Bildarratzek familientzako dirulaguntzak iragarri ditu eskola-garraioa eteteak sortutako gastuengatik
Eskola-garraioaren gatazkak baldintzatuta abiatu da 2023-2024 ikasturtea Euskal Autonomia Erkidegoan, eta Jokin Bildarratz Hezkuntza sailburuak familientzako dirulaguntzak iragarri ditu zerbitzua eteteak sortutako gastuengatik. Euskadi Irratiko "Faktoria" saioan egin dioten elkarrizketan Bildarratzek azaldu duenez, datorren astean agindu bat argitaratuko du Hezkuntza Sailak, eta horren bitartez bideratuko dira konpentsazioak.
Atzo, 2023-2024 ikasturteko lehen egunean, 7.400 ikasle eskola-garraiorik gabe gelditu zirela jakinarazi du sailburuak, eta "jarrera aldatzeko" eta ikasleen garraioa bermatzeko deia egin die berriro konpainiei.
Eusko Jaurlaritzako Hezkuntza Sailak azken orduetan atzera bota ditu eskola-garraioko enpresek lizitatu gabeko ibilbideetan jardutera behartzen dituen aginduaren kontra eskatutako kautelazko neurriak, eta, ondorioz, litekeena da zerbitzua hurrengo egunetan abiatzea berriz.
Jokin Bildarratzen esanetan, gaur-gaurkoz Hezkuntza Sailak ez du harremanik zerbitzua eman ez duten eskola-garraioko enpresekin. Edonola ere, elkarrizketarako borondatea berretsi du. Gaineratu duenez, kostu erreala estaltzea eta onuraren % 6 jasotzea eskaini die enpresei.
Oposizioak egindako eskariari erantzunez, Bildarratzek baieztatu du Eusko Legebiltzarrean gaiari buruzko azalpenak emango dituela.
Hezkuntza Legeari dagokionez, baikor mintzatu da, eta ez du zalantzarik legealdi honetan onartuko dela. EAJren, PSE-EEren eta EH Bilduren borondatea hori dela gehitu du. Urriaren 3an amaituko da Euskal Autonomia Erkidegoko Hezkuntza Lege Proiektuari zuzenketak aurkezteko epea.
Zure interesekoa izan daiteke
25 eta 28 urteko bi gizon atxilotu dituzte Gasteizen, bikotekideari eta bikotekide ohiari eraso egitea egotzita
Gasteizko Udaltzaingoak pasa den ostegunean eta ostiralean egin zituen atxiloketak, astearte honetan jakitera eman duenez.
Martinezek esan du garrantzi handikoa dela ohitura osasungarriak izatea, osasunari eragiten dioten faktoreen % 50 baitira
Osasun sailburuak ariketa fisikoa egitera, elikadura zaintzera eta alkohol eta kalamu kontsumoa murriztera animatu ditu herritarrak, Osasunaren Nazioarteko Eguna dela eta.
Mugikorrak alboratu eta familiaz gozatzeko gonbita, apirilaren 18an, EAEko hiriburuetan
Eusko Jaurlaritzak antolatuta, Mugikorrik Gabeko Eguna Familian izango da Donostian, Bilbon eta Gasteizen. Familia inguruan teknologiaren erabilera kontzienteagoa sustatzea du helburu egitasmoak. “Ongizate emozionala zaintzeko eta senideekin egotearen balioa berreskuratzeko keinu txiki” gisa aurkeztu du Nerea Melgosa Ongizate, Gazteria eta Erronka Demografikoko sailburuak.
Bizkaitik Nafarroara droga eramaten zuen gaizkile sare bat desegin dute: lau lagun atxilotu eta 22 kilo speed atzeman dituzte
Ortuellako etxebizitza batetik Nafarroara banatzen zen, eta droga 76 urteko gizon batek garraiatzen zuen.
Manifestazioa deitu dute arratsalderako Berrizen, asteleheneko eraso matxista larria salatzeko
48 urteko gizonezkoa emaztea hiltzen saiatu zen Berrizen, eta emakumea helikopteroz eraman zuten Gurutzetako Ospitalera. Atxilotuak polizia-etxean jarraitzen du, epailearen aurrean deklaratzeko zain. Bestalde, Berangoko Udalak deituta, elkarretaratzea egingo dute arratsaldean Amaiaren hilketa salatzeko. Apirilaren 1ean bikotekideak hil omen zuen, Basaurin, baina berangoztarra zen.
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko astelehenak
Ezohiko itxura hartu du Pazko astelehenak. Eguraldi beroak hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.
Gizon bat atxilotu dute, Berrizen, emaztea labankadaz larri zauritzeagatik
Gertatutakoa salatzeko, Berrizko Mugimendu Feministak manifestazio zaratatsua deitu du biharko, arratsaldeko 18:30ean, Udaletxe paretik abiatuta.