Tenperaturek behera egin dute kostaldean, sargoriaren ostean
Jose Antonio Aranda Euskalmet Euskal Meteorologia Agentziako arduradunak Radio Euskadin azaldu duen bezala, tenperaturak hasi dira jaisten Gipuzkoa eta Bizkaiko kostaldean. Haizearen norabidea aldatu da, ipar-mendebaldera egin du, eta, ondorioz, giroa poliki poliki freskatzen ari da.
"Tenperatura jaisten hasi da (...) baina gutxinaka behera egingo du", adierazi du euskal meteorologoak. Arratsaldeko lehen orduan, kostaldeko zenbait tokitan, 30 gradutik beherako zenbakiak markatu dituzte termometroek. Donostian 27 gradu daude, 28 Getarian eta 30 Bilbon. Arratsaldean zehar, haizea Gipuzkoa eta Bizkaiko barnealdeko ibarretara ere iritsiko da, eta haietan ere giro freskoagoa nabarituko da.
Hurrengo egunetan, tenperaturak "nabarmen" egingo du behera Arandaren hitzetan. Hala, hodeiak eta euria ere izango dira Kantauri aldean.
Arabari dagokionez, ordea, gaur ere bero egingo du, 40 graduko maximoekin. Hala ere, bihartik aurrera tenperaturak udako normaltasunera hurbiltzen hasiko dira, 25-26 gradukoak izango baitira. Arandaren hitzetan, tenperatura aldaketa hori lurraldeko lekurik garaienetan nabarmena izango da: "Lurraldeko puntu altuenetan, normalean jasotzen direnak baino 15 gradu gorago egotetik 5 gradu beherago egotera jaitsiko da 48 orduan".
Sute-arriskua
Euskalmeteko adituak azaldu duenez, sute-arriskuak ere behera egingo du tenperaturekin batera, eta gaurtik aurrera arrisku hori gutxituz joango da isurialde atlantikoan.
Hala ere, gaur Araban tenperatura altuak izango direnez, arriskuak altua izaten jarraituko du, eta lurraldeko hegoalde osoan zehar horrela mantenduko da.
Albiste gehiago gizartea
Adunako prostituzio-etxe bateko arduraduna atxilotu dute, sexu esplotazioa eta sexu eraso baten saiakera leporatuta
Lokaleko langileetako batek tratu umiliagarria jasan zuela eta drogak kontsumitzera behartu zutela salatu zuen, besteak beste.
Elkar argitaletxeak erabaki du Igartza bekarekin ez jarraitzea, CAFek Israelekin duen lotura dela eta
Saioa Alkaiza bertsolari eta idazleak sariari uko egin eta hamar egunera iritsi da Elkarren erabakia. “Palestinar herriaren kontra gauzatzen ari den genozidioan CAFek duen inplikazioa" salatu zuen sortzaile iruindarrak.
Donostian izandako azken sexu erasoa salatzeko bilkura egin dute hiriko udaletxe atarian
45 urteko gizon bat atxilotu dute joan den ostiralean emakume batek jasandako sexu-erasoaren egilea izatea egotzita. Emakumeak ertzain-etxean salatu zuenez, gizonak sexu-erasoa egiteaz gain, zer egiten zuen eta norekin zegoen kontrolatzen zuen, eta lagunak ikustea debekatzen zion.
Euskal Sagardoak 2025eko sagar-uzta aurkeztu du Altzon
Aurtengoa sagar urtea dela ziurtatu dute, eta azken urtean bildutako sagar kopurua bikoiztea espero dute. Iaz ez bezala, aurtengo sagar uztak itxura oso ona du.
Osakidetzak 48 urtera zabalduko du bularreko minbizia detektatzeko baheketa
Osakidetzako Protonterapia Unitate berriaren obrak bisitatu ditu Imanol Pradales lehendakariak, eta bertan egin du iragarpena.
Bilboko hilketagatik atxilotutakoak ez dira indarkeriazko taldeetako kideak, Ertzaintzako buruaren arabera
"Etxerako bidean elkar ezagutzen ez zuten bi gazte taldekoak ziren" hiru atxilotuak eta hildakoa. Dirudienez, elkarri irainka hasi ziren, eta azkenean liskarra gertatu zen. Ertzaintzaren buruak errefusatu du atxilotuek talde edo indarkeriazko taldeekin lotura dutenik.
Urolako eta Goierriko adingabeen odolean konposatu kimikoak daudela baieztatu dute
EHUren azterketa batek ondorioztatu du adin txikikoetan aurkitutako PFAS konposatu kimikoen mailek ez dutela arrisku larririk eragiten osasunerako, baina zaintza indartzeko premia ohartarazi du.
Espainiako Gobernua Gasteizko errefuxiatuen zentroaren edukiera murrizteko proposamenaren "bideragarritasuna" aztertzen ari da
Gobernuak Euskadin duen ordezkaria "bat dator" eta "ulertzen du" baliabide horretako plazak 350etik 200era murrizteko Maider Etxebarria Gasteizko alkateak egindako eskaera.
Bilbon lurreratzekoak ziren zazpi hegazkin beste aireportuetara bideratu behar izan dituzte, lainoagatik
Madriletik, Alacantetik, Basileatik, Bartzelonatik, Vienatik eta Paristik goizeko lehen orduko zetozen hegaldiak Santanderrera bideratu dituzte. Horietako bat Madrilera itzuli behar izan da, eta beste bat Zaragozara bidali dute. Loiuko aireportuan zabaldutako laino mardulagatik gertatu dira gorabeherak.
Sute batek Renfeko aldirietako tren-zirkulazioa etenarazi du Santurtzin, Peñotako geltokian
Bestalde, sutearen ondorioz, Bilbo eta Santurtzi arteko tentsio elektrikoa kaltetu da, eta horrek atzerapenak eragin ditu C1 eta C2 lineetan.