Gizon batek bikotekidea hil du Bejarren (Salamanca)
Polizia Nazionalak 49 urteko gizonezko bat atxilotu du ustez emaztea hiltzeagatik Bejarren (Salamanca). Ondoren, gizonak A-66 autobiako biaduktu batetik bere burua botatzeko mehatxua egin du, Espainiako Gobernuaren Salamancako Ordezkariordetzak jakitera eman duenez.
06:00ak aldera, Poliziak gizonezko baten deia jaso du, bikotekidea hil duela eta bere buruaz beste egingo zuela esanez. Bikotearen etxebizitzara joan diren agenteek 36 urteko emakume bat hilda aurkitu dute, buruan kolpe handi bat zuela.
Ordu eta erdi geroago, polizia-agenteek, Guardia Zibilaren laguntzarekin, ustezko erasotzailea atxilotu dute, zubibidetik jaisteko konbentzitu ostean.
Atxilotuak aita eta anaiaren aurkako indarkeria-salaketak zituen. Hildako emakumeak, berriz, aurreko bikotekideen aurkako salaketak zituen, tratu txarrak tarteko, baina ez zuen ustezko hiltzailearen aurkako salaketarik jarrita.
Zure interesekoa izan daiteke
Giro aparta Lazkaon, Kilometroak festaren edizio borobilean
Zazpikaleetako merkatariak, ezintasuna eta kalteak tarteko, uholdeen biharamunean
Kilometroak bere sorterrira itzuli da 50. edizioan
"Tribuaren Berbak" saioa bueltan da
Euri erauntsia izan zenean Zazpikaleetako arketa "gehienak garbi" zeudela esan du Aburto alkateak
Ceutako Trampolin hondartza hustu dute
Kilometroak festaren urteurren borobila ospatzen ari dira gaur Lazkaon
Bi pertsona hil dira eta bat desagertuta dago Katalunian, denboralearen ondorioz
Argindar sorgailu bat matxuratu da eta Zazpikaleetako hainbat gune argi barik utzi ditu
