Torbe ez da kartzelan sartuko, haur pornografia grabatu eta zabaldu zuela aitortu eta akordioa lortu ostean
Ignacio Allende Torbe porno zinema ekoizleak onartu egin du adin txikikoen irudi pornografikoak grabatu eta zabaldu zituela gaur bere kontra Madrilgo Zigor-arloko Epaitegian hasi den epaiketan. Aurreikuspenak bete dira eta akusatuak leporatzen zaizkionak onartu ditu, Ministerio Publikoarekin eta akusazioekin akordioa lortu ondoren.
Epaiketa 09:30ean hasi da Madrilgo Zigor-arloko Epaitegian, eta Torbek bideokonferentzia bidez egin duen deklarazioan, porno zinema ekoizleak leporatzen dizkioten delituak onartu ditu, hots, haur-pornografia banatzea eta edukitzea eta sekretuak ezagutaraztea. Defentsa abokatuak kondenatua kartzelan ez sartzeko eskatu du, baina hori ez da gaurko saioan erabaki.
Aipaturiko delituak 2012an eta 2015ean izandako bi gertakarirekin daude lotuta. Bi kasuotan, Torbek adin txikikoen irudi pornografikoak grabatu, gorde eta zabaldu zituen.
Fiskaltzak bere hasierako eskariak aldatu ditu, eta portugaletetarrarentzat 7 urte eta 7 hilabeteko zigorra eskatzetik 2 urtekoa eskatzera igaro da. Aringarri gisa kontuan hartu du egindakoa onartu duela eta eragindako minagatik 65.000 euro ordaindu dituela.
Akordioaren arabera, bi urteko kartzela zigorra bete ostean, bi urtez zaintzapeko askatasunean egon beharko du, lau urtez ezingo da kasua salatu zuen lekuko babestuarengana hurbildu, eta sei urtez debekatuta izango du adin txikikoekin lan egitea. Halaber, adin txikikoaren irudiak zabaldu zireneko disko gogorra eta eskuko telefonoa konfiskatuko dizkiote, eta 65.000 euroko kalte-ordaina eman beharko dio biktimari. Azken hori egin du dagoeneko.
Auzi honetan bertan akusatuetako beste batek (Francisco Jose M.L.) ere delituak aitortu eta akordioa lortu du Fiskaltzarekin. Horrela, hirugarrena (Jose Carlos P.R.) epaitzen jarraituko du epaiketak.
2016an atxilotu zuten zinema ekoizlea, pornografia zabaltzea, gizakien salerosketa, kapitalak zuritzea eta Ogasun Publikoaren aurkako delituak leporatuta. Espetxeratu egin zuten, behin-behinean, eta handik 6 hilabetera utzi zuten aske, 100.000 euroko fidantza ordaindu ostean. Lau urte baino gehiago iraun duen ikerketaren ostean, haur-pornografia banatu eta edukitzeagatik eta sekretuak ezagutarazteagatik epaitu dute Torbe.
Zure interesekoa izan daiteke
Euskararen aitortza eta baliabideak eskatu dituzte Baionako Euskal Museoaren aurrean
Baionako Museoan ikusgai den Bernat Etxepareren "Linguae Vasconum primitiae" euskaraz inprimatutako lehen liburua, Parisera itzuliko dute bi hilabete pasatuta. Bere lekua hemen dagoela aldarrikatzearekin batera, euskararentzat aitortza eta baliabideak eskatu dituzte gaur Euskalgintzaren Kontseiluak eta Euskal Konfederazioak. Halaber, abenduaren 27an Bilbon izango den euskararen aldeko ekitaldian parte hartzeko deia egin dute.
Terapiako txakurrek "segurtasuna eta konfiantza" ematen diete sexu-abusuak jasan dituzten adingabeei
Hamar urte dira Bizkaian sexu-abusuen biktima izan diren adingabeek txakurrekin terapia egiteko aukera daukatela. Urtetik urtera, gainera, emaitza hobeak ematen dituela diote adituek. Hala, Euskadin lehen aldiz, epaile batek baimendu du biktima adingabe batek txakur horietako bat alboan zuela deklaratu ahal izatea.
Gizon bat atxilotu dute Angelun bikotekide ohia hiltzen saiatzeagatik
Atxilotuak igandean harrapatu zituen bere ibilgailuarekin emakumea eta haren anaia. Biktimak Baionako ospitalera eraman zituzten.
Ertzaintzak protokoloa bete zuen ikertzeko eskatu du Xuhar Pazosen defentsak
Halaber, lekuko gehiago deitzea galdegin du defentsak, 2024ko otsailean Tolosan izandako gertakarietan gertatutakoa behar bezala argitu dadin.
Plentzian jazarpena salatu duen irakaslearen kasua dela eta, protokoloak aktibatu berri ditu Hezkuntza Sailak
Eusko Jaurlaritzako Hezkuntza Politiketako sailburuordeak adierazi duenez, orain arte ikastetxeak berak kudeatu ditu irakasleak aurreko urteetan ere salatutako jazarpen egoerak. Azken gertakarietan ustez inplikatuta dauden ikasleak 12 eta 13 urte bitartekoak direla baieztatu du, eta, beraz, hartu beharreko neurriek "heziketa mailakoak" izan behar dutela. EH Bilduk azalpenak eskatuko dizkio Hezkuntza Sailari, "hartu beharreko mekanismoek" huts egin ote duten jakiteko.
Gidari bat hil da N-104 errepidean, Gasteizen, bi ibilgailuk aurrez aurre talka eginda
Eguna bereziki zaila izaten ari da EAEko errepideetan, euria eta hainbat lekutan izandako istripuak direla eta.
Indarkeria matxista eta hori eusten duten sareak salatuko ditu Euskal Herriko Mugimendu Feministak azaroaren 25ean
Elkarte feministak ari dira emakumeen aurkako indarkeria ezabatzeko nazioarteko eguneko mobilizazioak prestatzen. Euskal Herriko Mugimendu Feministak manifestazioak deitu ditu Hego Euskal Herriko hiriburuetan 19:00etan eta Baionan 18:30ean.
Askabide klinikako gerenteak salatu du presioa etengabea zela: "Errezoak erabiltzen dituzte, astakeriak esateko"
Fiskaltzaren arabera, abortatzera joandako andreak eta klinikako langileak jazartzen zituzten, protesten bidez. Akusatuek, berriz, defendatu dute adierazpen askatasunaren barruan kokatzen direla euren ekintzak.
Uribe Kostako ikasleek babesa eman diote jazarpena jasan duen irakasleari, eta ikasketa-bidaiaren betoari irtenbidea emateko eskatu dute
Uribe Kosta institutuko DBHko 4. mailako ikasleek elkarretaratzea egin dute, ikasketa-bidaia bertan behera uztearen aurka protesta egiteko. Izan ere, ikastetxeak eskolaz kanpoko jarduera guztiak bertan behera utzi ditu, Adingabeen Fiskaltzaren aurrean salatu duten irakasle baten aurkako etengabeko jazarpenagatik.
Naroa Iturri, Askabide Klinika: "Epaiketara iristea garaipen bat da guretzat"
Naroa Iturri Askabide klinikako arduradunetako batek adierazi duenez, beraiek nahi dutena da beren kliniken inguruan segurtasun perimetro bat legez ezartzea, lasai lan egin ahal izan dezaten.