Fuente Ymbroko zezenek entzierro arin eta arriskutsua egin dute
Fuente Ymbro Cadizko ganadutegiko zezenek entzierro azkar (2' 21'') eta arriskutsua egin dute gaurkoan. Ondorioz, zazpi pertsona eraman dituzte ospitalera, Nafarroako Ospitaleak egindako behin betiko balantzearen arabera. Goizean zehar zezenek pertsona bat adarkatu dutela jakinarazi bada ere, halakorik egon ez dela esan dute eguerdian erietxeko iturriek.
Animalia bizi eta sutsuak dira Fuente Ymbrokoak —duela 10 urte zezen plazaren kalezuloan izan zen pilaketa eurekin gertatu zen—. Batuta abiatu badira ere, bi adardun aurreratu dira (bata gaztainkara eta bestea beltza) eta tentsio uneak sortu dituzte Estafeta kalean. Hainbat korrikalari harrapatu eta horietako batzuk airean altxatu ditu zezenetako batek.
Tarte horretan eroriko ugari izan dira, eta hainbat korrikalari lurrean etzanda geratu dira. Zezen beltzak estropezu egin du eta jausi egin da.
Une horretatik aurrera, abiada bizian joan da entzierroa. Lasterketa politak egon dira Telefonican.
Asteburuko entzierro jendetsuen ondotik, gaurkoan korrikalari gutxiago izan dira ibilbidean, eta hala, tarte gehiago lasterketak egiteko.
Adarkatutarik ez
Entzierroa ikusita, espero zitekeen zauritutako kopurua handia izatea, eta hain justu, zazpi pertsona ospitaleratu dituzte, gehienak kolpeengatik. Goizean zehar, zezenek korrikalari bat adarkatu dutela jakinarazi dute osasun iturriek, baina eguerdian adarkaturik egon ez dela baieztatu du Nafarroako Ospitaleak.
Lau pertsona artatu dituzte zezen plazan, hiru Mercaderesen, bi Telefonican eta bat, Estafetan.
Albiste gehiago gizartea
Adunako prostituzio-etxe bateko arduraduna atxilotu dute, sexu esplotazioa eta sexu eraso baten saiakera leporatuta
Lokaleko langileetako batek tratu umiliagarria jasan zuela eta drogak kontsumitzera behartu zutela salatu zuen, besteak beste.
Elkar argitaletxeak erabaki du Igartza bekarekin ez jarraitzea, CAFek Israelekin duen lotura dela eta
Saioa Alkaiza bertsolari eta idazleak sariari uko egin eta hamar egunera iritsi da Elkarren erabakia. “Palestinar herriaren kontra gauzatzen ari den genozidioan CAFek duen inplikazioa" salatu zuen sortzaile iruindarrak.
Donostian izandako azken sexu erasoa salatzeko bilkura egin dute hiriko udaletxe atarian
45 urteko gizon bat atxilotu dute joan den ostiralean emakume batek jasandako sexu-erasoaren egilea izatea egotzita. Emakumeak ertzain-etxean salatu zuenez, gizonak sexu-erasoa egiteaz gain, zer egiten zuen eta norekin zegoen kontrolatzen zuen, eta lagunak ikustea debekatzen zion.
Euskal Sagardoak 2025eko sagar-uzta aurkeztu du Altzon
Aurtengoa sagar urtea dela ziurtatu dute, eta azken urtean bildutako sagar kopurua bikoiztea espero dute. Iaz ez bezala, aurtengo sagar uztak itxura oso ona du.
Osakidetzak 48 urtera zabalduko du bularreko minbizia detektatzeko baheketa
Osakidetzako Protonterapia Unitate berriaren obrak bisitatu ditu Imanol Pradales lehendakariak, eta bertan egin du iragarpena.
Bilboko hilketagatik atxilotutakoak ez dira indarkeriazko taldeetako kideak, Ertzaintzako buruaren arabera
"Etxerako bidean elkar ezagutzen ez zuten bi gazte taldekoak ziren" hiru atxilotuak eta hildakoa. Dirudienez, elkarri irainka hasi ziren, eta azkenean liskarra gertatu zen. Ertzaintzaren buruak errefusatu du atxilotuek talde edo indarkeriazko taldeekin lotura dutenik.
Urolako eta Goierriko adingabeen odolean konposatu kimikoak daudela baieztatu dute
EHUren azterketa batek ondorioztatu du adin txikikoetan aurkitutako PFAS konposatu kimikoen mailek ez dutela arrisku larririk eragiten osasunerako, baina zaintza indartzeko premia ohartarazi du.
Espainiako Gobernua Gasteizko errefuxiatuen zentroaren edukiera murrizteko proposamenaren "bideragarritasuna" aztertzen ari da
Gobernuak Euskadin duen ordezkaria "bat dator" eta "ulertzen du" baliabide horretako plazak 350etik 200era murrizteko Maider Etxebarria Gasteizko alkateak egindako eskaera.
Bilbon lurreratzekoak ziren zazpi hegazkin beste aireportuetara bideratu behar izan dituzte, lainoagatik
Madriletik, Alacantetik, Basileatik, Bartzelonatik, Vienatik eta Paristik goizeko lehen orduko zetozen hegaldiak Santanderrera bideratu dituzte. Horietako bat Madrilera itzuli behar izan da, eta beste bat Zaragozara bidali dute. Loiuko aireportuan zabaldutako laino mardulagatik gertatu dira gorabeherak.
Sute batek Renfeko aldirietako tren-zirkulazioa etenarazi du Santurtzin, Peñotako geltokian
Bestalde, sutearen ondorioz, Bilbo eta Santurtzi arteko tentsio elektrikoa kaltetu da, eta horrek atzerapenak eragin ditu C1 eta C2 lineetan.