Denboralearen ostean, barealdia eta tenperatura igoera ekarriko ditu igandeak Euskal Herrira
Aurreikuspenak bete eta goi-geruzetako depresio isolatuak ur kopuru handiak utzi zituen atzo penintsula osoan. Nafarroa eta Castellon izan ziren kaltetuenak, 24 orduan metro koadroko 100 litro ur baino gehiago jaso baitzituzten. Nafarroako Gobernuaren estazio meteorologiko automatikoen behin-behineko datuen arabera, prezipitazio handienak Iruñeko estazioetan erregistratu ziren (145,4 litro metro koadroko), Lizarran (108,8) eta Abodin, Pikatuan (83,5).
Hain zuzen ere, Nafarroako hiriburuak prezipitazio errekor berria ezarri zuen, 1961eko marka (115,5 litro) eta 1989koa (126,4) gaindituta. Antzeko erregistro bakarra dago historiko osoan, 1975eko urriaren 17tik 18ra bitartean jasotakoa (150 litro).
Euri-jasen ondorioz, larrialdi-zerbitzuek dei asko jaso zituzten eta gorabehera ugariri erantzun behar izan zieten, gehienak garrantzi txikikoak: ur putzuak errepideetan eta lokaletara sartutako ura. Suhiltzaileek bi fatxadatan jardun behar izan zuten, bata Iruñeko alde zaharrean eta bestea Burlatan. Bigarren horretan, zati bat erori egin zen.
EAEn, batez ere goizean egin zuen euria. Arabako ekialdea eta Gipuzkoako Goierri izan ziren kaltetuenak. 41 litro pilatu ziren Arabako Errioxan, esate baterako, eta 46 Ordizian. Euriak triskantza eragin zuen Oiongo mahastietan, adibidez.
Gipuzkoako kostaldea ere ez zen euriteetatik libratu, eta Donostiako lokal batzuetan ere sartu zen ura.
Giroak hobera
Okerrena pasatuta, aroa lasaiagoa eta egonkorragoa izango da igande honetan, eta tenperatura maximoek gora egingo dute, 30era iritsiz, Euskalmet euskal meteorologia agentziaren iragarpenaren arabera. Hala ere, zaparrada bakanen bat bota dezake oraindik, bereziki hegoaldean.
Erdi mailako hodeiak eta goi-hodeiak gailenduko dira, baina noizbehinka ostarteren bat zabal liteke, bereziki iparraldean. Ekialdeko haizea ibiliko da; barnealdean, hego-ekialdekoa nagusituko da, eta, bertan, zakartu egingo da, arratsalde erdialdetik aurrera batez ere.
Hiriburuetan, Baionan 18 gradu espero dira gutxienez eta 29 gehienez, Bilbon 18-29, Donostian 18-27, Gasteizen 15-29 eta Iruñean 15-31.
Astelehena
Bestalde, Eusko Jaurlaritzako Larrialdiei Aurre Egiteko eta Meteorologiako Zuzendaritzak abisu horia ezarri du biharko barnealdean, orduko 100 kilometrotik gorako haize-boladak eta kostaldean tenperatura altu iraunkorrak izango direlakoan.
Haizeagatik ezarritako abisua 00:00etatik 12:00ak arte egongo da indarrean, eta beroagatik ezarritakoa, berriz, 24:00ak arte. 19-28 ºC-ren bueltan ibiliko dira kostaldean, eta 17-31 ºC inguruan barnealdean.
Zure interesekoa izan daiteke
Onintza Enbeitak eta Ainhoa Urrejolak emozioz bizi dituzte Aste Nagusiaren aurreko orduak
Pregoilariak eta txupinerak jaiak hasi aurreko urduritasuna eta emozioa nabarmendu dituzte. Enbeitak onartu du inoiz izan ez duen “beldur eszenikoa” nabaritu duela egunotan, eta Urrejolak, berriz, “oso pozik” dagoela. Jaiak “askatasunez” gozatzeko aldarrikatu dute biek, “inor zapaldu gabe”.
Emakume bizkaitar bat hil da Lugon izandako auto-istripu batean
Ostiral honetan izandako ezbeharrean, bederatzi pertsona zauritu dira, horietako bi larri.
Dena prest Bilbon, Marijaia noiz iritsiko zain
Onintza Enbeita bertsolariak eta Kaixo konpartsako Ainhoa Urrejolak emango diote jaiari hasiera. Orain.eus webguneak zuzenean eskainiko du Aste Nagusiaren hasiera 19:00etatik aurrera.
Mafiek Ceutako migratzaileekin trafikatzen dutela ohartarazi du Polizia Nazionalak
Angel Victor Torres Lurralde Politika eta Memoria Demokratikoko ministroak koordinatuko du Ceutako krisiak Espainiako Gobernuaren barruan eragindako egoera.
Palestinarekin Elkartasuna elkartearen hitzetan, Palestinako erasoek "ez dute etenik", eta beste mobilizazio bat deitu du urrirako
Palestinarekin Elkartasuna plataformak deituta, manifestazioa egin dute ostiral honetan Bilbon, Palestinari elkartasuna adierazteko. Manifestariek salatu dutenez, su-etena hasi zenetik palestinarren aurkako sarraskia ez da eten, eta Israelgo Gobernuak Libanora eta Iranera zabaldu ditu erasoak. Urriaren 3an beste manifestazio bat egingo dute, Bilbon.
Lezoarrak kezkatuta daude Pasaiako portuko isuriekin eta neurriak eskatu dituzte
Azken sutearen ondorioz, leihoak ixteko deia egin diete agintariek. Horrelakoak egunero gertatzen direla salatu eta elkarretaratzea egin dute udaletxe aurrean. Portuan lan egiten duten enpresak herritarren osasunaren kontura aberasten direla esan dute, eta neurriak hartzeko eskatu diete agintariei.
Riglosko sute handia kontrolpean dute, eta ebakuatuak etxera itzuli dira
Aragoiko Gobernuak babes zibileko gutxieneko mailara jaitsi du alerta azken ebakuatuak etxera itzuli ondoren, baina operatiboak lanean jarraitzen du 14.500 hektareako perimetroa finkatzeko.
Sagardogileek sagar-bilketa aurreratu dute lehortearen ondorioz, eta aurtengo uzta % 30-35 txikiagoa izango dela aurreikusi dute
Uda lehorraren ondorioz, ekoizle batzuek uzta aurreratu dute, eta beste batzuek datozen egunetan ekingo diote bilketari. Kanpainaren emaitza irailean aurkeztuko dute Villabonako sagasti esperimentalean.
Aurtengo Aste Nagusia azkena izango da Juan Mari Aburtorentzat Bilboko alkate bezala
12 urtez alkate izateak ematen duen perspektibarekin, Aste Nagusiak izan duen bilakaeran herritarren parte-hartzea nabarmendu du. Oraindik bada zer hobetu eta kontuan hartzeko moduko kezkak eta erronkak. Horren harian, konpartsekin gorabeherak izan arren, gaur egun harremana errespetuzkoa dela esan du. Jaia lehertzeko egun bakarra falta denean, alkateak ere urduri eta emozio handiz bizi ditu ordu hauek.
Txosnak "gune seguruak" izango dira Aste Nagusian erasoak jasaten dituztenentzat
Bilboko Konpartsek egunero txandak antolatuko dituzte erasoa jasan duten pertsonei arreta emateko, leku seguru batera laguntzeko eta, hala eskatuz gero, beste eragile batzuekin harremanetan jartzeko.