Honelakoak izango dira Donostiako osasun-hiriko eraikin berriak
Gaur goizean Euskadi Irratiko estudioetan egindako elkarrizketan, Gotzone Sagardui Eusko Jaurlaritzako Osasun sailburuak iragarri du Osakidetzak 100 milioi euro inguru inbertituko dituela bi instalazio berri eraikitzeko. Instalazio horietan ezarriko dira protoien erradioterapia zentroa (Protonterapia), Onkologiko berriari gehituko zaiona, eta Donostia Ospitaleko kanpo kontsulten eraikin berria, eguneko ospitale bat barne hartuko duena.
Sailburuak azaldu duenez, bi eraikinak elkarren artean konektatuta egongo dira, eta baita Donostia Ospitalearekin eta Onkologikoarekin ere. Hala, osasun gune berri bat sortuko da.
Gipuzkoa pabiloiaren eta Onkologikoaren artean dagoen aparkalekuan eraikiko dute. Aurreikuspenen arabera, minbiziaren tratamendurako unitatea 2026ko martxorako egongo da amaituta, eta kontsulten eraikina, berriz, 2027ko maiatzerako.
Protonterapia Unitatean (24 milioi euro inguruko kostua du), tumoreen aurrean "abangoardiako eta doitasunezko tratamendua" eskaintzeko aukera emango duen makina jarriko dute. Makina horrek erradiazio dosia hobeto banatzea ahalbidetzen du, eta ehun osasuntsuei kalte egiteko arriskua murrizten du.
Protonterapiako makina (28 milioi euro balio du) Ospitalegunean kokatuko da, Osakidetzak kudeatuko du, eta erreferentzia izango da Euskadi, Nafarroa, Errioxa eta Kantabriako autonomia erkidegoetako, eta Burgos eta Soriako probintzietako herritarren osasun laguntzarako.
Bestalde, Sagarduik azaldu duen bezala, Donostia Unibertsitate Ospitaleko Kanpo Kontsulten eraikina ekainean eraikitzen hastea aurreikusten da. Instalazio horrek laguntza zerbitzuak hobetuko ditu egungo joerekin bat egingo duen eraikin berrian, eta beste eremu batzuk hazteko lekua utziko du ospitalean. Proiektua abenduan amaitzea aurreikusten da, eta 72 milioi euro inguruko kostua izango du.
Zure interesekoa izan daiteke
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko Astelehenak
Ezohiko itxura hartu du Pazko Astelehenak. Eguraldi beroak, hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.
Gizon bat atxilotu dute Berrizen emaztea labankadaz larri zauritzeagatik
Gertatutakoa salatzeko, Berrizko Mugimendu Feministak manifestazio zaratatsua deitu du biharko, arratsaldeko 18:30ean, Udaletxe paretik abiatuta.
Aske geratu dira Gasteizen adingabe bat sastatzea leporatuta atxilotutako zazpi gazteak
Asteburuan epailearen aurretik igaro ostean, guztiak utzi dituzte libre, azken biak igandean, Segurtasun Sailak jakinarazi duenez.
Eusko Jaurlaritzak 'Ttipi Ttapa' gida aurkeztu du, oinez egitea osasun eta kohesio sozialerako tresna bihurtzeko
Osasun Sailak udalerrien eskura jarri du jarduera fisikoa eta harreman sozialak sustatzeko gida praktikoa. Ekimenak ongizate fisiko eta emozionala hobetzea eta komunitateak indartzea du helburu.
Trafiko gorabeherak gaur Bilbon, Itzulia Basque Country lasterketa dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
?fmt=webp-alpha&qlt=80)
Picassoren margolan bat, 100 euroren truke: Alzheimerraren ikerketa finantzatzeko ekimena
Tête de femme (1941) Pablo Picassoren lan original honen zozketa apirilaren 14an egingo da, Parisen, eta oraindik milaka partaidetza daude saltzeko. Ekimen solidario honek mundu osoko parte-hartzaileak erakarri ditu.
Epailearen esku utzi dituzte Gasteizen adingabe bat sastatzea leporatuta atxilotutako zazpi gazteak
Ostegunean jazo zen erasoa, 18:30 aldera, bost gizonek adin txikikoa sastatu eta ibilgailu batean ihes egin zutenean. Atxilotuek 19 eta 21 urte bitartean dituzte, baina ikerketak zabalik jarraitzen du.