Gizon bat espetxeratu dute Donostian bi emakumeri sexu erasoa egitea egotzita
Gizon bat espetxeratu dute, uztailaren 22an Donostian 24 eta 26 urteko bi emakumeri egindako sexu erasoarekin lotuta.
Udalak jakinarazi duenez, larunbat goizean bi emakumek Udaltzaingoaren patruila bat geldiarazi zuten, sexu erasoa jasan zutela adierazteko. Protokoloa aktibatu ondoren, eta guardiako epaitegiarekin eta auzitegiko medikuarekin koordinatuta, emakumeei arreta medikoa eman zitzaien.
Momentu horretan, Udaltzaingoak salaketa jaso eta ikerketa hasi zuen, eta larunbat arratsaldean atxilotu zuten gizona.
Morlanseko Udaltzaingoaren komisariatik igaro ondoren, uztailaren 24an, igandea, guardiako epailearen esku utzi zuten, eta horrek espetxeratzeko agindua eman zuen.
Donostiako Udalak, aho batez onartutako adierazpen instituzional batean, "irmo" gaitzetsi ditu bi emakumeek jasandako erasoak. Gainera, "eraso tamalgarri" horien biktimei babesa eta elkartasuna adierazi die, baita haien senideei eta ingurukoei ere.
Donostiako Udalaren ustez, horrelako erasoak indarkeria matxistaren eta genero-desberdintasuneko jarreren adierazpenik "higuingarriena" dira, eta "oraindik ere nagusi dira gure gizartean, eta Udalak gaitzetsi egiten ditu". Zentzu horretan, "ezinbestekoa da lanean jarraitzea, hiriko eragile sozial, feminista eta giza eragileekin batera, balioetan heztearen eta gizonen eta emakumeen arteko berdintasunaren alde".
Azkenik, Udalak elkarretaratzera deitu du bihar, ostirala, 13:00etan udaletxearen aurrean, eta bat egin du hirian egiten diren gaitzespen ekimenekin.
Zure interesekoa izan daiteke
25 eta 28 urteko bi gizon atxilotu dituzte Gasteizen, bikotekideari eta bikotekide ohiari eraso egitea egotzita
Gasteizko Udaltzaingoak pasa den ostegunean eta ostiralean egin zituen atxiloketak, astearte honetan jakitera eman duenez.
Martinezek esan du garrantzi handikoa dela ohitura osasungarriak izatea, osasunari eragiten dioten faktoreen % 50 baitira
Osasun sailburuak ariketa fisikoa egitera, elikadura zaintzera eta alkohol eta kalamu kontsumoa murriztera animatu ditu herritarrak, Osasunaren Nazioarteko Eguna dela eta.
Mugikorrak alboratu eta familiaz gozatzeko gonbita, apirilaren 18an, EAEko hiriburuetan
Eusko Jaurlaritzak antolatuta, Mugikorrik Gabeko Eguna Familian izango da Donostian, Bilbon eta Gasteizen. Familia inguruan teknologiaren erabilera kontzienteagoa sustatzea du helburu egitasmoak. “Ongizate emozionala zaintzeko eta senideekin egotearen balioa berreskuratzeko keinu txiki” gisa aurkeztu du Nerea Melgosa Ongizate, Gazteria eta Erronka Demografikoko sailburuak.
Bizkaitik Nafarroara droga eramaten zuen gaizkile sare bat desegin dute: lau lagun atxilotu eta 22 kilo speed atzeman dituzte
Ortuellako etxebizitza batetik Nafarroara banatzen zen, eta droga 76 urteko gizon batek garraiatzen zuen.
Manifestazioa deitu dute arratsalderako Berrizen, asteleheneko eraso matxista larria salatzeko
48 urteko gizonezkoa emaztea hiltzen saiatu zen Berrizen, eta emakumea helikopteroz eraman zuten Gurutzetako Ospitalera. Atxilotuak polizia-etxean jarraitzen du, epailearen aurrean deklaratzeko zain. Bestalde, Berangoko Udalak deituta, elkarretaratzea egingo dute arratsaldean Amaiaren hilketa salatzeko. Apirilaren 1ean bikotekideak hil omen zuen, Basaurin, baina berangoztarra zen.
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko astelehenak
Ezohiko itxura hartu du Pazko astelehenak. Eguraldi beroak hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.
Gizon bat atxilotu dute, Berrizen, emaztea labankadaz larri zauritzeagatik
Gertatutakoa salatzeko, Berrizko Mugimendu Feministak manifestazio zaratatsua deitu du biharko, arratsaldeko 18:30ean, Udaletxe paretik abiatuta.