Tenerifeko sutea "oraindik kontrolatu gabe" dagoela adierazi du Kanarietako presidenteak
Fernando Clavijo Kanariar Uharteetako presidenteak adierazi duenez, asteartean Tenerifen sortutako baso-sutea oraindik ez dute kontrolpean, baina "okerrena pasatu da", horren arabera. Gainera, Pedro Sanchez Espainiako Gobernuko presidentea zonalde horretan izango da gaur, Arafo udalerrian jarri duten Aginte Postu Aurreratuan egiten ari diren lanak ikusteko.
Gau osoan zehar, Larrialdietako Unitate Militarra (UME) uhartearen hegoaldeko eremua kontrolatzeko lanean aritu da, Baso-suteak Indartzeko Brigadekin (BRI) eta Kanarietako esku hartzeko taldeen laguntzarekin batera. Arafo-Candelaria eremuan, defentsa-lerro bat sortu dute Teideko Behatokia eta Guimarko amildegia babesteko.
"Gau emankorra izan da", esan du Clavijok suteari aurre egiteko lanen balorazioa eginez. Kanarietako presidenteak jakinarazi du kaltetutako herritar batzuk etxera itzuli direla, eta oraindik etxera bueltatu ez direnei egunean zehar "berri onak" ematea espero duela gaineratu du.
"Zuhurtziak eskatuta, batzuk etxetik kanpo mantendu behar izan ditugu", azaldu du. Bestalde, presidenteak azpimarratu du sutea nahita piztutakoa izan dela, eta "teknikariek aurretik ez dute inoiz horrelako sute handi eta indartsurik izan aurrean".
Orain arte, Tenerifen izandako baso-suteak 12.813 hektarea baino gehiago eta 90 kilometroko perimetro bat erre ditu.
Hondamendi eremua
Pedro Sanchez Espainiako Gobernuko presidenteak aurreratu duenez, Ministroen Kontseiluak larriki kaltetutako eremuaren izendapena onartuko du, Tenerifeko sutea kontrolpean dagoenean.
Horrekin batera, Gobernua berreraikitze lanetan eta kaltetutako pertsonei laguntza ematen "inplikatuko" dela bermatu du Sanchezek: "Gobernua orain eta dena amaitzen denean egongo da, suteak suntsitu duen guztia berreskuratzen eta berreraikitzen".
Zure interesekoa izan daiteke
Gizon bat atxilotu dute Sarrigurenen, emaztea hiltzea eta ama larri zauritzea egotzita
Gertakariak Eguesibarrean (Nafarroa) jazo dira, arratsaldeko 19:30ak aldera.
Gaizki aparkatzeagatik jarritako isunak egiazkoak direla ziurtatu du Hendaiako Herriko Etxeak
Bidasoa eskualdeko hainbat bizilaguni isunak kobratzeko posta bidez bidalitako gutunak iruzurra zirela zabaldu zuen ostegunean Eusko Jaurlaritzako Segurtasun Sailak.
11 urteko zigorra ezarri diote gizon bati Bizkaian, bikotekide ohiaren etxera baimen gabe sartu eta hura bortxatzeagatik
Bikotekideak izan ziren sei urtez, nahiz eta ez ziren elkarrekin bizi. 2021eko azaroan neskak amaitutzat eman zuen harremana. Gizonak, ordea, kontaktuan jarraitzeko eskatu zion, eta 2021eko azaroaren 22ko goizean emakumearen etxera sartu zen, haren baimenik gabe, eta bortxatu egin zuen.
Baskoniak ehunka zaleren babesa jasoko du Valentzian
Baskoniaren mila jarraitzaile inguru joan dira Valentziara 2026ko Errege Kopa dela eta. Eguraldia lagun, giroa ezin hobea da Baskoniako zaleen bilgunea den "Araba Etxean".
65 urtetik gorako pertsonen artean alkohol eta psikofarmakoen kontsumo handiaz ohartarazi du Eusko Jaurlaritzak
Osasun Publikoaren eta Adikzioen Zuzendaritzak egindako txosten batek agerian jarri duenez, EAEko gizonen ia % 40k egunero kontsumitzen dute alkohola, eta emakumeen artean gora egin du lo-eragileen eta lasaigarrien erabilerak.
8 urteko kartzela-zigorra Legorretan kontrako norabidean zihoala hiru pertsonaren heriotza eragin zuen gidariarentzat
Akusazioek eta defentsak akordioa adostu dute, eta akusatuak erruduna dela onartu du. Hori dela eta, ez da beharrezkoa epaiketarekin jarraitzea. Ostiral honetan Gipuzkoako Auzitegian egindako saioan, auzipetuak barkamena eskatu die biktimen sendiei, malko artean.
Bost pertsona atxilotu dituzte Iruñean, emakume etorkinak prostituitzera behartzeagatik
Emakumeak haien jatorrizko herrialdeetan erakartzen zituzten, “lan-kontratu erakargarriak” eskainiz; Nafarroara iritsitakoan, baina, mehatxatu egiten zieten eta prostituitzera behartzen zituzten.
Gizon batek 10 urteko semea hil du eta emaztea larri zauritu du bart Tenerifen
Guardia Zibilak tiroz hil du ustezko hiltzailea, agenteei matxete batekin mehatxatu ostean.
Aturri ibaiak gainezka egin du Baionan
Aturri ibaiak gainezka egin du ostegun honetan Baionan. Azken egunetan pilatu den euriak eta itsasgorak bat egin dutenean, goizeko zein arratsaldeko seiak bueltan, ibaia bere bidetik irten da. Goizean urak eragin dituen eragozpenak ikusita, arratsalderako Baionako Herriko Etxeak zentzuz jokatzeko eta ibai ingurura ez hurbiltzeko deia egin badu ere, azkenean ez da eragozpen nabarmenik egon.
Zabaldu dute Zumaia eta Getaria arteko errepidea, olatu handiengatik itxita egon ostean
Itsasgora izan den unean egon da itxita, Pedro denboraleak eragin dituen olatu handiengatik. Ostiral goizeko itsasgoraren garaian ere, 05:00etatik 07:00etara, 4 metro inguruko olatuek joko dutela itsas-bazterra espero da.