Kirol Kontseilu Gorena: 'Parekotasunari buruzko araudi berria 2024ko urtarrilaren 1ean sartuko da indarrean'
Sumar koalizioak Espainiako Futbol Federazioaren aurkako salaketa aurkeztu du Kirol Kontseilu Gorenean, parekotasuna ez errespetatzeagatik; izan ere, "20 kideetatik bi baino ez dira emakumeak". Kirol Kontseilu Gorenak arratsaldean emandako prentsaurrekoan adierazi duenez, 2024ko urtarrilaren 1etik aurrera, legez, zuzendaritza guztiek "gutxienez % 40ko parekotasuna izan beharko dute beren erakundeetan", eta "ez lehenago".
Yolanda Diazek zuzentzen duen koalizioaren arabera, "emakumeen eta gizonen arteko desproportzioa ez da Zuzendaritza Batzordera mugatzen, Federazioaren organo guztietara iristen da, eta patologia hori ezin da puntualtzat edo koiunturaltzat hartu, sistemikotzat baizik".
Federazioaren egungo egitura "inpugnatu" egin daiteke, Sumarren ustez, legearen aurkakoa delako, eta "lehenbailehen eguneratzeko" galdegin du. Koalizioak egungo zuzendaritza batzordea desegiteko eta legea betetzeko izan beharko lukeen parekotasuna betetzen duen beste bat izendatzeko eskatu du.
Sumarren esanetan, 38 emakume baino ez daude Federazioko 411 kideen artean, hau da, langileen % 9, eta, "horrela, legea urratu egiten da".
Gainera, Ernest Urtasunek prentsaurrekoan esan duenez, koalizioak gutun bidez eskatu dio Miquel Iceta Kultura ministroari kirol legeak aurreikusitako araudia aurkezteko, zigorren erregimena aplikatu ahal izateko.
Sumarren bozeramailearen arabera, zigor horiek oraindik ez daude indarrean, araudi hori garatzea falta delako. "Araudi hau lehenbailehen aurkezteko eskatu diogu Icetari, zehapen erregimena lehenbailehen indarrean egon dadin", esan du.
Horrela, zehapenak ezarri ahalko dira parekotasuna ez errespetatzeagatik edo Berdintasun Ministerioaren txostenak ez betetzeagatik.
Albiste gehiago gizartea
Adunako prostituzio-etxe bateko arduraduna atxilotu dute, sexu esplotazioa eta sexu eraso baten saiakera leporatuta
Lokaleko langileetako batek tratu umiliagarria jasan zuela eta drogak kontsumitzera behartu zutela salatu zuen, besteak beste.
Elkar argitaletxeak erabaki du Igartza bekarekin ez jarraitzea, CAFek Israelekin duen lotura dela eta
Saioa Alkaiza bertsolari eta idazleak sariari uko egin eta hamar egunera iritsi da Elkarren erabakia. “Palestinar herriaren kontra gauzatzen ari den genozidioan CAFek duen inplikazioa" salatu zuen sortzaile iruindarrak.
Donostian izandako azken sexu erasoa salatzeko bilkura egin dute hiriko udaletxe atarian
45 urteko gizon bat atxilotu dute joan den ostiralean emakume batek jasandako sexu-erasoaren egilea izatea egotzita. Emakumeak ertzain-etxean salatu zuenez, gizonak sexu-erasoa egiteaz gain, zer egiten zuen eta norekin zegoen kontrolatzen zuen, eta lagunak ikustea debekatzen zion.
Euskal Sagardoak 2025eko sagar-uzta aurkeztu du Altzon
Aurtengoa sagar urtea dela ziurtatu dute, eta azken urtean bildutako sagar kopurua bikoiztea espero dute. Iaz ez bezala, aurtengo sagar uztak itxura oso ona du.
Osakidetzak 48 urtera zabalduko du bularreko minbizia detektatzeko baheketa
Osakidetzako Protonterapia Unitate berriaren obrak bisitatu ditu Imanol Pradales lehendakariak, eta bertan egin du iragarpena.
Bilboko hilketagatik atxilotutakoak ez dira indarkeriazko taldeetako kideak, Ertzaintzako buruaren arabera
"Etxerako bidean elkar ezagutzen ez zuten bi gazte taldekoak ziren" hiru atxilotuak eta hildakoa. Dirudienez, elkarri irainka hasi ziren, eta azkenean liskarra gertatu zen. Ertzaintzaren buruak errefusatu du atxilotuek talde edo indarkeriazko taldeekin lotura dutenik.
Urolako eta Goierriko adingabeen odolean konposatu kimikoak daudela baieztatu dute
EHUren azterketa batek ondorioztatu du adin txikikoetan aurkitutako PFAS konposatu kimikoen mailek ez dutela arrisku larririk eragiten osasunerako, baina zaintza indartzeko premia ohartarazi du.
Espainiako Gobernua Gasteizko errefuxiatuen zentroaren edukiera murrizteko proposamenaren "bideragarritasuna" aztertzen ari da
Gobernuak Euskadin duen ordezkaria "bat dator" eta "ulertzen du" baliabide horretako plazak 350etik 200era murrizteko Maider Etxebarria Gasteizko alkateak egindako eskaera.
Bilbon lurreratzekoak ziren zazpi hegazkin beste aireportuetara bideratu behar izan dituzte, lainoagatik
Madriletik, Alacantetik, Basileatik, Bartzelonatik, Vienatik eta Paristik goizeko lehen orduko zetozen hegaldiak Santanderrera bideratu dituzte. Horietako bat Madrilera itzuli behar izan da, eta beste bat Zaragozara bidali dute. Loiuko aireportuan zabaldutako laino mardulagatik gertatu dira gorabeherak.
Sute batek Renfeko aldirietako tren-zirkulazioa etenarazi du Santurtzin, Peñotako geltokian
Bestalde, sutearen ondorioz, Bilbo eta Santurtzi arteko tentsio elektrikoa kaltetu da, eta horrek atzerapenak eragin ditu C1 eta C2 lineetan.