Haurren kontrako sexu abusu kasuen % 80an biktimak neskatoak edo nerabeak dira EAEn
Haurren kontrako sexu abusu kasuen % 80an biktima neskatoa edo nerabea da (% 63k 10-14 urte dituzte) Euskal Autonomia Erkidegoan, eta ia gehienetan erasotzailea inguruko norbait (% 43,5) edo pertsona ezaguna (% 34,8) da, Save the Children erakundeak ostegun honetan argitaratu duen "Por una justicia a la altura de la infancia" txostenaren arabera.
Guztira, haurren aurkako sexu abusuei buruz 2021 eta 2022 urteen artean Espainiako Estatuan eman diren 389 epai aztertu dituzte, horietako 46 Araban, Bizkaian eta Gipuzkoan. EAEn aztertutako hamar kasutatik ia bederatzitan (% 89,1) erasotzaileak zigortu dituzte.
Espainiako Estatuari dagokionez, haurren kontrako sexu abusuak 11 urterekin hasten dira, batez beste, eta 10etik 8tan biktima neskatoa edo nerabea da.
Sexu erasotzailearen profilari dagokionez, 10 kasutatik 8tan haurraren inguruko pertsona bat da eta % 96k ez dute aurrekaririk sexu indarkeriagatik.
Save the Childrenek nabarmendu duenez, sexu abusuena haur eta nerabeen aurkako indarkeria modu larrienetako bat da. Espainiako Barne Ministerioak emandako azken datuen arabera, 2021ean 8.317 salaketa aurkeztu zituzten adin txikikoen aurkako sexu abusuengatik. "Datu horiek izebergaren punta baino ez dira, kasuen % 15 baino ez baitira salatzen", adierazi du Catalina Perazzo Save the Childreneko ordezkariak.
Gobernuz kanpoko erakundearen arabera, gaur egun indarrean dagoen sistemarekin biktima gehienek behin eta berriro kontatu behar izaten dute gertatutakoa. Zenbait kasutan hiru aldiz deklaratu behar izaten dute epaiketa baino lehen: poliziaren, fiskaltzaren eta epailearen aurrean. Lautik batean aurrez emandako froga erabiltzen da, birbiktimazioa saihesteko. EAEren kasuan, aurrez emandako froga bost kasutatik batean baliatu dute. Haurren aurkako sexu abusu kasuetan, biktimaren testigantza izan ohi da froga nagusia eta horregatik funtsezkoa da baliabide egokiak izatea epaiketan erabili ahal izateko deklarazioa hartzeko.
Bestalde, Save the Childrenenek autonomia erkidego guztietan Barnahus eredua (umeen etxea, islandieraz) ezarri nahi du. Aipaturiko metodoak sexu abusuak jasan dituzten adin txikikoei arreta integrala eskaintzen die, biktima erdigunean jarriz, gertaturikoa behin eta berriro errepikatu behar ez izateko. Duela bi urte, Eusko Jaurlaritzak Barnahus ereduan oinarritako proiektu pilotu bat abiatu zuen Gasteizen, eta, aurreikuspenen arabera, datozen hilabeteetan jarriko da martxan.
Amaitzeko, gobernuz kanpoko erakundeak azpimarratu du beharrezkoa dela epaitegi espezializatuak izatea indarkeria mota guztien biktima direnen eskubideak bermatzeko.
Zure interesekoa izan daiteke
?fmt=webp-alpha&qlt=80)
Greenpeaceko ekintzaile batek Madrilgo zerua zeharkatu du, Brasilgo COP30 goi-bileraren atarian
Greenpeaceko ekintzaile batek 30 metroko altueran zintzilik zegoen zinta bat zeharkatu du Madrilgo erdigunean, "Planeta, hari-harian" zioen pankarta batekin batera. Ekitzaren helburua "justizia klimatikoa" eskatzea zen, gaur Brasilen hasiko den Klimaren Gailurraren (COP30) atarian.
