiak, artilezko galtzerdiak... Denetarik bildu dute, eta egunotan familiak hurbilduko dira behar duten hori jasotzera.
Zestoako kasuari buruz gizarte-zerbitzuek egindako txostena "ez zen zuzena", Arartekoaren teknikari baten arabera
Zestoako sei herritarren aurka atzo abiatutako epaiketaren bigarren saioan deklaratu du Herriaren Defendatzailea erakundeko langileak, defentsaren lekuko gisa.
Kirola, musika eta lan gogorra: 110 urteko Isabel donostiarraren sekretua
Isabel Etxeberriak, 110 urterekin, pianoa jotzen jarraitzen du, arratsaldero, Bartzelonako bere etxean. Betidanik egin izan du kirola, eta gaur egun ere oso bizimodu aktiboa duela kontatu digu. Bere iritziz, sasoiz zahartzeko, garrantzitsuagoa da maitasuna kontu materialak baino.
Eider Gotxi (Guggenheim Urdaibai Stop): "Herritarron lanari esker lortu da Guggenheim Urdaibai proiektua bertan behera geratzea"
Guggenheim Urdaibai egitasmoa behin betiko bertan behera gelditu eta biharamunean, erakundeen jarrera "zurrun eta inposatzailearen aurrean" herria garaile atera dela azpimarratu du Eider Gotxi Guggenheim Urdaibai Stop plataformaren bozeramaileak. Garaipena jai giroan ospatzeko otsailaren 7rako Gernikan antolatu duten ospakizunean parte hartzeko deia egin die herritarrei. Bestalde, Gotxik ohartarazi du plataformaren bidea ez dela bukatzen eta ontziola Muruetatik ateratzea izango dela hurrengo erronka.