Espetxera bidali dute gizon bat Irunen, labana baten kirtenarekin beste gizon bat jo ostean
35 urteko gizonezko bat espetxeratu dute igande honetan Irunen, gizon bat jipoitu eta gero. Gizon hori labana baten kirtenarekin jo zuen, ordu batzuk lehenago heriotza-mehatxuak egin ostean.
Eusko Jaurlaritzako Segurtasun Sailak jakinarazi duenez, joan den ostegun arratsaldeko zazpiak jotzear zirenean, Ertzaintzaren herritarren babeserako patruila bati abisua eman zioten Irungo Santiago auzoko eraikin abandonatu batera joateko, eraso bat gertatzen ari zelako.
Bertara iritsitakoan, burutik odola zerion gizon bat aurkitu zuten ertzainek lurrean, eta bertan ziren beste pertsona batzuek jakinarazi zieten eraikinaren barruan zegoela ustez biktimari labanaz eraso ziona.
Pabiloira sartu eta gero, asaldatuta zegoen eta aurpegian odol-arrastoak zituen gizon batekin gurutzatu ziren ertzainak. Hark, agenteen aginduei jaramonik ez egiteaz gain, agenteetako baten aurka egin zuen eta bestea jotzen saiatu zen.
Bildutako datuen arabera, ustezko erasotzaileak arma zuria hartu eta biktima jo zuen. Bertan zeuden bi pertsonek erasotzaileari eutsi zioten, eta zauritu egin ziren. Gainera, atxilotuak, ordu batzuk lehenago, heriotza-mehatxuak egin zizkion biktimari, eta harri batekin eta bihurkin batekin jo zuen buruan.
Ertzainek atxilotu egin zuten erasotzailea, agintaritzaren agenteen aurkako atentatua, giza hilketa saiakera eta lesioak egotzita.
Biktima, berriz, gertuko ospitale batera eraman, eta ospitaleratu egin zuten. Atxilotuak aurrekari penalak ditu, eta igande honetan eraman dute Irungo Guardiako Epaitegira. Epaileak hura espetxeratzeko agindu du.
Albiste gehiago gizartea
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sute bat piztu da LEA fabrikan, eta Arabako hiriburu osotik ikus daiteke kea
Sute handi bat piztu da Gasteizko LEA fabrikan, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko lehioak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.
Bizkaiko Foru Aldundiak baso-sute baten simulakroa egin du Arbaltzagan
Bizkaiko Foru Aldundiak baso-sute baten simulakroa egin du Arbaltzaga inguruan, Baso-suteetarako larrialdi plana (INFOBI) osatzen duten taldeen prestakuntza, koordinazioa eta erantzuteko gaitasuna hobetzeko.
Yazan, gazatarra eta paziente onkologikoa Euskadin: "Handitan medikua izango naiz, beste ume batzuk artatzeko"
Gaixotasun onkologikoak dituzten Gazako 5 ume artatzen ari da Osakidetza Gurutzetako Ospitalean eta Donostiakoan. Horietako bat, Yazan, duela bi hilabete dago Donostian, amarekin, tratamendua jasotzen.
Kontrolpean dute Gasteizko LEA fabrikan piztutako sutea
Oraindik orduak edo egunak beharko dira sua erabat itzaltzeko. Ez da inor zauritu, industrialdea jendez hustu dutelako. Abetxuku eta Arriaga auzoak normaltasunera itzuli dira.
Alkolea pasaiako paumaren habia desagertu da, Donostian
Parkea Bizirik elkarteak parkearen egoera salatu du eta neurriak hartzeko biltzera gonbita egin die udal gobernuari eta oposizioari.
EAJk hautsi egin ditu lan deialdi publikoetan euskara blindatzeko PSE-EEkin abiatutako negoziazioak
Jeltzaleen iturriek aurreratu dute EAJk berak bakarrik egingo duela aurrera eta Enplegu Publikoaren Legea aldatzen saiatuko dela, euskara eskakizunak bermatzeko.
Etxebizitza da EAEko herritarren kezka nagusia
Osasunarekiko kezkak behera egin du azken sei hilabeteetan, baina bigarren arazorik garrantzitsuena da (% 36), bizitzaren kostuaren aurretik (% 34). Bestalde, herritarrek 10etik 4,7ko nota jarri diote Imanol Pradales buru duen Eusko Jaurlaritzaren lehen urteari.