"Indarkeria isilak" eta mikromatxismoak ditu ardatz azaroaren 25eko Nafarroako erakundeen kanpainak
‘Egunerokoan ere ezkutatzen da indarkeria. Ikusaraz dezagun’, izango da Nafarroako leloa A25aren aurrean, emakumeen edozein kontrol, diskriminazio eta desbalorizazio moduren aurkako kanpainan. Taberna lehendakariordeak Foru Gobernuaren kanpaina bat aurkeztu du, emakume askok beren egunerokoan jasaten duten indarkeria psikologikoa, ekonomikoa eta sinbolikoa salatzeko
Indarkeria matxista denon ardura dela azpimarratuko du aurten azaroaren 25eko kanpainak
‘Ez da zure arazoa soilik, gurea ere bada’ izango da EAEko erakundeek aurkeztutako kanpainaren leloa, eta norbanako batzuen arazo izatetik urruti, gizarte osoari eragiten dion egiturazko arazoa dela eta emakumeak babesteko komunitateak osatzeko beharra nabarmenduko ditu.
Artxandako funikularra itxiko dute hiru egunez, mantentze-lanak egiteko
Udalak jakinarazi duenez, autobus zerbitzu berezia (E5 linea) martxan jarriko da, Bilbo eta Artxandaren arteko garraioa indartzeko. Zerbitzu hori A7 lineako ohiko autobusaren osagarri modura emango da, azken horrek normaltasunez jarraituko baitu.
Oiartzungo AP-8ko saihesbidea obrengatik itxiko dute igande eta astelehen gauetan
Mantentze-lanak Bilborako noranzkoan izango dira, 22:00etatik 06:00etara.
GOIDIaren biktimek Mazon espetxeratzeko eskatu dute
Carlos Mazonek dimisioa eman zuenetik astebete igaro denean, goi-geruzetako depresio isolatuaren biktimek herritarren garaipentzat jo dute, baina ez dela nahikoa nabarmendu dute. Valentziako Gorteen aurrean egindako protestan, Mazon espetxeratzeko eta haren gobernu osoaren dimisioa eskatu dute, Feijooren eta Abascalen arteko negoziazioak gaitzetsi eta Valentziaren etorkizuna valentziarrek hauteskundeetan erabaki behar dutela aldarrikatzeaz gainera.
Milaka lagunek protesta egin dute Andaluzian osasun publikoaren gainbehera salatzeko
Gure biziek ezin dute itxaron. Hori da argi eta ozen oihukatu dutena bularreko minbiziaren baheketengatik kaltetutako emakumeek Andaluziako lurralde guztietan gaur egin dituzten mobilizazioetan. Milaka lagun irten dira kalera Juanma Morenoren gobernuaren kudeaketa salatzera. Egin dituen murrizketek eta pribatizazioek osasun publikoaren gainbehera ekarri dutela deitoratu dute.
Amaitu dira AP-8ko auto-ilarak Orioko zubian, Bilboko noranzkoan
Kamioi baten eta auto baten arteko talkak 3,5 kilometrora arteko ilarak eragin ditu Orioko zubian, Bilboko noranzkoan.
Harresirik gabeko nazioarteko egunean, elkarretaratzeak egin dituzte Bilbon, Irunen, Iruñean eta Gasteizen
Harresirik gabeko eguna ospatzen da urtero azaroaren 9an, pertsonei eragiten dieten indarkeria salatzeko eta harresirik gabeko mundu bat aldarrikatzeko. 1989ko azaroaren 9an eraitsi zuten Berlingo harresia, eta horregatik egiten dute egun horretan. Hainbat elkarretaratze izan dira gaur Hego Euskal Herrian, Ongi Etorri Errefuxiatuak, BDZ eta beste eragile batzuek deituta. Bereziki Palestinako herria izan dute aurten gogoan.
Giro ezin hobea Donostian, Behobia-Donostia dela eta
Milaka pertsona bildu dira Donostian igande honetan, toki askotako korrikalariak erakarri dituen lasterketa herrikoian. Kirol proba hunkigarria izan da familia eta lagun talde askorentzat.